Yoshua 3:13 - ŊMALƐ KRƆŊKRƆŊ LƐ

¹³ Ni naa, amrɔ pɛ ni osɔfoi ni tere Yehowa, ni ji shikpɔŋ tso muu lɛ fɛɛ Nuŋtsɔ lɛ, Adeka lɛ anaji aaasa Yordan mli nu lɛ mli lɛ, nu lɛ aaakpa hoo, ni nu ni jɛɔ yiteŋgbɛ baa lɛ baawa, ni eeema shi tamɔ gbogbo.”

Ṅmãle̱ Kroṅkroṅ Le̱

¹³ Ni aaba mli ake̱ amrõ pe̱ ni oso̱foi le̱, ni tẽre Iehowa ni dši šikpoṅ le̱ fẽ Nuṅtšo̱ le̱ adeka le̱, anãdšiaši aasa Iordan nui le̱ amli le̱, Iordan mli nu ni dše̱o̱ yiteṅgbe̱ baä le̱ bawa, ni eedamo̱ ši tamo̱ gbogbo.

Yoshua 3:13 ပူးပေါင်းရင်းမြစ်များ

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

Lalai 33:7

Ebua ŋshɔ mli nu fɛɛ naa, efee lɛ bibioo tamɔ tɔ mli nii; ni shikpɔŋ lɛ shishi bu kwɔŋkwɔŋ lɛ mli nu babaoo lɛ, etsi naa eto nitoohe.

Lalai 74:15

Ohã nuhiŋmɛii kɛ faa niji tue; ni ohã faa ni hoɔ daa lɛ ŋala.

Lalai 78:13

Egba ŋshɔ lɛŋ, ni ehã amɛtsɔ̃ mli kɛho; ni ehã ŋshɔ lɛ tsɔ̃ tamɔ gbogbo ni ma shi.

2 Mose 15:8

Omu oshwie ŋshɔ lɛ nɔ, ni nu lɛ bua ehe naa, ni ŋshɔkei lɛ ho damɔ shi keikei, ŋshɔ teŋteŋ nu lɛ shɔ̃ etsɔ̃ kpɔ.

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Habakuk 3:15

Okɛ okpɔŋɔi lɛ naanaa ŋshɔ ni ji nu kpeteŋkple ni kumɔɔ lɛ nɔ.

Zakaria 4:14

Kɛkɛ ni ekɛɛ mi akɛ, “Nibii nɛɛ damɔ shi hã mɛi enyɔ ni ahala amɛ, ni afɔ amɛ mu koni amɛsɔmɔ Yehowa mɔ ni ji jeŋ fɛɛ Nuŋtsɔ lɛ.”

Yoshua 3:11

Naa, shikpɔŋ tso muu lɛ fɛɛ Nuŋtsɔ lɛ Kpãŋmɔ Adeka lɛ miitsɔ̃ nyɛhiɛ kɛmiiho kɛmiiya Yordan mli.

Yoshua 4:7

nyɛjie naa nyɛhã amɛ akɛ, ‘Yordan Faa lɛŋ nu lɛ sɛɛ fo yɛ Kpãŋmɔ Adeka lɛ hiɛ be ni akɛfo Yordan lɛ.’ No hewɔ lɛ, tɛi nɛɛ baatsɔ̃ kaimɔ nɔ ahã Israelbii kɛya naanɔ.”