Yoshua 24:15 - ŊMALƐ KRƆŊKRƆŊ LƐ

¹⁵ Kɛji esaaa nyɛhiɛ akɛ nyɛaasɔ̃mɔ Yehowa lɛ, no lɛ ŋmɛnɛ gbi nɛɛ lɛ nyɛkɔa mɔ ni nyɛaasɔ̃mɔ, nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia shikpɔŋ lɛ nɔ lɛ ni jio, Amorbii ni nyɛyɔɔ amɛshikpɔŋ nɔ nɛɛ anyɔŋmɔi lɛ ni jio, nyɛkɔa; shi mi lɛ, mi kɛ miwe lɛ wɔbaasɔmɔ Yehowa.”

Ṅmãle̱ Kroṅkroṅ Le̱

¹⁵ Ši ke̱dši esaa nyehĩe ake̱ nyeasúmo̱ Iehowa le̱, no le̱ ṅme̱ne̱ gbī ne̱ *nyekoa moni nyeasúmo̱, ke̱dši nyoṅmo̱i le̱ ni yo̱ fã le̱ se̱ ní nyetše̱mei le̱ súmo̱ le̱ dšio, lo Amorbii ní nyeyo̱ ame̱šikpoṅ no̱ ne̱ anyoṅmo̱i le̱ dšio; ši mi le̱, mike̱ miwe le̱, wo̱o̱súmo Iehowa! *Mat. 6,24.

Yoshua 24:15 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Mose 35:2

No hewɔ lɛ, Yakob kɛɛ ewe lɛ kɛ mɛi fɛɛ ni kɛ lɛ yɔɔ lɛ akɛ, “Nyɛjiea maŋsɛɛ wɔji ni yɔɔ nyɛteŋ lɛ nyɛshɛraa nyɛshwiea, ni nyɛtsua nyɛhe ni nyɛtsakea nyɛtadei.

1 Maŋtsɛmɛi 18:21

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

1 Kronika 1:14

Kanaan nɔŋŋ shwiei ji Yebusbii lɛ kɛ Amorbii lɛ kɛ Girgashbii lɛ,

Lalai 101:2

Mikɛ nilee baaba mijeŋ koni shwamɔ ko akahi mihe. Te be ni manyɛ enɛ he mashɛ hu? Mikɛ tsui krɔŋŋ aaaba mijeŋ yɛ miwe lɛŋ.

Lalai 119:106

Mikã kitã, ni mima nɔ mi akɛ maye ojalɛ mlai lɛ anɔ.

2 Mose 23:2

Kaanyiɛ mɛi ni yi fa sɛɛ kɛyafee efɔŋ, ni kaanyiɛ nɔ ni mɛi pii kɛɔ sɛɛ ni okɛɛ nɔ ko ni aaahã atsɔ sane hiɛ abu shi,

2 Mose 23:24

Nyɛkajaa ni nyɛkasɔ̃mɔa amɛnyɔŋmɔi lɛ, asaŋ nyɛkakasea gbɔmɛi nɛɛ anifeemɔ nii hu, shi moŋ nyɛbutua amɛnyɔŋmɔi lɛ, ni nyɛkumɔa amɛshiui lɛ butubutu nyɛshwiea shi.

2 Mose 34:15

Ni nyɛkɛ shikpɔŋ lɛ nɔ bii lɛ akakpãŋa kpãŋmɔ ko, ejaakɛ kɛji amɛmiija amɛnyɔŋmɔi lɛ, ni amɛshã amɛfɔle lɛ, amɛteŋ mɔ ko aaatsɛ nyɛ, ni nyɛaayaye amɛfɔleshãa niyenii lɛ eko.

Ezekiel 20:39

Nuŋtsɔ Yehowa kɛɛ, “Ao, nyɛ Israel we, (nyɛ lɛ kɛji nyɛboŋ mi toi lɛ, kɛjɛ kɛyaa nɛɛ lɛ) nyɛyaa ni nyɛteŋ mɔ fɛɛ mɔ ayasɔmɔ lɛ diɛŋtsɛ ewɔji lɛ; shi kɛfee sɛɛ lɛ nyɛabo mi toi kɛ̃, ni migbɛi krɔŋkrɔŋ lɛ nyɛkɛ nyɛnikeenii lɛ kɛ nyɛwɔŋjamɔ lɛ babuleŋ lɛ dɔŋŋ.”

Daniel 3:18

Shi kɛji ehereee wɔ po, Nii, na ole akɛ wɔsɔmɔŋ onyɔŋmɔi lɛ, ni wɔjaŋ shika amãgã ni ofee oma shi lɛ.”

3 Mose 14:42

Akɛ tɛi krokomɛi ahɔlɔ tɛi ni afamɔ lɛ anajiaŋ, ni akɛ su hee ama gbogboi lɛ ahe.

Mika 4:5

Maŋ fɛɛ maŋ jaa, ni eboɔ enyɔŋmɔ toi; shi wɔ lɛ wɔɔja ni wɔɔbo Yehowa, wɔNyɔŋmɔ lɛ toi kɛaatee naanɔ.

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

5 Mose 13:7

maji ni bɔle nyɛ kpaakpa lɛ kɛ maji ni kɛ nyɛteŋ jɛkɛ, kɛjɛ shikpɔŋ lɛ biɛ kɛyashi biɛ lɛ anyɔŋmɔi lɛ,

5 Mose 29:18

Nyɛkwɛa jogbaŋŋ koni nyɛteŋ nuu ko loo yoo ko loo weku ko loo akutso ko yiŋ akatsɔ̃ ŋmɛnɛ ni ekpale yɛ Yehowa, wɔNyɔŋmɔ lɛ sɛɛ, ni etee eyaja nakai maji lɛ anyɔŋmɔi lɛ; no lɛ nakai mɔ lɛ aaatsɔ̃ tamɔ tso shishifã ni woɔ tsoyibii ni joɔ kɛ emli ebɔɔ yɛ nyɛteŋ.

Yoshua 24:16

Maŋbii lɛ to he, ni amɛkɛɛ akɛ, “Enɛ akagbale wɔ fɔ̃ŋfɔ akɛ wɔɔshi Yehowa sɛɛ koni wɔyasɔ̃mɔ nyɔŋmɔi krokomɛi,

Kojolɔi 6:10

Mikɛɛ nyɛ akɛ mi ji Yehowa nyɛNyɔŋmɔ lɛ, shi nyɛkashea Amorbii ni yɔɔ amɛshikpɔŋ lɛ nɔ lɛ anyɔŋmɔi lɛ agbeyei.’ Shi nyɛbooo migbee toi.”