Yoshua 22:8 - ŊMALƐ KRƆŊKRƆŊ LƐ

⁸ ekɛɛ amɛ akɛ: “Nyɛmiiku nyɛsɛɛ kɛya shĩa kɛ nyɛdɛŋnii babaoo ni nyɛna: tsinai babaoo diɛŋtsɛ, kɛ jwiɛtɛi kɛ shika kɛ akɔɔble kɛ dade kɛ mamai pii. Nyɛkɛ nyɛmimɛi lɛ ayajaa nyɛhenyɛlɔi lɛ anibii ni nyɛna lɛ.”

Ṅmãle̱ Kroṅkroṅ Le̱

⁸ ni ekē̱ame̱ ake̱: Nibii babaō nyeke̱-kũo̱ nyese̱ ke̱-ya nyebūi le̱ amli ne̱: ke̱ koloi babaō dientše̱, ke̱ dſie̱te̱i ke̱ šika ke̱ akō̱ble ke̱ dade ke̱ mamai pī dientše̱; nyeke̱ nyenyemimei le̱ ayadšaä nyehenye̱lo̱i le̱ anihānii le̱ amli! 4 Mose 31,27.

Yoshua 22:8 ပူးပေါင်းရင်းမြစ်များ

1 Kronika 5:9

Amɛ nɔŋŋ amɛhi bokãgbɛ shikpɔŋ lɛ nɔ kɛtee aahu kɛyanina shiaŋa lɛ ni kã shi kɛtee Eufrate Faa lɛ naa lɛ, ejaakɛ amɛkooloi lɛ shwere yɛ Gilead shikpɔŋ lɛ nɔ.

2 Kronika 17:5

No hewɔ lɛ, Yehowa hã Yehoshafat maŋtsɛyeli lɛ hewalɛ he shi yɛ Yuda shikpɔŋ lɛ nɔ, ni abake lɛ nii babaoo, ni ena nii jogbaŋŋ, ni ehiɛ hu ba nyam.

2 Kronika 32:27

Maŋtsɛ Hezekia na edɛŋ babaoo diɛŋtsɛ, ni ehiɛ ba nyam kpele. Efee nitoohei ehã nibii ni eyɔɔ lɛ eko fɛɛ eko, ni ji ejwiɛtɛi kɛ eshika kɛ ojarawatɛi kɛ tsofakɛŋma kɛ tsɛŋi kɛ nibii krokomɛi ni ajara wa lɛ fɛɛ.

Lalai 68:12

“Naa, tai lɛ anɔ maŋtsɛmɛi lɛ ejo foi, amɛjwa saŋ!” Yei ni ashi yɛ shĩaŋ lɛ, ja haanii lɛ;

Abe̱i 3:16

Wala sɛɛtsɛlɛ yɛ eninejurɔ kɔkɔŋ, ni ninamɔ kɛ anunyam yɛ ebɛku kɔkɔŋ.

4 Mose 31:27

No sɛɛ lɛ, aja nii lɛ mli enyɔ; akɛ fã kome ahã tabilɔi ni tee ta lɛ, koni akɛ fã kroko lɛ hu ahã maŋbii lɛ.

1 Korintobii 15:58

No hewɔ lɛ, minyɛmimɛi ni misumɔɔ, nyɛfĩa shi ni nyɛkagbugbãa ni nyɛtekea nɔ yɛ Nuŋtsɔ lɛ nitsumɔ lɛ mli daa nɛɛ, ejaakɛ nyɛle akɛ nyɛdeŋmegbomɔ lɛ efeŋ yaka yɛ Nuŋtsɔ lɛ mli.

Hebribii 11:26

ebuɔ Kristo hewɔ ahorabɔɔ lɛ akɛ nii babaoo fe Ijipt jwetri lɛ, ejaakɛ wɔsɛɛ nyɔmɔwoo gbɛ ekwɛɔ.

1 Samuel 30:16

Be ni oblanyo lɛ kɛ David tee lɛ ayanina ofɔ̃yelɔi lɛ ni amɛgbɛ amɛshwã he ni amɛyato shi yɛ lɛ fɛɛ, ni aayeyee nii, ni aanunuu dãi, ni aajojoo yɛ nibii babaoo ni amɛyahahaa yɛ Filistibii ashikpɔŋ lɛ kɛ Yuda shikpɔŋ lɛ hu nɔ lɛ ahewɔ.

1 Samuel 30:24

Ni namɔ po aaabu nyɛ bem yɛ nɛkɛ sane nɛɛ mli? Naa, bɔ ni mɔ ni tee ta lɛ baana akɛ egbɛnaa lɛ, nakai nɔŋŋ mɔ ni bu nibii ahe yɛ sɛɛ hu baana akɛ egbɛnaa. Abaaja mɔ fɛɛ mɔ pɛpɛɛpɛ.”