Yoshua 23:10 - ŊMALƐ KRƆŊKRƆŊ LƐ

¹⁰ Nyɛteŋ gbɔmɔ kome aaashwie mɛi akpe kɛ foi. Ejaakɛ Yehowa, nyɛNyɔŋmɔ lɛ, lɛ ji mɔ ni wuɔ nyɛta lɛ ehãa nyɛ tamɔ bɔ ni ewo nyɛ shi eto lɛ.

Ṅmãle̱ Kroṅkroṅ Le̱

¹⁰ Nyeteṅ mokome aaſie mei akpe; edšake̱ Iehowa, nye-Nyoṅmo̱ le̱, le̱ ewuo̱ ehãanye, take̱ bo̱ni ewonye ši le̱.

Yoshua 23:10 ပူးပေါင်းရင်းမြစ်များ

2 Samuel 23:8

David tabilɔi kakabãi lɛ agbɛii nɛ: Klɛŋklɛŋ mɔ lɛ ji Yosheb-bashebet, Takemonnyo lɛ, mɔ ni ji “kakabãi etɛ̃” lɛ ateŋ onukpa fe fɛɛ lɛ. Ewo ekpɔlɔ nɔ lɛ ekɛgbe mɛi ohai kpaanyɔ yɛ ta kome mli.

1 Kronika 5:20

Hagribii lɛ na mɛi yafata amɛhe yɛ ta mli, kɛ̃lɛ aye amɛ kɛ mɛi ni yafata amɛhe lɛ fɛɛ nɔ kunim, ejaakɛ Rubenbii lɛ kɛ Gadbii lɛ kɛ Bokãgbɛ Manasebii lɛ sɔle amɛtsɛ Naa Nyɔŋmɔ koni eye ebua amɛ yɛ ta lɛ mli. Naa Nyɔŋmɔ bo amɛsɔlemɔ lɛ toi ejaakɛ amɛkɛ amɛhiɛ fɔ enɔ.

1 Kronika 5:22

Hagribii lɛ babaoo nyɔnyɔi ejaakɛ eji Nyɔŋmɔ suɔmɔ naa akɛ awu nakai ta lɛ. Rubenbii lɛ kɛ Gadbii lɛ kɛ Bokãgbɛ Manasebii lɛ hi shikpɔŋ lɛ nɔ aahu kɛyashi be ni aŋɔ amɛ nom lɛ.

Lalai 35:1

Oo Yehowa, okɛ mɛi ni kɛ mi ena lɛ ana; okɛ mɛi ni kɛ mi wuɔ lɛ awu!

Lalai 46:7

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe;

2 Mose 14:14

Yehowa baawu ahã nyɛ, nyɛ lɛ nyɛfea diŋŋ”.

Yesaia 30:17

Gbɔmɔ kometoo yiŋaa naa lɛ, mɛi akpe aaajo foi; nyɛ fɛɛ nyɛaajo foi kɛji mɛi enumɔ ŋa nyɛyi kɛyaashi beyinɔ ni aaashwɛ mɛi fioo tamɔ aflaŋaa tso ni ma gɔŋ yiteŋ, loo tamɔ aflaŋaa ni ma gɔŋkpɔ yiteŋ.

3 Mose 26:7

Nyɛaawo nyɛhenyɛlɔi foi, ni amɛaanyɔnyɔi yɛ nyɛhiɛ yɛ klante naa.

3 Mose 26:8

Nyɛteiaŋ gbɔmɛi enumɔ kɛkɛ aaawo henyɛlɔi oha foi, ni nyɛmɛi oha hu aaawo henyɛlɔi akpei nyɔŋma foi. Nyɛhenyɛlɔi lɛ aaanyɔnyɔi yɛ nyɛhiɛ yɛ klante naa.

Zakaria 12:8

Nakai gbi lɛ nɔ lɛ Yehowa kɛ tsɛŋ ko aaabu Yerusalɛmbii lɛ ahe, ni mɔ ni he waaa kwraa yɛ amɛteŋ he aaawa tamɔ David; ni David shwiei lɛ aaatsɔ̃ tamɔ Nyɔŋmɔ; amɛaatamɔ Yehowa bɔfo ni nyiɛ amɛhiɛ lɛ.

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

5 Mose 20:3

ni ekɛɛ amɛ akɛ, ‘Hiiabii Israelbii, nyɛboa toi! Ta ebanina nyɛ ŋmɛnɛ, ni nyɛkɛ nyɛhenyɛlɔi yaakpe. Nyɛtsui akafãa; nyɛkashea gbeyei, ni nyɛhe akakpokpoa; nyɛkahãa ŋmiŋmi mɔmɔa nyɛ yɛ amɛhiɛ,

5 Mose 20:4

ejaakɛ Yehowa, nyɛNyɔŋmɔ lɛ, kɛ nyɛ yaa ta lɛ koni ekɛ nyɛhenyɛlɔi lɛ ayawu ahã nyɛ koni nyɛye kunim.’

5 Mose 28:7

“Yehowa aaahã oplene ohenyɛlɔi ni aaabatua bo. Amɛaanyiɛ gbɛ kome nɔ kɛaabatua bo, shi amɛaatsɔ̃ gbɛi kpawo nɔ amɛaajo foi kɛaaje ohiɛ.

5 Mose 3:22

Nyɛkashea amɛ gbeyei, ejaakɛ Yehowa, nyɛNyɔŋmɔ lɛ, ji mɔ ni wuɔ ta lɛ hãa nyɛ.’

5 Mose 32:20

Kɛkɛ ni ekɛɛ akɛ, ‘Mifeŋ amɛ ejurɔ ko dɔŋŋ.’ Makwɛ bɔ ni amɛnaagbee baatamɔ ahã, ejaakɛ yinɔbii toigbolɔi ji amɛ, bii ni yeee anɔkwa.

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

Yoshua 23:11

No hewɔ lɛ, nyɛlea nyɛhenɔkwɛmɔ jogbaŋŋ koni nyɛsumɔ Yehowa, nyɛNyɔŋmɔ lɛ.

Yoshua 23:3

Te nyɛna nii fɛɛ ni Yehowa, nyɛNyɔŋmɔ lɛ, efee majimaji ni bɔle nyɛ nɛɛ fɛɛ yɛ nyɛhewɔ? Yehowa, nyɛNyɔŋmɔ lɛ, lɛ ewu nyɛtai lɛ ehã nyɛ.

Kojolɔi 15:15

Kɛkɛ ni ena teji kadaa ŋmɔŋ ko. Ekpã enine mli ekɔ, ni ekɛgbe hii akpe.

Kojolɔi 3:31

Hiɛnyiɛlɔ ni ba ye Ehud sɛɛ ji Shamgar, Anat bi lɛ. Ekɛ tsinakplamɔ tso gbe Filistibii lɛ ateŋ mɛi ohai ekpaa, ni lɛ hu ekɛhere Israelbii lɛ.

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”