Yoshua 3:15 - ŊMALƐ KRƆŊKRƆŊ LƐ

¹⁵ ni mɛi ni tere Adeka lɛ bashɛ Yordan Faa lɛ naa, ni osɔfoi lɛ ni tere Kpãŋmɔ Adeka lɛ anaji na sa nu lɛ mli pɛ (ejaakɛ Yordan lɛ jeɔ ŋã nikpamɔ be mli fɛɛ),

Ṅmãle̱ Kroṅkroṅ Le̱

¹⁵ ni mei ni tẽre adeka le̱ baše̱ Iordan nā, ni oso̱foi ní tẽre adeka le̱ anãdši sa nu le̱ mli pe̱ le̱ (edšake̱ nikpamo̱ be le̱ mli fẽ le̱ Iordan dšeo̱ ṅã),

Yoshua 3:15 ပူးပေါင်းရင်းမြစ်များ

2 Maŋtsɛmɛi 2:6

Kɛkɛ ni Elia kɛɛ Elisha akɛ, “Mɛɛ yɛ biɛ, ejaakɛ Yehowa etsu mi Yordan Faa lɛ naa.” Shi Elisha kɛɛ lɛ akɛ, “Bei abɔ ni Yehowa hiɛ kã ni bo hu ohiɛ kã nɛɛ lɛ, mishiŋ bo.” Hewɔ lɛ amɛyi enyɔ lɛ amɛyi mli kɛtee.

1 Kronika 12:15

Afi lɛ klɛŋklɛŋ nyɔŋ lɛ nɔ, be mli ni Yordan Faa lɛ eyi ni eje ŋa lɛ, gbɔmɛi nɛɛ fo faa lɛ ni amɛyawo jɔi lɛ amli bii lɛ foi yɛ faa lɛ bokãgbɛ kɛ anaigbɛ fɛɛ lɛ.

1 Kronika 12:16

Asaŋ Benyaminbii kɛ Yudabii lɛ ateŋ mɛi krokomɛi hu ba David ŋɔɔ yɛ mɔɔ lɛ mli he ni eyɔɔ lɛ.

Yesaia 26:6

Mɛi ni aye amɛnɔ kɛ yiwalɛ lɛ, amɛmiinaanaa enɔ agbɛnɛ; ohiafoi miinaanaa enɔ.

Yeremia 12:5

Kɛkɛ ni Yehowa kɛɛ akɛ, “Yeremia, kɛji okɛ gbɔmɛi da foi ni amɛhã eje otsine lɛ, te ooofee tɛŋŋ okɛ okpɔŋɔi ashi mple hu? Ni kɛji shikpɔŋ trɛnɛɛ nɔ tete ogbee shi yɛ lɛ, te ooofee tɛŋŋ yɛ Yordan Faa lɛ he koo hayii lɛ amli hu?

Yeremia 49:19

Naa, bɔ ni jata fãa kɛjɛɔ Yordan Faa he koo hayii mli kɛbaa ebatuaa too ku yɛ amɛniyelihe lɛ, nakai mibaba trukaa, ni mahã Edombii ajo foi amɛshi amɛshikpɔŋ lɛ nɔ, ni mi, mibato mɔ ni misumɔɔ koni eye Edom nɔ. Ejaakɛ namɔ kɛ mi ye egbɔ? Namɔ baanyɛ mi sane ebi? Mɛɛ maŋ hiɛnyiɛlɔ baanyɛ mihiɛ edamɔ?

Nahum 1:4

Eŋãa ŋshɔ yi, ni emiɔ; ehãa fai fɛɛ miɔ. Bashan kɛ Karmel gɔji lɛ anɔ ŋãlãa, ni Lebanon ŋã floŋŋ lɛ hu ŋãlãa.

Yoshua 3:13

Ni naa, amrɔ pɛ ni osɔfoi ni tere Yehowa, ni ji shikpɔŋ tso muu lɛ fɛɛ Nuŋtsɔ lɛ, Adeka lɛ anaji aaasa Yordan mli nu lɛ mli lɛ, nu lɛ aaakpa hoo, ni nu ni jɛɔ yiteŋgbɛ baa lɛ baawa, ni eeema shi tamɔ gbogbo.”

Yoshua 4:18

Be ni osɔfoi lɛ ni tere Yehowa Kpãŋmɔ Adeka lɛ je Yordan lɛ mli, ni amɛnaji sa shikpɔŋ gbiŋ nɔ pɛ, kɛkɛ ni Yordan mli nu lɛ yiridi kɛba ekoŋŋ, ni esram nɔ tamɔ tsuutsu lɛ.