Yoshua 24:14 - ŊMALƐ KRƆŊKRƆŊ LƐ

¹⁴ “No hewɔ lɛ, nyɛshea Yehowa gbeyei, ni nyɛjiea nyɛyitsoŋ nyɛsɔ̃mɔa lɛ kɛ anɔkwayeli; nyɛkwaa nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia kɛ Ijipt hu lɛ koni nyɛsɔ̃mɔ Yehowa.

Ṅmãle̱ Kroṅkroṅ Le̱

¹⁴ Nohewo̱ le̱ agbe̱ne̱ nyešea Iehowa gbeyei, ni nyedšie nyeyitšoṅ nyesúmo̱le̱ ye̱ ano̱kwale mli, ni nyekwa nyoṅmo̱i ni nyetše̱mei le̱ súmo̱ ye̱ fā le̱ se̱ ke̱ Mizraim le̱, ni nyesúmo̱a Iehowa. K. 2. 2 Mose 32.

Yoshua 24:14 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 35:2

No hewɔ lɛ, Yakob kɛɛ ewe lɛ kɛ mɛi fɛɛ ni kɛ lɛ yɔɔ lɛ akɛ, “Nyɛjiea maŋsɛɛ wɔji ni yɔɔ nyɛteŋ lɛ nyɛshɛraa nyɛshwiea, ni nyɛtsua nyɛhe ni nyɛtsakea nyɛtadei.

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

Ezra 9:11

Amɛkɛɛ wɔ akɛ shikpɔŋ ni wɔyaa ni wɔyaŋɔ lɛ, shikpɔŋ ni enɔ bii lɛ kɛ amɛnifeemɔnii ni ahiɔ lɛ ebule lɛ. Amɛkɛ amɛnihiinii ni amɛfeɔ lɛ ehã shikpɔŋ lɛ nɔ eyi obɔ̃ kɛ muji yɛ shikpɔŋ lɛ he fɛɛ he.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 28:28

Kɛkɛ ni ekɛɛ adesã akɛ, ‘Naa, Nuŋtsɔ lɛ gbeyeishemɔ lɛ, no ji nilee, ni hewii kɛ efɔŋ hejee ji jwɛŋmɔ.’ ”

Lalai 111:10

Yehowa gbeyeishemɔ ji nilee shishijee. Mɛi fɛɛ ni yeɔ nɔ lɛ amɛnaa niiashishinumɔ kpakpa. Eyijiemɔ hiɔ shi kɛyaa naanɔ.

Lalai 119:1

Ajɔɔ mɛi ni shwamɔ ko bɛ amɛjeŋba he, ni amɛyeɔ Yehowa mla lɛ nɔ lɛ.

Lalai 119:80

Kaahã kpa ko miihi mitsui mli yɛ omlai lɛ agbɛfaŋ, koni mihiɛ akashwie shi.

Lalai 130:4

Shi bo odɛ̃ŋ eshaifaa yɔɔ, bɔ ni afee ni ashe bo gbeyei.

Lalai 81:10

Mi ji Yehowa, nyɛNyɔŋmɔ lɛ, mɔ ni jie nyɛ kɛje Ijipt shikpɔŋ lɛ nɔ lɛ. Gbɛɛ odaaŋ hatoo ni mawo lɛ obɔ̃ mahã bo.

Ezekiel 20:18

“Mikɛɛ amɛbii yɛ ŋa lɛ nɔ akɛ, ‘Nyɛkabaa nyɛjeŋ yɛ nyɛtsɛmɛi lɛ amlai lɛ anaa, ni nyɛkayea amɛkpɔi lɛ anɔ, ni nyɛkɛ amɛwɔji lɛ akabulea nyɛhe.

