Yoshua 22:29 - ŊMALƐ KRƆŊKRƆŊ LƐ

²⁹ Enɛ akagbale wɔ fɔ̃ŋfɔ akɛ wɔɔtse Yehowa hiɛ atua, ni wɔkpale yɛ Yehowa sɛɛ ŋmɛnɛ, ni wɔshi Yehowa, wɔNyɔŋmɔ lɛ, afɔleshãa latɛ lɛ ni ma eKpee Buu Krɔŋkrɔŋ lɛ hiɛ lɛ sɛɛ; ni wɔma afɔleshãa latɛ kroko, ni wɔshã shãa afɔle loo niyenii afɔle loo gbee afɔle yɛ nɔ.”

Ṅmãle̱ Kroṅkroṅ Le̱

²⁹ Ene̱ akagbalewo̱ fō̃ṅfõ ake̱ wo̱o̱tše Iehowa hĩe atũa, ni wo̱fõ Iehowa se̱ nyiemo̱ ṅme̱ne̱, ni wo̱mã afo̱lešãlate̱ kroko ni wo̱šã šã-afo̱le lo niyenii-afo̱le lo gbē-afo̱le ye̱ no̱, ye̱ Iehowa, wo̱-Nyoṅmo̱ le̱, afo̱lešãlate̱ le̱ ni yo̱ ešihĩle̱he le̱ hĩe le̱ se̱!

Yoshua 22:29 ပူးပေါင်းရင်းမြစ်များ

1 Mose 44:17

Shi Yosef kɛɛ akɛ, “Kpaoo! Enɛ akagbale mi fɔ̃ŋfɔ̃; mɔ dɛŋ ni ana kpulu lɛ yɛ lɛ, lɛ kɛkɛ eeetsɔ minyɔŋ; shi nyɛ mɛi ni eshwɛ lɛ, nyɛyaa nyɛtsɛ ŋɔɔ yɛ hejɔlɛ mli.”

1 Mose 44:7

Amɛhã hetoo akɛ, “Mɛɛ hewɔ minuŋtsɔ wieɔ nɛkɛ wiemɔi nɛɛ? Kpaoo, otsuji nyɛŋ nɛkɛ nɔ ko afee.

1 Maŋtsɛmɛi 21:3

Shi Nabot kɛɛ Ahab akɛ, “Yehowa akahã enɛ miigbale mi fɔ̃ŋfɔ̃ akɛ maŋɔ mitsɛmɛi agboshinii lɛ mahã bo.”

2 Maŋtsɛmɛi 18:22

Shi kɛji nyɛaakɛɛ mi akɛ, “Yehowa, wɔNyɔŋmɔ lɛ, nɔ moŋ wɔhiɛ kã lɛ! Ani jeee lɛ ehei grɔŋŋi kɛ efɔleshãa latɛi lɛ Hezekia jie, ni ekɛɛ Yuda kɛ Yerusalɛm akɛ, ‘Nɛkɛ afɔleshãa latɛ nɛɛ hiɛ nyɛjaa yɛ, yɛ Yerusalɛm lɛ?’ ”

2 Kronika 32:12

Ani jeee Hezekia nɛɛ nɔŋŋ ni efite Yehowa hei grɔŋŋ lɛ kɛ afɔleshãa latɛi srɔtoi lɛ fɛɛ, ni fee sɛɛ lɛ ekɛɛ Yuda kɛ Yerusalɛmbii akɛ amɛja, ni asaŋ amɛshã tsofakɛŋma yɛ afɔleshãa latɛ koome pɛ nɔ lɛ?

Romabii 3:6

Dabida! Ejaakɛ kɛji nakai ni lɛ, te aaafee tɛŋŋ ni Nyɔŋmɔ aaakojo je lɛ?

Romabii 6:2

Dabida! Wɔ ni esha gbɛfaŋ lɛ wɔtamɔ mɛi ni egboi lɛ, te aaafee tɛŋŋ ni wɔhiɛ aaakãmɔ yɛ emli loloŋ?

Romabii 9:14

Belɛ te wɔɔkɛɛ tɛŋŋ? Ani Nyɔŋmɔ yeɔ sane ko ni ejaaa? Dabida!

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

Yoshua 22:23

akɛ wɔma afɔleshãa latɛ bɔ ni afee ni wɔkpa Yehowa jamɔ. Aloo kɛji wɔma afɔleshãa latɛ lɛ koni wɔkɛshã shãa afɔle loo niyenii afɔle loo shidaa afɔle lɛ, no lɛ Yehowa diɛŋtsɛ atɔ he owele.

Yoshua 22:26

Enɛ hewɔ jɛ ni wɔkɛɛ wɔhe akɛ, ‘Nyɛhãa wɔmãa afɔleshãa latɛ ko, jeee koni wɔkɛshã shãa afɔle loo gbee afɔle,

Yoshua 22:28

Wɔyiŋtoo ji akɛ kɛji aleee nɔ ni wɔsɛɛ ko aaakɛɛ wɔ diɛŋtsɛ loo wɔshwiei nakai lɛ, wɔnaa ni wɔbaajie ji, ‘Nyɛkwɛa afɔleshãa latɛ lɛ henɔ ni wɔtsɛmɛi lɛ ma, jeee yɛ shãa afɔle hewɔ, ni asaŋ jeee yɛ gbee afɔle hu hewɔ, shi moŋ bɔ ni afee ni eye wɔ kɛ nyɛ teŋ odase.’

Yoshua 22:30

Rubenbii lɛ kɛ Gadbii lɛ kɛ Manasebii akutso lɛ fã kome lɛ naajiemɔ lɛ sa Finehas kɛ Israel asafo lɛ mli lumɛi nyɔŋma lɛ, ni ji Israelbii aweku nukpai ni fata Finehas he kɛba lɛ, ahiɛ jogbaŋŋ.

Yoshua 24:16

Maŋbii lɛ to he, ni amɛkɛɛ akɛ, “Enɛ akagbale wɔ fɔ̃ŋfɔ akɛ wɔɔshi Yehowa sɛɛ koni wɔyasɔ̃mɔ nyɔŋmɔi krokomɛi,

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.