Yoshua 24:16 - ŊMALƐ KRƆŊKRƆŊ LƐ

¹⁶ Maŋbii lɛ to he, ni amɛkɛɛ akɛ, “Enɛ akagbale wɔ fɔ̃ŋfɔ akɛ wɔɔshi Yehowa sɛɛ koni wɔyasɔ̃mɔ nyɔŋmɔi krokomɛi,

Ṅmãle̱ Kroṅkroṅ Le̱

¹⁶ Ni maṅ le̱ to he ni ame̱kē̱: Ene̱ akagbalewo fō̃ṅfõ ake̱ wo̱o̱šï Iehowa, ni wo̱yasúme̱ nyoṅmo̱i krokomei!

Yoshua 24:16 ပူးပေါင်းရင်းမြစ်များ

Lalai 119:106

Mikã kitã, ni mima nɔ mi akɛ maye ojalɛ mlai lɛ anɔ.

Romabii 3:6

Dabida! Ejaakɛ kɛji nakai ni lɛ, te aaafee tɛŋŋ ni Nyɔŋmɔ aaakojo je lɛ?

Romabii 6:2

Dabida! Wɔ ni esha gbɛfaŋ lɛ wɔtamɔ mɛi ni egboi lɛ, te aaafee tɛŋŋ ni wɔhiɛ aaakãmɔ yɛ emli loloŋ?

Yoshua 22:29

Enɛ akagbale wɔ fɔ̃ŋfɔ akɛ wɔɔtse Yehowa hiɛ atua, ni wɔkpale yɛ Yehowa sɛɛ ŋmɛnɛ, ni wɔshi Yehowa, wɔNyɔŋmɔ lɛ, afɔleshãa latɛ lɛ ni ma eKpee Buu Krɔŋkrɔŋ lɛ hiɛ lɛ sɛɛ; ni wɔma afɔleshãa latɛ kroko, ni wɔshã shãa afɔle loo niyenii afɔle loo gbee afɔle yɛ nɔ.”

Yoshua 24:15

Kɛji esaaa nyɛhiɛ akɛ nyɛaasɔ̃mɔ Yehowa lɛ, no lɛ ŋmɛnɛ gbi nɛɛ lɛ nyɛkɔa mɔ ni nyɛaasɔ̃mɔ, nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia shikpɔŋ lɛ nɔ lɛ ni jio, Amorbii ni nyɛyɔɔ amɛshikpɔŋ nɔ nɛɛ anyɔŋmɔi lɛ ni jio, nyɛkɔa; shi mi lɛ, mi kɛ miwe lɛ wɔbaasɔmɔ Yehowa.”

Yoshua 24:17

ejaakɛ Yehowa, wɔNyɔŋmɔ lɛ, lɛ ji mɔ ni jie wɔ kɛ wɔtsɛmɛi lɛ kɛje Ijipt shikpɔŋ lɛ nɔ, he ni aye wɔ nyɔŋ yɛ lɛ. Efee okadii wuji etsɔ̃ɔ wɔ, asaŋ ebaa wɔyi yɛ gbɛi ni wɔfãfãa fɛɛ mli kɛtsɔ̃ majimaji ateŋ kɛho.

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.