Yoshua 3:1 - ŊMALƐ KRƆŊKRƆŊ LƐ

¹ Kɛkɛ ni Yoshua te shi leebi maŋkpa, ni lɛ kɛ Israelbii lɛ fɛ̃ɛ fã kɛjɛ Akasia shitoohe lɛ, ni amɛba Yordan Faa lɛ naa. Amɛwɔ yɛ jɛi dani amɛfo faa lɛ.

Ṅmãle̱ Kroṅkroṅ Le̱

¹ Ke̱ke̱ ni Iošua te ši lebi mā̃ṅkpa, ni ame̱fã ke̱-dše̱ *Šitim ni ame̱ba Iordan nā, le̱ ke̱ Israelbii le̱ fẽ, ni ame̱wo̱ dše̱i dãni ame̱fo fā le̱. *4 Mose 25,1.

Yoshua 3:1 ပူးပေါင်းရင်းမြစ်များ

1 Mose 21:14

Abraham te shi leebi maŋkpa. Ekɔ aboloo ni ewo nu kɛ tɔ ekɛtswa Hagar kɔŋ. Ekɛ gbekɛ lɛ hu hã Hagar, kɛkɛ ni ewo lɛ gbɛ. Hagar yi mli ni eyatsomlo yɛ Beersheba ŋa lɛ nɔ.

1 Mose 22:3

No hewɔ lɛ, Abraham te shi leebi maŋkpa, ni ewo eteji nɔ nii, ni eŋɔ eblahii lɛ enyɔ kɛ ebi Isak lɛ efata ehe. Egba lai ni ekɛyaashã shãa afɔle lɛ; ni eyiŋ eeya he ni Nyɔŋmɔ etsɔ̃ɔ lɛ lɛ.

Lalai 119:60

Mihe feɔ oya koni maye okitãi lɛ anɔ, ni mishashaooo shi.

Yeremia 25:3

“Afii nyɔŋmai enyɔ kɛ etɛ̃ nɛ, kɛjɛ Amon bi Yuda Maŋtsɛ Yosia yinɔ afi ni ji nyɔŋma kɛ etɛ̃ lɛ nɔ kɛbashi ŋmɛnɛ gbi nɛɛ nɔ lɛ, Yehowa kɛ mi wieɔ, ni mi hu mikɛɔ nyɛ be fɛɛ be nɔ ni ekɛɛ lɛ, shi nyɛbooo toi.

Yeremia 26:5

koni nyɛye mitsuji gbalɔi lɛ ni mitsuɔ amɛ nyɛŋɔɔ kɛ hiɛdɔɔ lɛ awiemɔi lɛ anɔ, shi nyɛbooo amɛ toi,

Yeremia 7:13

Agbɛnɛ mi, Yehowa, miikɛɛ akɛ akɛni nyɛ hu nyɛfee nibii gbohii nɛɛ fɛɛ eko, ni mikɛ nyɛ ewie aahu, shi nyɛbooo mi toi, ni mitsɛ nyɛ hu nyɛhereee mi nɔ lɛ,

Mika 6:5

Mimaŋbii, nyɛkaia nɔ yiŋ ni Moab maŋtsɛ Balak to yɛ nyɛhe, kɛ nɔ hetoo ni Bileam, Beor bi lɛ, hã lɛ. Nyɛkaia nibii ni ba yɛ gbɛ lɛ nɔ kɛjɛ Akasia shitoohe lɛ kɛtee Gilgal tɔ̃ɔ lɛ. Nyɛkaia nibii nɛɛ bɔ ni afee ni nyɛna nibii ni mi, Yehowa, mitsu ni mikɛhere nyɛyiwala lɛ.”

4 Mose 25:1

Be ni Israelbii lɛ yɔɔ Shitim, Akasia tso Jɔɔ lɛŋ lɛ, amɛhii lɛ kɛ Moab yei lɛ bɔ̃i ajwamãŋbɔɔ.

Marko 1:35

Maŋkɛ mra be ni hiɛ gbeleko lɛ, Yesu te shi ni eje kpo kɛtee ŋa nɔ he ko, ni eyasɔle yɛ jɛi.

Yoshua 2:1

Kɛkɛ ni Yoshua, Nun bi lɛ, tsu hii enyɔ nigii kɛjɛ Shitim koni amɛyasara shikpɔŋ lɛ nɔ, ni ekɛɛ amɛ akɛ, “Nyɛyaa nyɛyasaraa shikpɔŋ lɛ nyɛbaa, shi titri lɛ Yeriko.” Kɛkɛ ni hii lɛ yi mli amɛtee, ni amɛyato yoo ajwamãŋ ko ni atsɛɔ lɛ Rahab lɛ we.

Yoshua 6:12

Enɔ jetsɛremɔ lɛ, Yoshua te shi leebi maŋkpa, kɛkɛ ni osɔfoi lɛ wo Yehowa Kpãŋmɔ Adeka lɛ,

Yoshua 6:15

Gbi ni ji kpawo lɛ nɔ lɛ, asafo lɛ te shi mra hiɛ futɛfutɛ mli be ni je bɔ̃i tsɛremɔ, ni amɛbɔle maŋ lɛ bɔ ni amɛfeɔ daa lɛ shii kpawo. Nakai gbi lɛ kɛkɛ nɔ lɛ amɛbɔle maŋ lɛ shii kpawo.

Yoshua 7:16

No hewɔ lɛ, Yoshua te shi leebi maŋkpa ni ehã Israelbii lɛ to kɛbaho yɛ akutseiakutsei anaa, ni amɔ Yuda akutso lɛ.

Yoshua 8:10

Yoshua te shi leebi maŋkpa, ni ebua maŋbii lɛ anaa. Kɛkɛ ni lɛ kɛ Israel maŋ onukpai lɛ yi maŋ lɛ hiɛ kɛmiiya Ai.

Kojolɔi 20:19

No hewɔ lɛ, Israelbii lɛ te shi leebi ni amɛyabɔ nsra amɛwo Gibea.

1 Samuel 17:20

David te shi leebi maaŋkpa, ni etu toi lɛ ewo tookwɛlɔ ko dɛŋ ni ewo niyenii lɛ, kɛkɛ ni eshwie nɔ tamɔ bɔ ni etsɛ Yeshai fã lɛ lɛ. Ebashɛ Israelbii lɛ ashitoohe lɛ be mli ni tabilɔi lɛ efã, ni amɛmiibɔ oshe kɛmiiya ta lɛ naa.