Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yoshua 3:16 - ŊMALƐ KRƆŊKRƆŊ LƐ

16 kɛkɛ ni nu ni jɛ yiteŋgbɛ baa lɛ wa, ni ekwɔ kɛtee ŋwɛi shɔŋŋ, yɛ Adam ni ji maŋ ko ni bɛŋkɛ Zaretan lɛ he. Kɛkɛ ni nu ni kpelekeɔ shi kɛyaboteɔ Araba ŋshɔ, ni ji Ŋoo Ŋshɔ, lɛ mli lɛ tã, ni esɛɛ fo kwraa. Kɛkɛ ni Israelbii lɛ fo faa lɛ yɛ Yeriko ŋlɛnɔ tuuŋtu.

အခန်းကိုကြည့်ပါ။ ကော်ပီ

Ṅmãle̱ Kroṅkroṅ Le̱

16 ke̱ke̱ ni nu ní dše̱ yiteṅgbe̱ baä le̱ *te ši damo̱ ši ké kome, ye̱ šoṅṅ ye̱ Adam ní dši maṅ ko ni yo̱ Zaretan mase̱i le̱ he; ni nu ní kplekeo̱ ši ke̱-yaä Araba-ṅšo̱ ní dši Ṅō-ṅšo̱ le̱ mli le̱ tã ni ese̱ fo. Ni maṅ le̱ fo fā le̱ ye̱ Ieriko ṅe̱le̱no̱ tū̃ntũ. *2 Mose 14,21. Lal. 114,3.

အခန်းကိုကြည့်ပါ။ ကော်ပီ




Yoshua 3:16
31 ပူးပေါင်းရင်းမြစ်များ  

Maŋtsɛmɛi nɛɛ fɛɛ fee ta kome yɛ Sidim jɔɔ lɛ ni etsɔ̃ Ŋoo Ŋshɔ agbɛnɛ lɛ mli.


Ahilud bi Baana kwɛɔ Taanak kɛ Megido kɛ Bet-Shean yɛ Zaretan masɛi yɛ Yezreel ŋshɔnaa gbɛ, kɛjɛ Bet-Shean kɛyashwie Abel-Mehola kɛ Yokmeam sɛɛ.


Maŋtsɛ Solomon hã afee enɛɛmɛi fɛɛ yɛ Yordan ŋa lɛ nɔ, yɛ shiku shikpɔŋ ni yɔɔ Sukot kɛ Zaretan teŋ lɛ mli.


Ŋshɔ Tsuru lɛ na, ni ejo foi; Yordan hu kpa hoo.


Oo Ŋshɔ, te aye tɛŋŋ, ni ojoɔ foi nɛɛ? Bo Yordan hu, ni okpa hoo nɛɛ?


Yehowa ta nu afua nɔ eeye maŋtsɛ; Yehowa miiye maŋtsɛ kɛmiiya naanɔ.


Ebua ŋshɔ mli nu fɛɛ naa, efee lɛ bibioo tamɔ tɔ mli nii; ni shikpɔŋ lɛ shishi bu kwɔŋkwɔŋ lɛ mli nu babaoo lɛ, etsi naa eto nitoohe.


Ehã ŋshɔ tsɔ̃ shikpɔŋ gbiŋ, ni wɔblema tsɛmɛi lɛ nyiɛ nɔ kɛfo ŋshɔ lɛ. Jɛi wɔnya yɛ, yɛ nɔ ni efee lɛ hewɔ.


Ohã nuhiŋmɛii kɛ faa niji tue; ni ohã faa ni hoɔ daa lɛ ŋala.


Ofo ŋshɔ kwɔŋkwɔŋ lɛ. Onyiɛ kɛtsɔ̃ ŋshɔkei lɛ amli; shi anaaa onanemaamɔhei.


Egba ŋshɔ lɛŋ, ni ehã amɛtsɔ̃ mli kɛho; ni ehã ŋshɔ lɛ tsɔ̃ tamɔ gbogbo ni ma shi.


Mose kpã enine mli yɛ ŋshɔ lɛ nɔ, ni Yehowa hã bokã kɔɔyɔɔ ko ni naa wa batswa nakai nyɔɔŋ lɛ mli fɛɛ, ni ehã ŋshɔ lɛ gbala kɛtee sɛɛ, yɛ biɛ kɛ biɛ, ni emli gba enyɔ, ni eshi shikpɔŋ gbiŋ efɔ̃ shi yɛ eteŋ,


ni Israelbii lɛ yi shikpɔŋ gbiŋ lɛ nɔ yɛ ŋshɔ lɛ teŋ, ni nu lɛ ma shi tamɔ gbogbo yɛ amɛninejurɔ kɛ amɛbɛku.


Shi Israelbii lɛ nyiɛ shikpɔŋ gbiŋ nɔ kɛtsɔ̃ ŋshɔ lɛ teŋ, ni nu lɛ tsɔ̃ tamɔ gbogbo hã amɛ yɛ amɛninejurɔ kɛ amɛbɛku.


Omu oshwie ŋshɔ lɛ nɔ, ni nu lɛ bua ehe naa, ni ŋshɔkei lɛ ho damɔ shi keikei, ŋshɔ teŋteŋ nu lɛ shɔ̃ etsɔ̃ kpɔ.


