Yoshua 3:10 - ŊMALƐ KRƆŊKRƆŊ LƐ

¹⁰ Be ni maŋbii lɛ tsi ba lɛ, Yoshua kɛɛ amɛ akɛ, “Enɛ nyɛkɛaale akɛ Nyɔŋmɔ hiɛkãalɔ lɛ yɛ nyɛteŋ, ni akɛ shwiemɔ eeeshwie Kanaanbii lɛ kɛ Hitbii lɛ kɛ Hivbii lɛ kɛ Perizbii lɛ kɛ Girgashbii lɛ kɛ Amorbii lɛ kɛ Yebusbii lɛ kɛaaje nyɛhiɛ.

Ṅmãle̱ Kroṅkroṅ Le̱

¹⁰ Ni Iošua kē̱: Ene̱ nyeaṅõ-le ake̱ Mawu hĩekãlo̱ le̱ ye̱ nyeteṅ, ni ſiemo̱ eefiẽ Kanaanbii le̱ ke̱ Hitbii le̱ ke̱ Hivbii le̱ ke̱ Perizbii le̱ ke̱ Girgašbii le̱ ke̱ Amorbii le̱ ke̱ Iebusbii le̱ ke̱-adše̱ nyehĩe.

Yoshua 3:10 ပူးပေါင်းရင်းမြစ်များ

1 Mose 15:21

kɛ Amorbii kɛ Kanaanbii kɛ Girgashbii kɛ Yebusbii ashikpɔŋ lɛ.”

1 Maŋtsɛmɛi 22:28

Shi Mikaia kɛɛ akɛ, “Kɛji otee, ni oyaye omanye, ni oba fĩi, belɛ jeee Yehowa ni tsɔ̃ minɔ wie lɛ.” Kɛkɛ ni ekɛshi sɛɛ akɛ, “Nyɛ mɛi fɛɛ, nyɛboa nɔ ni mikɛɛ lɛ toi.”

2 Maŋtsɛmɛi 19:4

Eko lɛ Yehowa oNyɔŋmɔ lɛ enu Rabshake wiemɔi fɛɛ ni enuŋtsɔ Asiria Maŋtsɛ lɛ kɛtsu lɛ koni ekɛbabɔ Nyɔŋmɔ hiɛkãalɔ lɛ ahora lɛ, ni Yehowa baakã ehiɛ yɛ wiemɔi ni Yehowa oNyɔŋmɔ lɛ enu lɛ hewɔ. No hewɔ lɛ, sɔlemɔ okpa fai ohã wɔmaŋbii ni eshwɛ ni yɔɔ lɛ.”

1 Kronika 1:14

Kanaan nɔŋŋ shwiei ji Yebusbii lɛ kɛ Amorbii lɛ kɛ Girgashbii lɛ,

Lalai 42:2

Misusuma miiye bo Nyɔŋmɔ ni ji Nyɔŋmɔ hiɛkãalɔ lɛ he kumai. Te be po ni maba, ni mabana Nyɔŋmɔ hiɛ hu?

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

2 Mose 17:7

Ni Mose wo jɛi gbɛi akɛ Masa kɛ Meriba yɛ shwamɔ ni Israelbii lɛ shwa Yehowa lɛ kɛ nɔ ni amɛwie amɛkɛka lɛ akɛ, “Ni Yehowa yɛ wɔteŋ kɛ̃ nɛ?” lɛ hewɔ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

2 Mose 33:2

Mibatsu mibɔfo kɛnyiɛ ohiɛ, ni mashwie Kanaanbii lɛ kɛ Amorbii lɛ kɛ Hitbii lɛ kɛ Yebusbii kɛ Perizbii lɛ kɛ Hivbii lɛ yɛ nyɛhiɛ.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

4 Mose 13:29

Amalekbii lɛ yɛ shikpɔŋ lɛ wuoyigbɛ, ni Hitbii lɛ kɛ Yebusbii lɛ kɛ Amorbii lɛ yɛ gɔji lɛ anɔ, ni Kanaanbii lɛ kã ŋshɔ lɛ naa kɛ Yordan Faa lɛ hu naa.”

Mateo 16:16

Simon Petro here nɔ ekɛɛ, “Bo ji Kristo lɛ, Nyɔŋmɔ hiɛkãalɔ lɛ Bi lɛ!”

Yohane 6:69

ni wɔ lɛ wɔhe wɔye ni asaŋ wɔna wɔle akɛ bo ji Nyɔŋmɔ Mɔ Krɔŋkrɔŋ lɛ!”

5 Mose 31:17

Kɛji eba mli nakai lɛ mimli aaawo amɛ la yɛ nakai be lɛ mli; ni mibakwa amɛ, ni mifeŋ amɛ ejurɔ, ni aaaye amɛnɔ. Saji fɔ̃ji babaoo kɛ haomɔi baaba amɛnɔ, ni ebaahã amɛbi yɛ nakai be lɛ mli akɛ, ‘Kwɛɛ jeee Yehowa, wɔNyɔŋmɔ lɛ, ni bɛ wɔteŋ dɔŋŋ lɛ hewɔ ni nɛkɛ nifɔɔjianii nɛɛ eba wɔnɔ nɛɛ?’

