Yoshua 23:15 - ŊMALƐ KRƆŊKRƆŊ LƐ

¹⁵ Bɔ ni nibii fɛɛ ni Yehowa, nyɛNyɔŋmɔ lɛ, wo nyɛ amɛhe shi lɛ eba mli eha nyɛ lɛ, nakai nɔŋŋ kɛ̃ Yehowa aaahã nibii fɔ̃ji fɛɛ hu aba nyɛnɔ kɛaatee beyinɔ ni eeekpãtã nyɛhiɛ yɛ shikpɔŋ kpakpa ni lɛ Yehowa, nyɛNyɔŋmɔ lɛ, nɔŋŋ kɛhã nyɛ nɛɛ nɔ.

Ṅmãle̱ Kroṅkroṅ Le̱

¹⁵ Ši aaba mli ake̱, bo̱ni nibii kpakpai fẽ ní Iehowa, nye-Nyoṅmo̱ le̱, ewonye ši le̱ eba mli ehãnye le̱, nakai noṅṅ kẽ Iehowa aahã nibii fõdši le̱ ſẽ hũ aba nyeno̱, ke̱-yaši beyino̱ ní eekpãtã nyehĩe ke̱-adše̱ šikpoṅ kpakpa ní Iehowa, nye-Nyoṅmo̱ le̱, eṅõ-hãnye ne̱ no̱.

Yoshua 23:15 ပူးပေါင်းရင်းမြစ်များ

1 Maŋtsɛmɛi 14:15

Yehowa aaatswia Israel nii, tamɔ ahosoɔ glã yɛ faa mli lɛ, ni eeefã Israel kɛjɛ nɛkɛ shikpɔŋ kpakpa ni ekɛhã etsɛmɛi lɛ nɔ. Yehowa baagbɛ amɛ eshwã Eufrate Faa lɛ sɛɛ; ejaakɛ amɛfee Ashera wɔŋ lɛ amãgãi, ni amɛkɛwo Yehowa mli la.

1 Maŋtsɛmɛi 8:56

“Ajie Yehowa, mɔ ni ehã emaŋ Israel toiŋjɔlɛ taakɛ bɔ ni ewo shi lɛ pɛpɛɛpɛ. Eshiwoi kpakpai fɛɛ ni etsɔ̃ etsulɔ Mose nɔ ewo lɛ, emli wiemɔ lɛ ekome folo nɛkɛ efeko yaka.

Yesaia 24:6

No hewɔ lɛ, loomɔ miikpãtã shikpɔŋ lɛ hiɛ, ni enɔ bii miina nɔ yɛ amɛfɔyeli hewɔ. Enɛ ehã shikpɔŋ lɛ nɔ gbɔmɛi etã ni eshwɛ mɛi fioo ko kɛkɛ.

Yeremia 32:24

“Naa, kpokui ni maŋ lɛ yisalɔi lɛ tswaa amɛkɛsa maŋ lɛ yi lɛ, enina maŋ lɛ etã; ni abaaŋɔ maŋ lɛ. Klante kɛ hɔmɔ kɛ gbele hela baahã Babilonbii ni ebatua maŋ lɛ aye maŋ lɛ nɔ kunim. Owiemɔ lɛ eba mli, ni oona.

Yeremia 32:42

“Bɔ ni, mi Yehowa, mikɛɔ nɛ, bɔ ni mihã nɛkɛ efɔŋ kpeteŋkple nɛɛ ba gbɔmɛi nɛɛ anɔ lɛ, nakai nɔŋŋ hu mibahã ekpakpa fɛɛ ekpakpa ni miwo amɛ he shi lɛ aba amɛnɔ.

Yeremia 35:17

No hewɔ lɛ, naa, mi Yehowa, Nyɔŋmɔ Taiatsɛ, ni ji Israel Nyɔŋmɔ lɛ, mibahã saji fɔ̃ji fɛɛ ni mito miyiŋ akɛ mahã aye Yuda kɛ Yerusalɛmbii fɛɛ lɛ aba amɛ amɛnɔ, ejaakɛ miwie mitsɔ̃ɔ amɛ, ni amɛbooo mi toi, ni mitsɛ amɛ, ni amɛhereee mi nɔ.’ ”

3 Mose 26:3

“Kɛji nyɛba nyɛjeŋ yɛ mikpɔi lɛ anaa, ni nyɛbu mikitãi lɛ, ni nyɛye amɛnɔ lɛ,

1 Tesalonikabii 2:16

Amɛtsĩɔ wɔ gbɛ hu akɛ wɔkawie wɔtsɔ̃ɔ jeŋmaji lɛ ni ahere amɛyiwala. Ni amɛkɛwoɔ amɛhe eshai lɛ obɔ̃ daa, shi mlifu lɛ enina amɛ kɛmɔ shi.

Kojolɔi 13:1

Israelbii lɛ fee esha amɛshi Yehowa ekoŋŋ, ni Yehowa hã Filistibii ye amɛnɔ afii nyɔŋmai ejwɛ.

Kojolɔi 3:12

Israelbii lɛ saa fee efɔŋ ekoŋŋ amɛshi Yehowa. No hewɔ lɛ, Yehowa hã Moab maŋtsɛ Eglon na hewalɛ fe Israelbii lɛ.

Kojolɔi 3:8

No hewɔ lɛ, Yehowa mli wo Israelbii lɛ ala, ni ehã Mesopotamia maŋtsɛ Kushan-Rishataim ye amɛnɔ kunim ni amɛsɔmɔ lɛ afii kpaanyɔ.

Kojolɔi 6:1

Israelbii lɛ fee efɔŋ amɛshi Yehowa. No hewɔ lɛ, ehã Midianbii ye Israelbii lɛ anɔ afii kpawo.