Yoshua 24:19 - ŊMALƐ KRƆŊKRƆŊ LƐ

¹⁹ Shi Yoshua kɛɛ maŋbii lɛ akɛ, “Nyɛnyɛŋ Yehowa nyɛsɔ̃mɔ ejaakɛ Nyɔŋmɔ ni yɔɔ krɔŋkrɔŋ ni; ni Nyɔŋmɔ ni yeɔ awuŋã ji lɛ, ni ekɛ nyɛtɔ̃mɔi lɛ kɛ nyɛhe eshai ekeŋ nyɛ.

Ṅmãle̱ Kroṅkroṅ Le̱

¹⁹ Ni Iošua kē̱ maṅ le̱ ake̱: *Nyenyẽṅ Iehowa nyesúmo̱; edšake̱ Nyoṅmo̱ kroṅkroṅ dšile̱, Mawu †awuṅãyelo̱ dši-le̱, eke̱ nyeno̱tõmo̱i le̱ ke̱ nyehe ešai le̱ ekeṅnye! *5 Mose 5,29. †2 Mose 20,5.

Yoshua 24:19 ပူးပေါင်းရင်းမြစ်များ

2 Kronika 36:16

Shi Yudabii lɛ, Nyɔŋmɔ bɔfoi lɛ, he fɛo moŋ amɛyeyee, ni amɛgbe amɛwiemɔi lɛ ahe guɔ, ni amɛliɔ gbalɔi lɛ. Amɛfee nɛkɛ aahu kɛyashi beyinɔ ni Yehowa mli fu emaŋ lɛ kɛteke nɔ bɔ ni ehiii he nɔ ko feemɔ dɔŋŋ.

Lalai 99:3

Aaajie ogbɛi kpeteŋkple ni he yɔɔ gbeyei lɛ yi. Ehe tse krɔŋkrɔŋ!

Lalai 99:5

Nyɛkafoa Yehowa, wɔNyɔŋmɔ lɛ; nyɛjaa yɛ enaneshi maaŋoo lɛ hiɛ! Ehe tse krɔŋkrɔŋ.

Lalai 99:9

Nyɛkafoa Yehowa, wɔNyɔŋmɔ lɛ! Nyɛjaa yɛ egɔŋ krɔŋkrɔŋ lɛ nɔ, ejaakɛ Yehowa, wɔNyɔŋmɔ lɛ, ehe tse krɔŋkrɔŋ.

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

2 Mose 23:21

Nyɛkwɛa ni ahia yɛ egbɛfaŋ, ni nyɛyea ewiemɔ nɔ. Nyɛkatsea ehiɛ atua; ekɛ ewiemɔ lɛ nɔtɔmɔ ekeŋ nyɛ, ejaakɛ ehiɛ mihewalɛ.

2 Mose 34:14

“Nyɛkajaa nyɔŋmɔ kroko ejaakɛ Yehowa, ni egbɛi ji ‘Awuŋã’ lɛ, Nyɔŋmɔ ni yeɔ awuŋã ni.

2 Mose 34:7

mɔ ni yɔɔ suɔmɔ hã mɛi akpei abɔ, ni ekɛ tɔ̃mɔ kɛ esha faa, shi ehãaa tɔ̃lɔ ko aye ehe tswaa, ni ewoɔ bii nyɔmɔ yɛ amɛtsɛmɛi lɛ anajiaŋ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ lɛ nɔ lɛ.”

Yesaia 2:9

No hewɔ lɛ, adesa diɛŋtsɛ ebɔ ehe ahora ni eba ehe shi kwraa. Nuŋtsɔ, kɛ enɛ akafa amɛ.

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yesaia 30:11

nyɛshĩa gbɛ lɛ, nyɛgbaa afã kɛjea tɛmpɔŋ lɛ nɔ; nyɛ kɛ wɔ akawiea Israel Mɔ Krɔŋkrɔŋ lɛ he dɔŋŋ.’ ”

Yesaia 30:15

Bɔ ni Nuŋtsɔ Nyɔŋmɔ, Israel Mɔ Krɔŋkrɔŋ lɛ, kɛɔ nɛ, “Sɛɛkuu kɛbaa kɛ diŋŋfeemɔ mli nyɛyi aaana wala yɛ; kpoofeemɔ kɛ hiɛnɔkãmɔ mli nyɛhewalɛ yɔɔ. Shi moŋ nyɛkwa,

Yesaia 5:16

Shi Yehowa, Taiatsɛ lɛ, jieɔ egbojee kpo kɛtsɔ̃ jalɛnii ni efeɔ nɔ, ni Nyɔŋmɔ Krɔŋkrɔŋ lɛ tsɔ̃ɔ akɛ ehe tse krɔŋkrɔŋ lɛɛlɛŋ kɛtsɔ̃ jalɛ sane ni eyeɔ lɛ nɔ.

