Yoshua 3:8 - ŊMALƐ KRƆŊKRƆŊ LƐ

⁸ Wo osɔfoi ni tere Kpãŋmɔ Adeka lɛ kitã akɛ, ‘Kɛji nyɛyanina Yordan Faa lɛ, nyɛwaa nyɛdamɔa faa lɛ mli.’ ”

Ṅmãle̱ Kroṅkroṅ Le̱

⁸ Ni bo le̱ wo oso̱foi ni tẽre kpãṅmo̱ adeka le̱ kitã ake̱: Ke̱dši nyeše̱ Iordan fā le̱ nā le̱, nyewaä nyedamo̱a ši ye̱ Iordan mli!

Yoshua 3:8 ပူးပေါင်းရင်းမြစ်များ

2 Maŋtsɛmɛi 2:6

Kɛkɛ ni Elia kɛɛ Elisha akɛ, “Mɛɛ yɛ biɛ, ejaakɛ Yehowa etsu mi Yordan Faa lɛ naa.” Shi Elisha kɛɛ lɛ akɛ, “Bei abɔ ni Yehowa hiɛ kã ni bo hu ohiɛ kã nɛɛ lɛ, mishiŋ bo.” Hewɔ lɛ amɛyi enyɔ lɛ amɛyi mli kɛtee.

2 Kronika 29:15

Gbɔmɛi nɛɛ tee ni amɛyabua amɛnyɛmimɛi Levibii lɛ anaa, ni amɛtsuu amɛhe kɛfee amɛhe krɔŋkrɔŋ. No sɛɛ lɛ, amɛtee, bɔ ni maŋtsɛ lɛ efã amɛ yɛ Yehowa wiemɔ naa lɛ, koni amɛyatsuu Yehowa We lɛ mli.

2 Kronika 29:27

Maŋtsɛ Hezekia fã akɛ abɔi shãa afɔle lɛ shãa. Be ni aje afɔle lɛ shãa shishi nɔŋŋ kɛkɛ ni maŋbii lɛ wo lala, ni akɛkafo Yehowa, ni lalatsɛmɛi lɛ hu bɔi David yinɔ obentai lɛ kɛ ŋoŋoi lɛ kɛ saŋkui lɛ tswaa kɛ tɛtɛrɛmantɛrɛ lɛ hu kpãmɔ.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

Nehemia 13:22

Kɛkɛ ni mifã Levibii lɛ akɛ amɛtsuu amɛhe koni amɛba amɛbabu agboi lɛ anaa, bɔ ni afee ni afee hejɔɔmɔ gbi lɛ krɔŋkrɔŋ. MiNyɔŋmɔ, kaimɔ mi yɛ enɛ hu hewɔ koni okɛ mihe eshai afa mi yɛ osuɔmɔ ni fa lɛ hewɔ.

Nehemia 13:28

Osɔfonukpa Eliashib bi ji Yoiada. Yoiada bii lɛ ateŋ mɔ kome yaŋɔ Sanbalat Horonnyo lɛ biyoo, ni ekɛ Sanbalat fee shaanuu. No hewɔ lɛ, mishwie Yoiada bi lɛ yɛ mihe.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

Yāfó 3:26

Ehi akɛ atoɔ tsui shi kpoo amɛɔ Yehowa yiwalaheremɔ lɛ.

Yoshua 3:17

Be ni Israelbii lɛ fɛɛ nyiɛ shikpɔŋ gbiŋ nɔ kɛfoɔ faa lɛ, osɔfoi lɛ ni tere Yehowa Kpãŋmɔ Adeka lɛ wa damɔ shikpɔŋ gbiŋ nɔ yɛ Yordan teŋ tuuŋtu kɛyashi beyinɔ ni maŋ muu lɛ fɛɛ fo faa lɛ tã.

Yoshua 3:3

ni amɛwo maŋbii lɛ shi amɛkɛɛ, “Kɛji nyɛna osɔfoi lɛ, ni ji Levibii lɛ, tere Yehowa, nyɛNyɔŋmɔ lɛ, Kpãŋmɔ Adeka lɛ kɛho pɛ, nyɛ hu nyɛfãa kɛjɛa hei ni nyɛyɔɔ lɛ koni nyɛnyiɛa sɛɛ, bɔ ni afee ni nyɛna he ni gbɛ lɛ kã, ejaakɛ nyɛtsɔ̃ko gbɛ nɛɛ nɔ dã.

Yoshua 3:7

Yehowa kɛɛ Yoshua akɛ, “Mibabɔ̃i ohiɛ nyamwoo kɛjɛ ŋmɛnɛ gbi nɛɛ matsɔ̃ɔ Israelbii lɛ fɛɛ koni amɛkɛna amɛle akɛ bɔ ni mikɛ Mose hi shi lɛ, nakai nɔŋŋ mikɛ bo hu baahi shi.

Yoshua 3:9

Kɛkɛ ni Yoshua tsɛ maŋbii lɛ, ni ekɛɛ amɛ akɛ, “Nyɛtsia nyɛbaa biɛ koni nyɛbaboa Yehowa, nyɛNyɔŋmɔ lɛ, toi.”

Yoshua 4:11

Be ni maŋ lɛ fɛɛ efo faa lɛ etã lɛ, osɔfoi lɛ kɛ Yehowa Kpãŋmɔ Adeka lɛ hu fo, kɛkɛ ni amɛyi maŋ lɛ hiɛ.