Yoshua 3:3 - ŊMALƐ KRƆŊKRƆŊ LƐ

³ ni amɛwo maŋbii lɛ shi amɛkɛɛ, “Kɛji nyɛna osɔfoi lɛ, ni ji Levibii lɛ, tere Yehowa, nyɛNyɔŋmɔ lɛ, Kpãŋmɔ Adeka lɛ kɛho pɛ, nyɛ hu nyɛfãa kɛjɛa hei ni nyɛyɔɔ lɛ koni nyɛnyiɛa sɛɛ, bɔ ni afee ni nyɛna he ni gbɛ lɛ kã, ejaakɛ nyɛtsɔ̃ko gbɛ nɛɛ nɔ dã.

Ṅmãle̱ Kroṅkroṅ Le̱

³ ni ame̱wo maṅ le̱ kitã ake̱: Ké̱ nyena Iehowa, nye-Nyoṅmo̱ le̱, kpãṅmo̱ adeka le̱, ní oso̱foi ní dši Levibii le̱ tẽre le̱, no le̱ nye hũ nyefãa ke̱-dše̱a hei ní nyeyo̱ le̱, ni nyenyiea se̱;

Yoshua 3:3 ပူးပေါင်းရင်းမြစ်များ

2 Samuel 6:13

Kɛji mɛi ni tere Kpãŋmɔ Adeka lɛ famɔ amɛnaji shii ekpaa lɛ, David gbeɔ tsina kɛ too ni ewo fɔ ekɛshãa afɔle.

2 Samuel 6:3

Amɛyawo Kpãŋmɔ Adeka lɛ yɛ Abinadab we lɛ ni yɔɔ gɔŋ lɛ nɔ lɛ mli, ni amɛkɛma shwiili hee ko nɔ. Abinadab bihii, Uza kɛ Ahio, kudɔ shwiili hee ni adeka lɛ ma nɔ lɛ.

1 Maŋtsɛmɛi 8:3

Be ni Israel onukpai lɛ bua amɛhe naa lɛ, Osɔfoi lɛ bawo Kpãŋmɔ Adeka lɛ.

Yeremia 33:18

Asaŋ Levinyo ni aaasɔ̃mɔ yɛ mihiɛ koni eshã shãa afɔlei kɛ niyenii afɔlei gbi fɛɛ gbi lɛ ebɔŋ Levibii ni ji osɔfoi lɛ kɔkɔɔkɔ.”

4 Mose 10:33

No hewɔ lɛ, Israelbii lɛ fã nyiɛmɔ kɛjɛ Sinai, ni ji Yehowa Gɔŋ lɛ he; ni amɛnyiɛ gbii etɛ̃; ni Yehowa Kpãŋmɔ Adeka lɛ nyiɛ amɛhiɛ gbii etɛ̃ lɛ koni etsɔ̃ɔ amɛ amɛshitoohe.

4 Mose 4:15

Kɛji Aaron kɛ ebihii lɛ eha Kpee Buu lɛ kɛ Buu lɛ mli nibii lɛ hu fɛɛ ahe amɛgbe naa, ni maŋ lɛ baafã nyiɛmɔ lɛ, no mli dani Kohatbii lɛ abahole nibii lɛ, shi moŋ amɛkɛ amɛnine akata nibii lɛ eko he koni amɛkagboi. Enɛɛmɛi ji Kpee Buu lɛ he nibii ni Kohatbii lɛ baatere lɛ.

Mateo 16:24

Kɛkɛ ni Yesu kɛɛ ekaselɔi lɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Mateo 8:19

Ni mlatsɔɔlɔ ko ba eŋɔɔ ebakɛɛ lɛ akɛ, “Tsɔɔlɔ, manyiɛ osɛɛ kɛya he fɛɛ he ni oyaa.”

5 Mose 31:25

Mose fã Levibii osɔfoi ni tereɔ Yehowa Kpãŋmɔ Adeka lɛ, ni ekɛɛ amɛ akɛ,

5 Mose 31:9

Kɛkɛ ni Mose ŋma mla lɛ ewo wolo mli, ni ekɛhã osɔfoi lɛ, ni ji Levi shwiei, mɛi ni tereɔ Yehowa Kpãŋmɔ Adeka lɛ, kɛ Israelbii lɛ amaŋ onukpai lɛ fɛɛ.

Yoshua 3:4

Kɛ̃lɛ gbɛ akã nyɛ kɛ Kpãŋmɔ Adeka lɛ teŋ, gbɛ ni kɛji asusu lɛ aaafee ninetalɔi akpei enyɔ; nyɛkabɛŋkɛa Kpãŋmɔ Adeka lɛ.”

Yoshua 3:6

Ni ekɛɛ osɔfoi lɛ akɛ, “Nyɛwoa Kpãŋmɔ Adeka lɛ koni nyɛkɛnyiɛa maŋ lɛ hiɛ.” Osɔfoi lɛ wo Kpãŋmɔ Adeka lɛ, ni amɛkɛnyiɛ maŋ lɛ hiɛ.

Yoshua 3:8

Wo osɔfoi ni tere Kpãŋmɔ Adeka lɛ kitã akɛ, ‘Kɛji nyɛyanina Yordan Faa lɛ, nyɛwaa nyɛdamɔa faa lɛ mli.’ ”

Yoshua 4:10

Osɔfoi lɛ ni tere Kpãŋmɔ Adeka lɛ wa damɔ shi yɛ Yordan teŋ kɛyashi beyinɔ ni agbe nɔ fɛɛ nɔ ni Yehowa fã Yoshua akɛ ekɛɛ maŋ lɛ koni afee lɛ naa, tamɔ bɔ ni Mose fã Yoshua lɛ pɛpɛɛpɛ. Israelbii lɛ ahe fee oya kɛfo faa lɛ.

Yoshua 6:6

Yoshua, Nun bi lɛ, tsɛ osɔfoi lɛ, ni ekɛɛ amɛ akɛ, “Nyɛwoa Kpãŋmɔ Adeka lɛ, ni nyɛhãa osɔfoi kpawo ahiɛa ojwɛni akloŋto bɛji kɛnyiɛa Yehowa Kpãŋmɔ Adeka lɛ hiɛ.”

Kpojiemɔ 14:4

Mɛnɛɛmɛi ji mɛi ni kɛ yei buleko amɛhe, ejaakɛ oblahii ni he tse ji amɛ, ni amɛnyiɛɔ Toobi lɛ sɛɛ kɛyaa he fɛɛ he ni eyaa lɛ. Mɛnɛɛmɛi ji mɛi ni akpɔ̃ kɛjɛ gbɔmɛi ateŋ akɛ klɛŋklɛŋ yibii kɛhã Nyɔŋmɔ kɛ Toobi lɛ.

1 Samuel 6:15

Levibii ni yɔɔ jɛi lɛ wo Yehowa Kpãŋmɔ Adeka lɛ kɛ adeka ni ma emasɛi ni shika nibii lɛ yɔɔ mli lɛ hu, ni amɛkɛmamɔ tɛ wulu lɛ nɔ. Bet-Shemeshbii lɛ shãshãa afɔlei, ni amɛgbegbee kooloi hu amɛkɛshã afɔlei amɛkɛhã Yehowa nakai gbi lɛ.