Yoshua 3:11 - ŊMALƐ KRƆŊKRƆŊ LƐ

¹¹ Naa, shikpɔŋ tso muu lɛ fɛɛ Nuŋtsɔ lɛ Kpãŋmɔ Adeka lɛ miitsɔ̃ nyɛhiɛ kɛmiiho kɛmiiya Yordan mli.

Ṅmãle̱ Kroṅkroṅ Le̱

¹¹ Na, šikpoṅ le̱ fẽ Nuṅtšo̱ le̱ kpãṅmo̱ adeka le̱ mītšṍ nyehĩe ke̱-mīho ke̱-mīya Iordan mli.

Yoshua 3:11 ပူးပေါင်းရင်းမြစ်များ

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

Hiob 41:11

Namɔ kwraa etsɔ̃ hiɛ efee nɔ ko ehã mi, koni mato lɛ najiaŋ? Nɔ fɛɛ nɔ ni yɔɔ jeŋ lɛ, minɔ ni.

Lalai 24:1

Shikpɔŋ lɛ kɛ enɔ nii fɛɛ lɛ, Yehowa nɔ ni; ni je lɛ kɛ mɛi fɛɛ ni yɔɔ mli lɛ, enɔ ni.

Lalai 97:5

Gɔji lɛ sereɔ tamɔ wo agbaku yɛ Yehowa hiɛ, yɛ shikpɔŋ muu lɛ fɛɛ Nuŋtsɔ lɛ hiɛ.

Yesaia 3:12

Naa, shikafalɔi miiwa mimaŋbii lɛ ayi, ni amɛnyɔjiatsɛmɛi lɛ shishiuɔ amɛ. Ao! Miwebii, nyɛmaŋhiɛnyiɛlɔi lɛ miihã nyɛmiidu gbɛ, ni amɛmiihã nyɛnane miitɔ̃tɔ̃.

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yeremia 10:7

Bo majimaji fɛɛ amaŋtsɛ, namɔ po ni sheŋ bo gbeyei? Ejaakɛ bo nɔŋŋ pɛ osa woo. Majimaji lɛ anɔ nilelɔi lɛ ateŋ lɛ, kɛ amɛmaŋtsɛmɛi anɔyelihei lɛ fɛɛ lɛ mɔ ko mɔ ko bɛ ni tamɔ bo.

Mika 4:13

Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”

Zefania 2:11

Amɛbaashe Yehowa gbeyei naakpa. Yehowa baashwie shikpɔŋ lɛ nɔ jemawɔji fɛɛ ahiɛ shi; ni kɛkɛ lɛ maji fɛɛ baaja Yehowa yɛ amɛteŋ mɔ fɛɛ mɔ diɛŋtsɛ shikpɔŋ nɔ.

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Zakaria 4:14

Kɛkɛ ni ekɛɛ mi akɛ, “Nibii nɛɛ damɔ shi hã mɛi enyɔ ni ahala amɛ, ni afɔ amɛ mu koni amɛsɔmɔ Yehowa mɔ ni ji jeŋ fɛɛ Nuŋtsɔ lɛ.”

Zakaria 6:5

Bɔfo lɛ hã mi hetoo ekɛɛ akɛ, “Enɛɛmɛi damɔ shi hã ŋwɛi kɔɔyɔi ejwɛ lɛ. Amɛmiiya amɛkɛ amɛhe ayatsɔ̃ɔ jeŋ fɛɛ Nuŋtsɔ lɛ, koni no sɛɛ lɛ amɛya ŋwɛi kɔɔyɔi ejwɛ lɛ aŋɔɔ.”

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Yoshua 3:13

Ni naa, amrɔ pɛ ni osɔfoi ni tere Yehowa, ni ji shikpɔŋ tso muu lɛ fɛɛ Nuŋtsɔ lɛ, Adeka lɛ anaji aaasa Yordan mli nu lɛ mli lɛ, nu lɛ aaakpa hoo, ni nu ni jɛɔ yiteŋgbɛ baa lɛ baawa, ni eeema shi tamɔ gbogbo.”