Yoshua 22:5 - ŊMALƐ KRƆŊKRƆŊ LƐ

⁵ Shi moŋ nyɛkwɛa nyɛhe nɔ jogbaŋŋ ni ahia koni nyɛye kitãi kɛ mlai lɛ ni Yehowa tsulɔ Mose wo nyɛ lɛ anɔ. No ji akɛ nyɛsumɔ nyɛNyɔŋmɔ lɛ, ni nyɛfee esuɔmɔnaanii, ni nyɛye ekitãi lɛ anɔ, ni nyɛye lɛ anɔkwa, ni nyɛsɔ̃mɔ lɛ kɛ nyɛtsui kɛ nyɛnyɛmɔ fɛɛ.”

Ṅmãle̱ Kroṅkroṅ Le̱

⁵ Ši nyehe no̱ ke̱ke̱ nyekwe̱a ní ahĩa, koni nyeye kitã ke̱ mla ni Iehowa tšũlo̱ Mose wonye le̱ no̱, ní nyesumo̱ Iehowa, nye-Nyoṅmo̱ le̱, ní nyenyie egbè̱i le̱ fẽ no̱, ni nyeye ekitãi le̱ ano̱, ni nyekpe̱te̱ ehe, ni nyesúmo̱le̱ ke̱ nyetšui fẽ ke̱ nyesusuma fẽ.

Yoshua 22:5 ပူးပေါင်းရင်းမြစ်များ

Lalai 106:3

Ajɔɔ mɛi ni yeɔ jalɛ sane ni amɛfeɔ nɔ ni ja be fɛɛ be lɛ.

Lalai 78:7

Ewo mlai nɛɛ bɔ ni afee ni amɛkɛ amɛhiɛ afɔ Nyɔŋmɔ nɔ, koni amɛhiɛ akakpa Nyɔŋmɔ nitsumɔi lɛ anɔ, shi amɛye ekitãi lɛ anɔ,

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

2 Mose 20:6

“Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ.

2 Mose 23:13

“Nibii fɛɛ ni mikɛɛ nyɛ lɛ nyɛyea nɔ. Nyɛkatsĩa nyɔŋmɔi krokomɛi agbɛii ata, akanu yɛ nyɛnaa tete.”

2 Mose 23:25

Kɛji nyɛsɔ̃mɔ mi, Yehowa nyɛNyɔŋmɔ lɛ, madro nyɛ niyenii kɛ nu, ni makɔ hela yɛ nyɛteŋ mashɛ mafɔ̃ kwraa.

Abe̱i 4:23

Ohiɛ akã otsui he fe nii fɛɛ; ejaakɛ no mli wala jɛɔ.

Yesaia 55:2

Mɛɛba nyɛkɔɔ shika nyɛkɛheɔ nɔ ni jeee ŋmãa? Ni nyɛkɛ nyɛnitsumɔŋ nyɔmɔwoo heɔ nɔ ni hãaa mɔ atɔ? Nyɛboa mi toi jogbaŋŋ, ni nyɛfea nɔ ni makɛɛ nyɛ lɛ, ni nyɛaaye niyenii kpakpa fe fɛɛ, ni nyɛmii aaashɛ.

Yeremia 12:16

Ni kɛji be ni aaashɛ nakai be lɛ amɛkase mimɛi lɛ ajeŋba, ni amɛkɛ migbɛi aaakã kitã akɛ, ‘Mina Yehowa, tamɔ bɔ ni amɛtsɔ̃ɔ mimaŋbii lɛ Baal gbɛi kɛ kitãkãmɔ lɛ, no lɛ mibaŋɔ amɛ mashi mimɛi lɛ anɔ.’

Mateo 22:37

Ni Yesu kɛɛ lɛ akɛ, “Suɔmɔ Nuŋtsɔ oNyɔŋmɔ lɛ kɛ otsui muu lɛ fɛɛ kɛ osusuma muu lɛ fɛɛ kɛ ojwɛŋmɔ muu lɛ fɛɛ.

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Luka 1:74

akɛ eeehã ajie wɔ yɛ wɔhenyɛlɔi adɛŋ ni wɔsɔmɔ lɛ ni gbeyeishemɔ ko bɛ mli

Yohane 12:26

Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”

Yohane 14:15

“Kɛji nyɛmiisumɔ mi lɛ nyɛaaye mikitãi lɛ anɔ.

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 27:23

Ejaakɛ nyɔɔŋ nɛɛ mli lɛ Nyɔŋmɔ mɔ nɔ ni mi ji kɛ mɔ hu ni misɔ̃mɔɔ lɛ bɔfo badamɔ mimasɛi

Romabii 1:9

Ejaakɛ midasefonyo ji Nyɔŋmɔ, mɔ ni misɔmɔɔ yɛ mimumɔ mli yɛ eBi lɛ Sanekpakpa lɛ shiɛmɔ mli lɛ, akɛ mifɔ̃ko nyɛ kaimɔ dã,

Romabii 12:9

Suɔmɔ lɛ osato akahi mli. Nyɛhia efɔŋ kwraa; nyɛ kpɛtɛa ekpakpa he;

Romabii 8:28

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

5 Mose 10:20

Nyɛshea Yehowa, nyɛNyɔŋmɔ lɛ, gbeyei; nyɛsɔmɔa lɛ; nyɛkpɛtɛa ehe, ni lɛ egbɛi lɛ pɛ nyɛkɛkã kitã.

