Yoshua 22:27 - ŊMALƐ KRƆŊKRƆŊ LƐ

²⁷ shi moŋ koni eye he odase yɛ wɔ kɛ nyɛ teŋ, asaŋ kɛ wɔshwiei kɛ nyɛ hu nyɛshwiei ateŋ akɛ wɔshãa shãa afɔlei kɛ gbee afɔlei kɛ shidaa afɔlei wɔkɛsɔ̃mɔɔ Yehowa kɛji wɔmiija lɛ yɛ Shihilɛhe Krɔŋkrɔŋ lɛ hiɛ.’ No baahã wɔsɛɛ ko lɛ nyɛbii ebakɛŋ wɔbii akɛ, ‘Nyɛkɔɔɔ Yehowa he nɔ ko.’

Ṅmãle̱ Kroṅkroṅ Le̱

²⁷ ši moṅ beni afe ní efe *odase ye̱ wo̱ke̱nye teṅ ke̱ wo̱sešibii ní baä ye̱ wo̱se̱ le̱ ateṅ, ake̱ wo̱ke̱ wošã-afo̱lei ke̱ wogbẽ-afo̱lei ke̱ wo̱šidã-afo̱lei le̱ aasúmo̱ Iehowa ye̱ ehĩe, koni wó̱se̱ ko le̱ nyebii akaba-kē̱ wo̱bii ake̱: Nyebe̱ gbe̱nā ko ye̱ Iehowa ṅõ! *24,27.

Yoshua 22:27 ပူးပေါင်းရင်းမြစ်များ

1 Mose 31:48

Laban kɛɛ akɛ, “Nɛkɛ tɛ ku nɛɛ miiye odase yɛ mi kɛ bo teŋ ŋmɛnɛ.” No hewɔ ni atsɛɔ tɛ lɛ akɛ Galed lɛ.

1 Mose 31:52

Nɛkɛ tɛ ku nɛɛ ji odase, ni nɛkɛ okadi tɛ nɛɛ hu ji odase akɛ, mi lɛ, mihoŋ tɛ ku nɛɛ he mibaŋ oŋɔɔ ni mibafee bo efɔŋ, ni bo hu ohoŋ tɛ ku nɛɛ kɛ okadi tɛ nɛɛ he obaŋ miŋɔɔ ni obafee mi efɔŋ.

Lalai 16:5

Yehowa, bo ji minɔ fɛɛ nɔ, bo ohãa mi mihiamɔ nii fɛɛ. Bo odɛ̃ŋ miwala yɔɔ.

Yesaia 19:19

Nakai be lɛ mli lɛ, abaama afɔleshãa latɛ ahã Yehowa yɛ Ijipt shikpɔŋ lɛ teŋ tuuŋtu, ni abaatswa akulashiŋ amã shikpɔŋ lɛ husu nɔ ahã Yehowa.

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

Yoshua 22:10

Be ni amɛbashɛ Yordan niiaŋ yɛ Kanaan shikpɔŋ lɛ nɔ gbɛ lɛ. Rubenbii lɛ kɛ Gadbii lɛ kɛ Bokãgbɛ Manasebii lɛ ma afɔleshãa latɛ yɛ jɛi Yordan naa. Afɔleshãa latɛ kpeteŋkple ni sa kwɛmɔ.

Yoshua 22:26

Enɛ hewɔ jɛ ni wɔkɛɛ wɔhe akɛ, ‘Nyɛhãa wɔmãa afɔleshãa latɛ ko, jeee koni wɔkɛshã shãa afɔle loo gbee afɔle,

Yoshua 22:28

Wɔyiŋtoo ji akɛ kɛji aleee nɔ ni wɔsɛɛ ko aaakɛɛ wɔ diɛŋtsɛ loo wɔshwiei nakai lɛ, wɔnaa ni wɔbaajie ji, ‘Nyɛkwɛa afɔleshãa latɛ lɛ henɔ ni wɔtsɛmɛi lɛ ma, jeee yɛ shãa afɔle hewɔ, ni asaŋ jeee yɛ gbee afɔle hu hewɔ, shi moŋ bɔ ni afee ni eye wɔ kɛ nyɛ teŋ odase.’

Yoshua 22:34

Rubenbii lɛ kɛ Gadbii lɛ kɛɛ akɛ, “Afɔleshãa latɛ nɛɛ ji odaseyeli nɔ hã wɔ akɛ Yehowa lɛ, lɛ ji Nyɔŋmɔ.” No hewɔ lɛ, amɛwo afɔleshãa latɛ nɛɛ gbɛi akɛ, “Odasefonyo.”

Yoshua 24:27

Enɛ sɛɛ lɛ Yoshua kɛɛ maŋbii lɛ fɛɛ akɛ, “Nɛkɛ tɛ nɛɛ aye wɔhe odase ejaakɛ enu wiemɔi ni Yehowa kɛ wɔ wie lɛ fɛɛ. No hewɔ lɛ, eeeye odase eshi nyɛ koni nyɛkakpa yɛ nyɛNyɔŋmɔ lɛ sɛɛ.”

1 Samuel 7:12

Kɛkɛ ni Samuel wo tɛ ekɛma shi yɛ Mizpa kɛ Shem teŋ, ni ewo lɛ gbɛi akɛ “Ebenezer” ejaakɛ ekɛɛ, “Biɛ Yehowa eye ebua wɔ kɛbashi.”