5 Mose 5:26

Ejaakɛ mɛɛ gbɔmɔ adesa enu Nyɔŋmɔ hiɛkãalɔ lɛ gbee ni miiwie kɛjɛ la teŋ tamɔ wɔnu nɛɛ, ni eyi ena wala dã?

5 Mose 7:1

“Yehowa, nyɛNyɔŋmɔ lɛ, kɛ nyɛ baaya ayashɛ shikpɔŋ ni nyɛyaa nyɛyaŋɔ lɛ nɔ. Ebaashwie maji kpawo ni dara, asaŋ ni amɛhe wa fe nyɛ kɛje nyɛhiɛ. Maji nɛɛ ji Hitbii lɛ kɛ Girgashbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii amaji lɛ.

5 Mose 7:21

Nyɛtsui akafãa yɛ amɛhewɔ, ejaakɛ Yehowa, nyɛNyɔŋmɔ lɛ, ni ji Nyɔŋmɔ kpeteŋkple ni he yɔɔ gbeyei lɛ, ji mɔ ni yɔɔ nyɛteŋ lɛ.

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

Hebribii 10:31

Nyɔŋmɔ hiɛkãalɔ lɛ dɛŋ gbeemɔ yɛ gbeyei pam.

Yoshua 11:3

Etsu Kanaanbii ni yɔɔ Yordan Faa lɛ bokãgbɛ kɛ anaigbɛ hu lɛ fɛɛ kɛ Amorbii lɛ kɛ Hitbii lɛ kɛ Perizbii lɛ kɛ Yebusbii ni yɔɔ gɔji lɛ anɔ lɛ, kɛ Hivbii ni yɔɔ Hermon Gɔŋ lɛ shishi yɛ Mizpa shikpɔŋ lɛ nɔ lɛ hu aŋɔ̃ɔ.

Yoshua 12:8

Shikpɔji ni ajara nɛɛ ekomɛi ji gɔji anɔ shikpɔŋ lɛ kɛ anaigbɛ gɔji lɛ ashishi shikpɔŋ kplanaa lɛ, kɛ Yordan Jɔɔ lɛ, ni ji wuoyigbɛ lɛ. Shikpɔŋ nɛɛ nɔ Hivbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hitbii lɛ kɛ Jebusbii lɛ hi.

Yoshua 21:45

Nibii juji fɛɛ ni Yehowa wo Israel we lɛ shi yɛ he lɛ, amɛmli ekome folo nɛkɛ eyafeee yaka; fɛɛ kwa ba mli.

Yoshua 22:31

Kɛkɛ ni Finehas, Osɔfo Eleazar bi lɛ, kɛɛ Rubenbii lɛ kɛ Gadbii lɛ kɛ Manasebii lɛ akɛ, “Wɔna wɔle ŋmɛnɛ akɛ nyɛ kɛ wɔ fɛɛ hiɛ Yehowa jamɔ lɛ mli, ejaakɛ nyɛtɔ̃ko Yehowa nɔ kɛ nɔ ni nyɛfee lɛ. No hewɔ lɛ, nyɛhere Israel yɛ etoi ni kulɛ Yehowa baagbala lɛ mli.”

Yoshua 24:11

No sɛɛ ni nyɛfo Yordan lɛ, ni nyɛba Yeriko. Yeriko lumɛi lɛ kɛ nyɛ wu, ni nakai nɔŋŋ Amorbii lɛ kɛ Perizbii lɛ kɛ Kanaanbii lɛ kɛ Hitbii lɛ kɛ Girgashbii lɛ kɛ Hivbii lɛ kɛ Yebusbii lɛ hu kɛ nyɛ wu; shi mihã nyɛye amɛ fɛɛ amɛnɔ kunim.

Yoshua 3:9

Kɛkɛ ni Yoshua tsɛ maŋbii lɛ, ni ekɛɛ amɛ akɛ, “Nyɛtsia nyɛbaa biɛ koni nyɛbaboa Yehowa, nyɛNyɔŋmɔ lɛ, toi.”

Yoshua 9:1

Majiatsɛmɛi ni yɔɔ Yordan lɛ anaigbɛ lɛ nu Israelbii akunimyeli sane lɛ. Amɛ ji mɛi ni yɔɔ gɔji lɛ anɔ kɛ gɔji lɛ ajɔi lɛ amli kɛ Mediterenia Ŋshɔ lɛ naa maji ni yɔɔ aahu kɛyashi Lebanon lɛ. Majiatsɛmɛi nɛɛ ji Hitbii kɛ Amorbii kɛ Kanaanbii kɛ Perizbii kɛ Hivbii kɛ Yebusbii amajiatsɛmɛi lɛ.

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 26:6

Kɛkɛ ni David bi Ahimelek, Hitnyo lɛ, kɛ Zeruia bi Abishai, Yoab nyɛminuu lɛ, akɛ, “Nyɛteŋ namɔ kɛ mi aaatee Saul shitoohe lɛ mli?” Abishai here nɔ ekɛɛ, “Mi kɛ bo aaatee!”