5 Mose 11:1

“No hewɔ lɛ, esa akɛ nyɛsumɔ Yehowa, nyɛNyɔŋmɔ lɛ, ni nyɛye egbei kɛ ekpɔi lɛ kɛ emlai lɛ kɛ ekitãi lɛ fɛɛ nɔ daa nɛɛ.

5 Mose 11:13

“Kɛji nyɛye kitãi ni miwoɔ nyɛ ŋmɛnɛ nɛɛ akɛ nyɛsumɔ Yehowa, nyɛNyɔŋmɔ lɛ, ni nyɛkɛ nyɛtsui kɛ nyɛnyɛmɔ fɛɛ hu asɔmɔ lɛ lɛ nɔ lɛ,

5 Mose 11:22

“Kɛji nyɛjwɛŋ nɛkɛ kitãi nɛɛ ni miwoɔ nyɛ nɛɛ nɔ, ni nyɛye nɔ, ni nyɛsumɔ Yehowa, nyɛNyɔŋmɔ lɛ, ni nyɛhi shi pɛpɛɛpɛ bɔ ni etsɔ̃ɔ nyɛ lɛ, ni nyɛkpɛtɛ ehe lɛ,

5 Mose 13:4

Nyɛjaa Yehowa, nyɛNyɔŋmɔ lɛ, ni nyɛshea lɛ gbeyei; nyɛyea ekitãi lɛ anɔ, ni nyɛboa lɛ toi; nyɛsɔmɔa lɛ, ni lɛ ehe nyɛkɛ nyɛhe akpɛtɛa.

5 Mose 4:29

Nyɛbaaye Yehowa, nyɛNyɔŋmɔ lɛ, he kumai yɛ jɛi; ni kɛji nyɛtao esɛɛgbɛ kɛ nyɛtsui fɛɛ kɛ nyɛnyɛmɔ fɛɛ lɛ nyɛbaana lɛ.

5 Mose 4:4

shi nyɛ mɛi ni nyɛye Yehowa, nyɛNyɔŋmɔ lɛ, anɔkwa lɛ, nyɛ fɛɛ tswɛm nyɛyi ena wala kɛbashi ŋmɛnɛ.

5 Mose 4:6

Nyɛyea nɔ; nyɛbaa nyɛjeŋ ejaakɛ no nɔŋŋ baahã nyɛnilee kɛ nyɛhiɛshikamɔ abakã shi faŋŋ yɛ maji krokomɛi lɛ ahiɛ. Kɛji amɛnu nɛkɛ akpɔi nɛɛ lɛ, amɛaakɛɛ akɛ, ‘Anɔkwa akɛ maŋ nɛɛ mli bii lɛ le nii, ni amɛnuɔ nii ashishi; maŋ kpeteŋkple nɛ.’

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 5:10

Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ hu.’

5 Mose 6:17

shi moŋ nyɛyea ehe saji lɛ kɛ ekitãi lɛ kɛ ekpɔi lɛ ni ewoɔ nyɛ lɛ anɔ;

Hebribii 12:15

Ni nyɛkwɛa ni ahia, koni mɔ ko akaŋmɛɛ Nyɔŋmɔ dromɔ lɛ he; koni shishifã kɛ joomɔ ko akakwɛ̃ ni ehao nyɛ ni akɛbule mɛi pii.

Yakobo 1:12

Ajɔɔ gbɔmɔ ni miaa ehiɛ yɛ kaa mli lɛ, ejaakɛ kɛ aka lɛ ni esa lɛ, eeena wala akekre ni Nuŋtsɔ lɛ ewo mɛi ni sumɔɔ lɛ lɛ shi yɛ he lɛ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Yoshua 23:8

Shi moŋ nyɛkpɛtɛa Yehowa, nyɛNyɔŋmɔ lɛ, tamɔ bɔ ni nyɛfee kɛbashi ŋmɛnɛ gbi nɛɛ lɛ,

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

1 Samuel 12:20

Shi Samuel kɛɛ maŋ lɛ akɛ, “Nyɛkashea gbeyei; nyɛna nyɛfee nɛkɛ nɔ fɔŋ nɛɛ moŋ, shi kɛ̃lɛ nyɛkakpalea kɛjea Yehowa sɛɛ, shi moŋ nyɛsɔmɔa lɛ kɛ nyɛtsui fɛɛ.

1 Samuel 12:24

Nyɛshea Yehowa kɛkɛ gbeyei; asaŋ nyɛsɔmɔa lɛ yɛ anɔkwayeli mli kɛ nyɛtsui fɛɛ. Nyɛkaia nibii wuji abɔ ni etsu ehã nyɛ lɛ.

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”