Yoshua 24:27 - ŊMALƐ KRƆŊKRƆŊ LƐ

²⁷ Enɛ sɛɛ lɛ Yoshua kɛɛ maŋbii lɛ fɛɛ akɛ, “Nɛkɛ tɛ nɛɛ aye wɔhe odase ejaakɛ enu wiemɔi ni Yehowa kɛ wɔ wie lɛ fɛɛ. No hewɔ lɛ, eeeye odase eshi nyɛ koni nyɛkakpa yɛ nyɛNyɔŋmɔ lɛ sɛɛ.”

Ṅmãle̱ Kroṅkroṅ Le̱

²⁷ Ni Iošua kē̱ maṅ mũ le̱ fẽ ake̱: Na, ne̱ke̱ te̱ ne̱ aye wo̱he *odase; edšake̱ enu Iehowa wiemo̱i ní eke̱wo̱ wie le̱ fẽ, nohewo̱ le̱ no aaye nyehe odase, koni nyekakpa ye̱ nye-Nyoṅmo̱ le̱ se̱. *22,27. 1 Mose 31,48.

Yoshua 24:27 ပူးပေါင်းရင်းမြစ်များ

Hiob 31:23

Ejaakɛ misheɔ Ofe lɛ dɛŋ hiɛkpãtãmɔ lɛ gbeyei. Ni minyɛŋ Ofe lɛ hiɛ madamɔ.

Hiob 31:28

no hu nifɔɔjianii ni esa akɛ kojolɔi lɛ awo he nyɔmɔ ni. Ejaakɛ kulɛ miyeko Nyɔŋmɔ ni yɔɔ ŋwɛi lɛ anɔkwa.

Abe̱i 30:9

koni mikatɔ tsɔ̃, ni mikwa bo, ni mikɛɛ akɛ, “Namɔ ji Yehowa”. Ni kaahã miye ohia, ni miyaju, ni mikɛgbe miNyɔŋmɔ lɛ gbɛi he guɔ.

Yesaia 1:2

Yehowa kɛɛ akɛ, “Ŋwɛi, bo toi, ni shikpɔŋ bo hu feemɔ toi, ejaakɛ mi Yehowa, miiwie. Milɛ bii ni amɛdara, shi amɛ lɛ, amɛtse mihiɛ atua.

Yesaia 59:13

Wɔtɔ̃, ni wɔkwa Yehowa, ni wɔkpale yɛ wɔNyɔŋmɔ lɛ sɛɛ. Yiwalɛ kɛ atuatsemɔ wiemɔi wɔwieɔ; amale wiemɔi ni wɔtoɔ yɛ wɔtsuiiaŋ lɛ jeɔ kpo yɛ wɔnaa.

Habakuk 2:11

Gbogbo mli tɛ tete miibolɔ kɛmiishi nyɛ, ni tsu yiteŋ mplaŋ lɛ hu miihere tɛ lɛ blɔmɔ lɛ nɔ.

4 Mose 11:20

shi moŋ nyɔŋ kome muu sɔŋŋ kɛyashi beyinɔ ni loo lɛ baaje fu ewo nyɛ, ni ebaaje nyɛtsine. Ejaakɛ nyɛgbe Yehowa ni kɛ nyɛ yɔɔ lɛ he guɔ, ni nyɛfo nyɛtsɔ̃ɔ lɛ, ni nyɛkɛɛ akɛ, ‘Wɔyɛ Ijipt moŋ kulɛ ehi.’ ”

Mateo 10:33

Shi mɔ fɛɛ mɔ ni kwaa mi yɛ gbɔmɛi ahiɛ lɛ, mi hu makwa lɛ yɛ miTsɛ ni yɔɔ ŋwɛi lɛ hiɛ.”

Luka 19:40

Ni ehere nɔ ekɛɛ amɛ akɛ, “Miikɛɛ nyɛɛ akɛ, kɛji mɛnɛɛmɛi aaamua amɛnaa lɛ, no lɛ tɛi aaabolɔ.”

