Yoshua 22:15 - ŊMALƐ KRƆŊKRƆŊ LƐ

¹⁵ Amɛtee Rubenbii lɛ kɛ Gadbii kɛ Manasebii lɛ aŋɔ̃ɔ yɛ Gilead shikpɔŋ lɛ nɔ,

Ṅmãle̱ Kroṅkroṅ Le̱

¹⁵ Ni ame̱te Rubenbii le̱ ke̱ Gadbii le̱ ke̱ Manase akutšo le̱ fã le̱ ṅõ ye̱ Gilead šikpoṅ le̱ no̱, ni ame̱ke̱ame̱ yawie ame̱kē̱:

Yoshua 22:15 ပူးပေါင်းရင်းမြစ်များ

1 Kronika 21:3

Shi Yoab kɛɛ David akɛ, “Yehowa ahã bɔ ni maŋ lɛ yifalɛ yɔɔ amrɔ nɛɛ lɛ aku abɔ he toi oha! Shi minuŋtsɔ Maŋtsɛ, kwɛ jeee mikɛɛ bekɛ otsuji ji amɛ fɛɛ? Mɛɛba mɔ ni minuŋtsɔ taoɔ akɛ afee nɛkɛ nɔ ko ni baahã Israel fɛɛ atɔ̃ nɛɛ?”

2 Kronika 10:19

Kɛjɛ nakai gbii lɛ anɔ kɛbashi ŋmɛnɛ lɛ, be fɛɛ be lɛ Israel Kooyigbɛ Akutsei lɛ tseɔ David we lɛ maŋtsɛyeli lɛ hiɛ atua.

2 Kronika 25:27

Abɔi Amazia yinɔ apamtoo yɛ Yerusalɛm kɛjɛ beyinɔ ni ekwa Yehowajamɔ beebe. Enɛ hewɔ lɛ, naagbee mli aahu lɛ Amazia jo foi kɛtee Lakish. Shi atiu lɛ kɛtee Lakish lɛ, ni ayagbe lɛ yɛ jɛi.

2 Kronika 26:18

ni amɛyatsi lɛ gbɛ, ni amɛkɛɛ lɛ akɛ, “Maŋtsɛ Uzia, ejeee ogbɛnaa akɛ oshã tsofakɛŋma ohã Yehowa. Osɔfoi, ni ji Aaron shwiei, lɛ pɛ ji mɛi ni ajɔɔ tsofakɛŋmashãa nɔ ahã. Shi He Krɔŋkrɔŋ lɛ ni oya! Otɔ̃ Yehowa nɔ, ni obɛ Yehowa dɛŋ jɔɔmɔ ko ni obaana dɔŋŋ.”

2 Kronika 28:13

Amɛkɛɛ tabilɔi lɛ akɛ, “Nyɛkɛ nomii nɛɛ akabaa maŋ nɛɛ mli kɔkɔɔkɔ. Tɔ̃mɔ ni wɔtɔ̃ Yehowa nɔ momo sa lɛ eda, ni eyɛ wɔhe mlifu ni naa wa. Nyɛmiifee nɛkɛ koni nyɛkɛyawo tɔ̃mɔ hee nyɛbashi nɔ ni kã wɔnɔ lɛ nɔ nyɛhã wɔ?”

Ezra 9:15

Yehowa, Israel Nyɔŋmɔ, jalɔ ji bo; ejaakɛ ashi wɔ akɛ mɛi ni eshwɛ ni eje hiɛkpãtãmɔ lɛ mli tamɔ bɔ ni eyɔɔ ŋmɛnɛ gbi nɛɛ. Naa, wɔyɛ ohiɛ akɛ mɛi ni eye fɔ. Ejaakɛ wɔfɔ ni wɔye lɛ hewɔ lɛ, wɔteŋ mɔ ko mɔ ko nyɛŋ ohiɛ adamɔ.”

Ezra 9:2

Yudahii eŋɔŋɔɔ maŋsɛɛ yei amɛhã amɛ diɛŋtsɛ amɛhe akɛ ŋamɛi, ni amɛbihii hu efee nakai nɔŋŋ. Belɛ jaku ni he tse lɛ ebule amɛhe. Onukpai lɛ kɛ nɔyelɔi lɛ titri tɔ̃ɔ mla nɛɛ.

Lalai 78:8

koni amɛkatamɔ amɛtsɛmɛi kaniŋkajelɔi kɛ yinɔbii atuatselɔi lɛ, yinɔbii ni amɛhemɔkɛyeli yɛ Nyɔŋmɔ mli fiii shi kpɛŋŋ, ni amɛyeee Nyɔŋmɔ anɔkwa yɛ mumɔŋ lɛ.

2 Mose 32:8

Amrɔ nɛɛ nɔŋŋ lɛ amɛje gbɛ ni mitsɔ̃ɔ amɛ lɛ nɔ. Amɛkɛ shika efee tsinabi, ni amɛja lɛ, ni amɛshã afɔlei hu amɛhã lɛ, ni nɔ ni amɛkɛɛ yɛ ehe ji, ‘Israel, naa wɔnyɔŋmɔ ni jie wɔ kɛje Ijipt shikpɔŋ lɛ nɔ lɛ ei!’ ”

Yesaia 63:10

Shi amɛ lɛ amɛtse atua, ni amɛfee Emumɔ Krɔŋkrɔŋ lɛ nidɔɔnii. No hewɔ lɛ, etsɔ amɛhenyɛlɔ, ni lɛ diɛŋtsɛ ekɛ amɛ wu.

