Yoshua 3:4 - ŊMALƐ KRƆŊKRƆŊ LƐ

⁴ Kɛ̃lɛ gbɛ akã nyɛ kɛ Kpãŋmɔ Adeka lɛ teŋ, gbɛ ni kɛji asusu lɛ aaafee ninetalɔi akpei enyɔ; nyɛkabɛŋkɛa Kpãŋmɔ Adeka lɛ.”

Ṅmãle̱ Kroṅkroṅ Le̱

⁴ kẽle̱ gbe̱ akã nyeke̱le̱ teṅ, bo̱ni ké̱ asusu ni aafe ninetalo̱i akpei-enyo̱; nyekabe̱ṅke̱ale̱, beni afe ní nyele nõ gbe̱ no̱ ní nyeatšṍ; edšake̱ nyetšṍko gbe̱ le̱ no̱ dã.

Yoshua 3:4 ပူးပေါင်းရင်းမြစ်များ

1 Mose 31:2

Agbɛnɛ Yakob na akɛ gbii etɛ̃ nɛɛ Laban tseee ehiɛ ehãaa lɛ dɔŋŋ tamɔ sa lɛ.

1 Kronika 11:2

Nyɛsɛɛ ko be ni Maŋtsɛ Saul yeɔ wɔnɔ lɛ, bo ji tatsɛ ni nyiɛ Israelbii ahiɛ kɛtee kɛba, asaŋ Yehowa oNyɔŋmɔ lɛ wo bo shi akɛ, ‘Bo oootsɔ̃ mimaŋ Israelbii lɛ hiɛnyiɛlɔ kɛ amɛlumɔ.’ ”

Lalai 25:12

Mɔ fɛɛ mɔ ni sheɔ Yehowa gbeyei lɛ, lɛ Yehowa aaatsɔ̃ɔ lɛ gbɛ ni enyiɛ nɔ.

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

2 Mose 19:12

Foo akrabatsa okɛtsi maŋ lɛ gbɛ, ni obɔ amɛ kɔkɔ akɛ, ‘Nyɛkwɛa ni ahĩa koni nyɛkakwɔa gɔŋ lɛ, aloo ni nyɛtaa ehusu lɛ he.’ Mɔ fɛɛ mɔ ni aaata gɔŋ lɛ he lɛ gbe aaagbe lɛ.

2 Mose 3:5

Nyɔŋmɔ kɛɛ lɛ akɛ, “Kaatsi oba dɔŋŋ! Jiemɔ otokotai lɛ, shi he ni odamɔ lɛ shikpɔŋ krɔŋkrɔŋ ni.”

2 Mose 4:10

Mose kɛɛ Yehowa akɛ, “Ofainɛ miNuŋtsɔ! Minaa tseee kɛjɛ jeeŋmɔ beebe, ni kɛjɛ beyinɔ hu ni okɛ mi, otsulɔ, wie nɛɛ fɛɛ, minaa tseko, ni mililɛi tsii.”

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yesaia 48:17

Bɔ ni Yehowa, bo-Kpɔ̃lɔ, Israel Mɔ Krɔŋkrɔŋ lɛ kɛɛ nɛ, “Mi ji Yehowa, oNyɔŋmɔ lɛ, mɔ ni tsɔɔ bo nii ni hi ha bo, mɔ ni tsɔɔ bo gbɛ ni esa akɛ onyiɛ nɔ lɛ.

Yoshua 3:3

ni amɛwo maŋbii lɛ shi amɛkɛɛ, “Kɛji nyɛna osɔfoi lɛ, ni ji Levibii lɛ, tere Yehowa, nyɛNyɔŋmɔ lɛ, Kpãŋmɔ Adeka lɛ kɛho pɛ, nyɛ hu nyɛfãa kɛjɛa hei ni nyɛyɔɔ lɛ koni nyɛnyiɛa sɛɛ, bɔ ni afee ni nyɛna he ni gbɛ lɛ kã, ejaakɛ nyɛtsɔ̃ko gbɛ nɛɛ nɔ dã.

Yoshua 3:5

Yoshua kɛɛ maŋbii lɛ akɛ, “Nyɛtsua nyɛhe ejaakɛ wɔ lɛ Yehowa baafee naakpɛɛ nii yɛ nyɛteŋ.”