5 Mose 30:19

Miitsɛ ŋwɛi kɛ shikpɔŋ ŋmɛnɛ gbi nɛɛ koni amɛbaye he odase akɛ mikɛ wala kɛ gbele, kɛ jɔɔmɔ kɛ loomɔ hu eshwie nyɛhiɛ. No hewɔ lɛ, nyɛkɔa wala bɔ ni afee ni nyɛ kɛ nyɛshwiei fɛɛ ayi ana wala.

5 Mose 31:19

“No hewɔ lɛ, agbɛnɛ ŋmaa nɛkɛ lala nɛɛ, ni otsɔ̃ɔ Israelbii lɛ. Lala lɛ ahi amɛdaaŋ. Enɛ baaye mi kɛ Israelbii ateŋ odase.

5 Mose 31:21

Kɛji saji fɔ̃ji kɛ hejaramɔ babaoo eba amɛnɔ lɛ, lala nɛɛ aaaye mi kɛ amɛteŋ odase, ejaakɛ amɛshwiei ahiɛ kpaŋ lala nɛɛ nɔ, ni lala lɛ aaahi amɛdaaŋ daa. Amrɔmrɔ nɛɛ po, dani mikɛ amɛ aaaya ayashɛ shikpɔŋ lɛ ni mikã he kitã akɛ mikɛbaahã amɛ lɛ nɔ lɛ, mile yiŋ ni amɛtoɔ momo.”

5 Mose 31:26

“Nyɛŋɔa nɛkɛ Mla Wolo nɛɛ ni nyɛkɛŋmɛa Yehowa, nyɛNyɔŋmɔ lɛ, Kpãŋmɔ Adeka lɛ masɛi koni eye nyɛhe odase yɛ jɛi.

5 Mose 32:1

“Ŋwɛi, bo mi toi, shi mibawie; ni Shikpɔŋ, bo minaa wiemɔi nɛɛ toi.

5 Mose 4:26

no lɛ miitsɛ ŋwɛi kɛ shikpɔŋ ŋmɛnɛ koni amɛye odase amɛshi nyɛ akɛ etsɛŋ ni aaakpãtã nyɛhiɛ yɛ shikpɔŋ ni nyɛbaafo Yordan lɛ kɛya ni nyɛyaŋɔ lɛ nɔ. Nyɛyeŋ be ko yɛ nɔ ni abaakpãtã nyɛhiɛ kwrakwra.

Tito 1:16

Amɛjajeɔ akɛ amɛle Nyɔŋmɔ, shi amɛkɛ amɛnitsumɔi kwaa lɛ, ni amɛ ji gbɔmɛi ni ahiɔ, kɛ toigbolɔi, mɛi ni ehiii hãaa nitsumɔ kpakpa ko kwraa.

Yoshua 22:34

Rubenbii lɛ kɛ Gadbii lɛ kɛɛ akɛ, “Afɔleshãa latɛ nɛɛ ji odaseyeli nɔ hã wɔ akɛ Yehowa lɛ, lɛ ji Nyɔŋmɔ.” No hewɔ lɛ, amɛwo afɔleshãa latɛ nɛɛ gbɛi akɛ, “Odasefonyo.”

Yoshua 24:28

Kɛkɛ ni Yoshua wo maŋbii lɛ gbɛ, ni mɔ fɛɛ mɔ tee egbɛfaŋ shikpɔŋ nɔ.

Kpojiemɔ 3:8

Mile onitsumɔi lɛ; naa, mikɛ shinaa ni agbele ema ohiɛ ni mɔ ko nyɛŋ aŋa; ejaakɛ hewalɛ fioo oyɔɔ shi oye miwiemɔ lɛ nɔ, ni okwako migbɛi lɛ.

1 Samuel 7:12

Kɛkɛ ni Samuel wo tɛ ekɛma shi yɛ Mizpa kɛ Shem teŋ, ni ewo lɛ gbɛi akɛ “Ebenezer” ejaakɛ ekɛɛ, “Biɛ Yehowa eye ebua wɔ kɛbashi.”