Ezekiel 23:3

Be ni amɛ ji oblayei yɛ Ijipt lɛ amɛbɔ ajwamãŋ yɛ jɛi, ni jɛi atara amɛfufɔi ahe yɛ, ni jɛi hu afite amɛ yɛ.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

3 Mose 17:7

Israelbii lɛ akafee amɛhe mɛi ni yeee Yehowa anɔkwa ni amɛshãa afɔlei amɛhãa wɔji ni amɛnyiɛɔ amɛsɛɛ. Enɛ atsɔ̃ akpɔ ni yɔɔ ni kã shi hã amɛ kɛ yinɔi fɛɛ ni baaba yɛ amɛsɛɛ kɛmiiya naanɔ.

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Luka 8:15

Shi shikpɔŋ kpakpa nɔ bii lɛ ji mɛi ni kɛji amɛnu wiemɔ lɛ amɛkɛtoɔ tsui ni hi ni yɔɔ krɔŋŋ mli, ni amɛkɛ tsuishiŋmɛɛ woɔ yibii.”

Bɔfoi 9:31

Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

Efesobii 6:24

Dromɔ kɛ mɛi fɛɛ ni sumɔɔ wɔNuŋtsɔ Yesu Kristo kɛ suɔmɔ ni sɛɛ efooo lɛ ahi shi. Amen!

5 Mose 10:12

“No hewɔ lɛ, agbɛnɛ Israel, mɛni Yehowa, nyɛNyɔŋmɔ lɛ, taoɔ yɛ nyɛdɛŋ dɔŋŋ fe akɛ nyɛshe Yehowa, nyɛNyɔŋmɔ lɛ, gbeyei, ni nyɛba nyɛjeŋ bɔ ni etsɔ̃ɔ nyɛ lɛ, ni nyɛsumɔ lɛ ni nyɛ kɛ nyɛtsui fɛɛ kɛ nyɛnyɛmɔ fɛɛ hu asɔmɔ lɛ.

5 Mose 18:13

Yehowa, nyɛNyɔŋmɔ lɛ, akana tɔ̃mɔ ko yɛ nyɛhe.

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

Filipibii 1:10

ni nyɛyoo nii ni hi fe fɛɛ lɛ, koni nyɛfee krɔŋŋ ni shwamɔ ko akahi nyɛhe kɛyashi Kristo Gbi lɛ nɔ;

Yoshua 24:2

Kɛkɛ ni Yoshua kɛɛ amɛ akɛ, “Naa nɔ ni Yehowa, Israel Nyɔŋmɔ lɛ, kɛɔ, ‘Teteete lɛ Eufrate Faa lɛ sɛɛ nyɛtsɛmɛi lɛ hi. Jɛi ji he ni Tera, ni ji Abraham kɛ Nahor tsɛ, hi ni amɛja nyɔŋmɔi krokomɛi.

Yoshua 24:23

Kɛkɛ ni Yoshua kɛɛ amɛ agbɛnɛ akɛ, “Nyɛŋmɛa maŋsɛɛ nyɔŋmɔi krokomɛi ni nyɛhiɛhiɛ lɛ ahe mɔ koni nyɛjie nyɛyitsoŋ fɛɛ nyɛsɔ̃mɔ Yehowa, Israel Nyɔŋmɔ lɛ.”

1 Samuel 12:14

Kɛji nyɛaashe Yehowa gbeyei, ni nyɛaasɔmɔ lɛ, ni nyɛaaye egbee nɔ, ni nyɛtseŋ ekitã lɛ hiɛ atua, ni asaŋ nyɛ kɛ maŋtsɛ lɛ ni yeɔ nyɛnɔ lɛ fɛɛ aaanyiɛ Yehowa, nyɛNyɔŋmɔ, lɛ sɛɛ lɛ, nyɛjeŋ baaja ahã nyɛ.

1 Samuel 12:24

Nyɛshea Yehowa kɛkɛ gbeyei; asaŋ nyɛsɔmɔa lɛ yɛ anɔkwayeli mli kɛ nyɛtsui fɛɛ. Nyɛkaia nibii wuji abɔ ni etsu ehã nyɛ lɛ.

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”