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

3 Mose 11:44

Mi ji Yehowa, nyɛNyɔŋmɔ lɛ. No hewɔ lɛ, nyɛfea nyɛhe krɔŋkrɔŋ; nyɛtoa nyɛhe krɔŋkrɔŋ, ejaakɛ mɔ krɔŋkrɔŋ ji mi. No hewɔ lɛ, nyɛkɛ nibii ni eyi shikpɔŋ lɛ nɔ obɔ̃ lɛ eko eko akabulea nyɛhe.

3 Mose 11:45

Mi ji Yehowa mɔ ni jie nyɛ kɛjɛ Ijipt shikpɔŋ lɛ nɔ, koni matsɔ̃ nyɛNyɔŋmɔ lɛ. No hewɔ lɛ, nyɛfea nyɛhe krɔŋkrɔŋ, ejaakɛ mɔ krɔŋkrɔŋ ji mi.

3 Mose 19:2

ni ekɛɛ Israelbii lɛ akɛ, “Nyɛfea nyɛhe krɔŋkrɔŋ, ejaakɛ mi, Yehowa, nyɛNyɔŋmɔ lɛ, mɔ krɔŋkrɔŋ ji mi.

3 Mose 20:26

Nyɛhiɛa nyɛhe krɔŋkrɔŋ nyɛhãa mi pɛ, ejaakɛ mi, Yehowa, mihe tse. Mijie nyɛ yɛ maji krokomɛi lɛ ateŋ mito afã koni nyɛfee mi pɛ minɔ.

3 Mose 20:7

Nyɛhiɛa nyɛhe krɔŋkrɔŋ, ejaakɛ mi ji Yehowa, nyɛNyɔŋmɔ lɛ.

Nahum 1:2

Yehowa lɛ Nyɔŋmɔ ni yeɔ awuŋã ni, ni asaŋ etɔɔ owele. Oweletɔlɔ ji Yehowa, ni emlifu naa wa. Yehowa tɔɔ owele yɛ mɛi ni kɛ lɛ tswaa anɔ, ni ekɛ emlifu shakãa ehenyɛlɔi anɔ.

Habakuk 1:13

Shi te aaafe tɛŋŋ ni okwɛ ni efɔŋ aya nɔ hu? Ohiŋmɛi yɛ krɔŋŋ tsɔ̃ fe bɔ ni okɛaakwɛ koni nifɔɔjianii aya nɔ. No hewɔ lɛ, mɛɛba ni ofee dioo be mli ni efɔŋfeelɔi kpãtãa mɛi ni hi fe amɛ hiɛ?

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Yoshua 24:18

Yehowa shwie Amorbii lɛ ni yɔɔ shikpɔŋ lɛ nɔ lɛ bluublu yɛ wɔhiɛ. No hewɔ lɛ, wɔ hu wɔɔsɔ̃mɔ Yehowa, ejaakɛ lɛ ji wɔNyɔŋmɔ.”

Yoshua 24:23

Kɛkɛ ni Yoshua kɛɛ amɛ agbɛnɛ akɛ, “Nyɛŋmɛa maŋsɛɛ nyɔŋmɔi krokomɛi ni nyɛhiɛhiɛ lɛ ahe mɔ koni nyɛjie nyɛyitsoŋ fɛɛ nyɛsɔ̃mɔ Yehowa, Israel Nyɔŋmɔ lɛ.”

Rut Wolo Lɛ 1:15

Ni Naomi kɛɛ Rut akɛ, “Naa, obienyɛ lɛ eku esɛɛ etee emaŋ kɛ esɛɛ nyɔŋmɔ lɛ ŋɔɔ. Kuu osɛɛ ni otiu lɛ.”

1 Samuel 3:14

No hewɔ lɛ, mikã Eli we lɛ he kitã akɛ kɛji akɛ gbee afɔle loo niyenii afɔle ko aaakpãta Eli we lɛ nɔ sha lɛ kɛyashi naanɔ fĩi.”

1 Samuel 6:20

Sane nɛɛ hã BetShemeshbii lɛ kɛɛ akɛ; “Namɔ po aaanyɛ Yehowa Nyɔŋmɔ krɔŋkrɔŋ nɛɛ hiɛ adamɔ? Ni kɛ adeka lɛ jɛ wɔŋɔɔ lɛ, namɛi aŋɔɔ po eeeya?”