“Mɛɛba miba, ni mɔ ko mɔ ko bɛ? Mɛɛba mibo mitsɛ, ni mɔ ko mɔ ko hereee mi nɔ lɛ? Ani minine efo kuku bɔ ni minyɛɛɛ mɔ yiwala mahere? Aloo mibɛ hewalɛ ni mikɛaakpɔ̃ mɔ? Naa, mifãa, ni ŋshɔ miiɔ. Mihãa fai gbiɔ ni amɛtsɔmɔɔ tamɔ shiaŋa, ni amɛmli loi gboiɔ ni amɛshaa, ejaakɛ amɛnaaa nu.


Ekɛɛ mi akɛ, “Nɛkɛ nu nɛɛ hoɔ kɛyaa bokãgbɛ, ni emaa eyi shi kɛtsɔ̃ɔ Yordan Jɔɔ lɛ mli, ni ekɛ enaa yawoɔ Ŋoo Ŋshɔ lɛ mli. Kɛji nu lɛ bote Ŋoo Ŋshɔ lɛ mli lɛ, ehãa Ŋoo Ŋshɔ lɛ mli nu tsɔ̃ɔ nuŋma.”


Eŋãa ŋshɔ yi, ni emiɔ; ehãa fai fɛɛ miɔ. Bashan kɛ Karmel gɔji lɛ anɔ ŋãlãa, ni Lebanon ŋã floŋŋ lɛ hu ŋãlãa.


Yehowa, ani fai omli wo la wo? Fai ni omli fu, loo ŋshɔ ni ogri owo? No hewɔ ota kunimyeli okpɔŋɔ kɛ tayaa shwiili mli kɛbaa nɛɛ?


Nyɛshikpɔŋ lɛ wuoyigbɛ lɛ baakã shi kɛjɛ Zin ŋa lɛ nɔ, ni ebaanyiɛ Edom shikpɔŋ lɛ husu lɛ nɔ. Nyɛwuoyigbɛ husu lɛ baajɛ Ŋoo Ŋshɔ lɛ bokãgbɛ naagbee gbɛ,


Mose kɛ Israel fɛɛ wie Wolo nɛɛ mli wiemɔi nɛɛ yɛ Yordan Faa lɛ bokãgbɛ, yɛ ŋa kplenee ni kã Suf maŋ lɛ ŋlɛnɔ lɛ nɔ. Ŋa nɛɛ kã Paran maŋ lɛ kɛ Tofel kɛ Laban kɛ Hazerot kɛ Dizahab maji lɛ ateŋ.


Yɛ anaigbɛ lɛ amɛshikpɔŋ lɛ yamɔɔ Yordan Faa lɛ; ejɛɔ Galilea Kpaakpo lɛ he yɛ kooyigbɛ kɛhoɔ kɛyamɔɔ Ŋoo Ŋshɔ lɛ yɛ wuoyigbɛ, kɛtseɔ mli kɛyaa Pisga Gɔŋ lɛ shishi yɛ bokãgbɛ.


Maŋtsɛ Sihon nɛɛ nɔŋŋ shikpɔŋ ji Yordan Jɔɔ lɛ mli shikpɔŋ ni kã shi kɛjɛ Bet Yeshimot wuoyi (yɛ Galilea Kpaakpo lɛ bokãgbɛ) kɛyashwie Pisga Gɔŋ lɛ shishi lɛ.


Amɛshikpɔŋ nɛɛ wuoyigbɛ husu lɛ jɛ Ŋoo Ŋshɔ lɛ naagbeehe lɛ, yɛ ble ni kã wuoyigbɛ lɛ naa,


Kɛjɛ Yanoha lɛ, husu lɛ kpeleke shi kɛba Atarot kɛ Naara, ni esharã Yeriko kɛyamɔ Yordan lɛ.


Ni naa, amrɔ pɛ ni osɔfoi ni tere Yehowa, ni ji shikpɔŋ tso muu lɛ fɛɛ Nuŋtsɔ lɛ, Adeka lɛ anaji aaasa Yordan mli nu lɛ mli lɛ, nu lɛ aaakpa hoo, ni nu ni jɛɔ yiteŋgbɛ baa lɛ baawa, ni eeema shi tamɔ gbogbo.”


nyɛgbaa nyɛbii lɛ akɛ, ‘Israel nyiɛ shikpɔŋ gbiŋ nɔ kɛfo Yordan nɛɛ,’


Be ni Amorbii amaŋtsɛmɛi fɛɛ ni yɔɔ Yordan sɛɛ yɛ anaigbɛ lɛ kɛ Kanaanbii amaŋtsɛmɛi fɛɛ ni yɔɔ ŋshɔnaa lɛ nu akɛ Yehowa hã Yordan lɛ mli nu lɛ gbi kɛyashi Israelbii lɛ fo faa lɛ tã lɛ, amɛtsui fã, ni mɔ fɛɛ mɔ mli ekãa laaje yɛ Israelbii lɛ ahewɔ.


Be ni akpã tɛtɛrɛmantɛrɛi ohai etɛ̃ lɛ, Yehowa hã Midianbii lɛ ateŋ mɔ fɛɛ mɔ dɔ eklante eto enyɛmi nɔ yɛ nsra muu lɛ fɛɛ mli. Kɛkɛ ni Midian ta muu lɛ fɛɛ jo foi kɛtee Bet-Shita ni yɔɔ kɛyaa Zerera gbɛ lɛ, kɛtee Abel-Mehola ni yɔɔ Tabat masɛi lɛ tɔ̃ɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