Yoshua 22:6 - ŊMALƐ KRƆŊKRƆŊ LƐ

⁶ Kɛkɛ ni Yoshua jɔɔ amɛ, ni ewo amɛ gbɛ amɛtee amɛshĩai amli.

Ṅmãle̱ Kroṅkroṅ Le̱

⁶ Ni Iošua dsō̱ame̱, ni ewoame̱ gbe̱, ni ame̱yiṅ ame̱te ame̱būi le̱ amli.

Yoshua 22:6 ပူးပေါင်းရင်းမြစ်များ

1 Mose 14:19

Ejɔɔ Abram ni ekɛɛ, “Ŋwɛi Flooflo Nyɔŋmɔ, ŋwɛi kɛ shikpɔŋ bɔlɔ lɛ ajɔɔ Abram;

1 Mose 47:10

Kɛkɛ ni Yakob jɔɔ Farao ni eje Farao hiɛ etee.

1 Mose 47:7

Kɛkɛ ni Yosef kɛ etsɛ Yakob ba ni ekɛ lɛ batsɔ̃ɔ Farao, ni Yakob jɔɔ Farao.

2 Samuel 6:18

Be ni David egbe shãa afɔlei lɛ kɛ shidaa afɔlei lɛ ashãa naa lɛ, ejɔɔ maŋbii lɛ yɛ Yehowa Ofe lɛ gbɛi mli,

2 Samuel 6:19

ni eja maŋ lɛ fɛɛ, ni ji Israel asafo muu lɛ mli hii kɛ yei fɛɛ, niyenii. Ehã mɔ fɛɛ mɔ aboloo akwaabɔ kome kɛ loo kukuli kome kɛ wainyibii ni aka ni egbi akwaabɔ kome. Ni no sɛɛ lɛ maŋ lɛ fɛɛ gbɛ mli, ni mɔ fɛɛ mɔ tee ewe.

2 Samuel 6:20

Ni be ni David yiŋ etee ewe lɛ ni eyahã sɛɛ fɛɛ lɛ, Mikal, Saul biyoo lɛ, je kpo ekɛ lɛ bakpe, ni ekɛɛ lɛ akɛ, “Aso nyam pi Israel maŋtsɛ lɛ wo ehiɛ ŋmɛnɛ nɛɛ kɛ ehe bo ni ejie yɛ etsuji kɛ eweyei ahiɛ tamɔ mɛi ni ahiɛgble tɔ ejwa feɔ lɛ!”

1 Maŋtsɛmɛi 8:66

Gbi ni ji kpaanyɔ lɛ nɔ lɛ, Solomon wo asafo yuu lɛ fɛɛ gbɛ amɛtee. Amɛ jie eyi, ni amɛtee shĩa kɛ miishɛɛ kɛ tsuijurɔ yɛ ejuji fɛɛ ni Yehowa efee etsulɔ David kɛ emaŋ Israel lɛ hewɔ.

2 Kronika 30:18

Ejaakɛ Efraimbii lɛ kɛ Manasebii lɛ kɛ Isakarbii lɛ kɛ Zebulonbii lɛ ni ba afi lɛ yeli lɛ ateiaŋ mɛi babaoo tsuuko amɛhe bɔ ni ji kusum naa; ni no hewɔ lɛ, amɛmiiye Hehoo Gbijurɔ lɛ bɔ ni esaaa. Maŋtsɛ Hezekia sɔle sɔlemɔ nɛɛ yɛ gbɔmɛi nɛɛ ahewɔ, ni ekɛɛ akɛ,

2 Mose 39:43

Mose kwɛ nitsumɔ lɛ fɛɛ, ni naa, bɔ ni Yehowa fã lɛ nakai pɛpɛɛpɛ afee lɛ. Kɛkɛ ni Mose jɔɔ amɛ.

Luka 2:34

Ni Simeon jɔɔ amɛ, ni ekɛɛ gbekɛ lɛ nyɛ, Maria, akɛ, “Naa, akɛ mɔ nɛ edamɔ shi ehã mɛi pii ashigbeemɔ kɛ shitee yɛ Israel, kɛ okadi ni awieɔ ashiɔ;

Luka 24:50

Ni eŋɔ amɛ kɛje kpo kɛtee Betania masɛi, ni ehole eniji anɔ ni ejɔɔ amɛ.

Yoshua 14:13

Kɛkɛ ni Yoshua jɔɔ Kaleb, ni ekɛ Hebron hã Kaleb, Yefune bi lɛ, akɛ egbɛfaŋnɔ.

Yoshua 24:28

Kɛkɛ ni Yoshua wo maŋbii lɛ gbɛ, ni mɔ fɛɛ mɔ tee egbɛfaŋ shikpɔŋ nɔ.

1 Samuel 10:25

Agbɛnɛ Samuel gba maŋ lɛ nɔ ni maŋtsɛ lɛ baatsu ahã amɛ kɛ amɛ hu amɛgbɛnaanii ni amɛbaatsu amɛhã maŋtsɛ lɛ. Samuel ŋmala nibii lɛ fɛɛ ewo wolo mli, ni ekɛŋmɛ Yehowa He Krɔŋkrɔŋ lɛŋ. Kɛkɛ ni Samuel wo maŋ lɛ fɛɛ gbɛ ni mɔ fɛɛ mɔ tee eshĩa.

1 Samuel 13:2

Saul hala hii tabilɔi akpei etɛ̃ yɛ Israelbii lɛ ateŋ. Ekɛ hii tabilɔi nɛɛ ateŋ mɛi akpei enyɔ hi Mikmash yɛ Betel yɛ gɔji ashikpɔŋ lɛ nɔ, ni amɛteŋ akpe hu kɛ Yonatan hi Gibea yɛ Benyamin shikpɔŋ lɛ nɔ. Israel hii ni shwɛ lɛ Saul wo amɛ gbɛ ni mɔ fɛɛ mɔ tee eshĩa.

1 Samuel 2:20

Kɛji amɛba lɛ, Eli jɔɔ Elkana kɛ eŋa lɛ ni ekɛɔ akɛ, “Yehowa ahã yoo nɛɛ awo shwiei ahã bo yɛ ebi nɛɛ ni ejɔɔ enɔ ehã Yehowa hewɔ.” Kɛkɛ lɛ amɛku amɛsɛɛ kɛtee amɛmaŋ.