3 Mose 26:40

“Shi kɛji amɛjaje amɛnifɔɔjianii lɛ kɛ amɛtsɛmɛi lɛ hu anifɔ̃ɔjianii ni amɛfee amɛshi mi, kɛ bɔ ni amɛbaaa amɛjeŋ bɔ ni mi mitaoɔ,

3 Mose 5:19

Sɔ̃ afɔle ji enɛ; ejaakɛ eye sɔ̃ yɛ Yehowa hiɛ.”

4 Mose 14:43

Amalekbii lɛ kɛ Kanaanbii lɛ yɛ jɛi, ni amɛkɛ nyɛ baakpe, ni amɛbaagbegbee nyɛ, ejaakɛ gbii abɔ ni nyɛkpale yɛ Yehowa sɛɛ lɛ, Yehowa hu fiŋ nyɛsɛɛ.”

4 Mose 32:15

Kɛji nyɛkwa Yehowa lɛ, lɛ hu eeekwa maŋ lɛ yɛ shiaŋa lɛ nɔ, ni belɛ nyɛaakpãtã Israel maŋ muu nɛɛ fɛɛ hiɛ.”

4 Mose 5:6

“Kɛɛmɔ Israelbii lɛ akɛ kɛji nuu ko loo yoo ko booo Yehowa toi, ni efee enaanyo esha, ni ekɛkwa Yehowa ni nakai mɔ lɛ ye fɔ lɛ,

Mateo 18:17

Ni kɛji amɛ hu ebooo amɛ toi lɛ, yaakɛɛ asafo lɛ, ni kɛji ebooo asafo lɛ hu toi lɛ, buu lɛ tamɔ wɔŋjalɔ kɛ toohelɔ.

1 Korintobii 1:10

Shi, anyɛmimɛi, miikpa nyɛ fai yɛ wɔNuŋtsɔ Yesu Kristo gbɛi mli, akɛ nyɛnaabu afee ekome ni mligbalamɔi akaba nyɛteŋ, shi moŋ nyɛ fɛɛ nyɛhiɛa jwɛŋmɔ kome kɛ susumɔ kome.

1 Korintobii 5:4

Kɛji nyɛnaa kpe shi yɛ Nuŋtsɔ Yesu gbɛi mli ni miyɛ nyɛteŋ yɛ mumɔ mli, ní Nuŋtsɔ Yesu hewalɛ fata he lɛ,

5 Mose 30:17

Shi kɛji nyɛtsui yagba afã, ni nyɛgbo toi, ni alaka nyɛ, ni nyɛyaja nyɔŋmɔi krokomɛi, ni nyɛsɔmɔ amɛ lɛ,

5 Mose 7:4

Ejaakɛ amɛbiyei lɛ aaahã nyɛbihii lɛ akpale yɛ misɛɛ ni amɛyasɔmɔ nyɔŋmɔi krokomɛi. Enɛ baahã Yehowa mli awo nyɛ la, ni eeekpãtã nyɛhiɛ.

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.

Yoshua 22:12

Be ni Israelbii krokomɛi lɛ nu sane nɛɛ lɛ, amɛsafo muu lɛ fɛɛ bakpe yɛ Shilo, ni amɛto amɛyiŋ akɛ amɛkɛ Rubenbii lɛ kɛ Gadbii lɛ kɛ Manasebii lɛ akutso lɛ fã kome lɛ yaawu.

Yoshua 22:14

Ahã lumɛi nyɔŋma komɛi fata Finehas he kɛtee tsumɔ nɛɛ. No ji akɛ Israelbii lɛ akutso fɛɛ akutso hã lumɔ kome, ni lumɛi nɛɛ ateŋ mɔ fɛɛ mɔ yafee wekunukpa hu yɛ Israelbii lɛ ateŋ.

Yoshua 22:16

ni amɛyawie Yehowa webii lɛ anaa, ni amɛkɛɛ akɛ, “Mɛɛ tɔ̃mɔ ni nyɛtɔ̃ Nyɔŋmɔ nɔ nɛɛ? Nyɛ diɛŋtsɛ nyɛfɔleshãa latɛ ni nyɛma agbɛnɛ nɛɛ tsɔ̃ɔ akɛ nyɛkwa Yehowa, ni nyɛtse ehiɛ atua.

Yoshua 22:18

hewɔ ni nyɛkpaleɔ ŋmɛnɛ gbi nɛɛ yɛ Yehowa sɛɛ nɛɛ? Kɛji nyɛtse Yehowa hiɛ atua ŋmɛnɛ lɛ, wɔ lɛ, lɛ hu emli aaafu Israel asafo muu lɛ fɛɛ.

1 Samuel 15:23

Ejaakɛ atuatsemɔ lɛ esha ni tamɔ klamɔ nɔŋŋ, ni kuɛŋtimɔ lɛ esha ni tamɔ amãgãjamɔ nɔŋŋ. Akɛni okwa Yehowa naa wiemɔ lɛ, lɛ hu ekwa bo maŋtsɛ lɛ yeli.”