Yoshua 21:44 - ŊMALƐ KRƆŊKRƆŊ LƐ

⁴⁴ Yehowa hã amɛna hejɔlɛ yɛ shikpɔŋ lɛ nɔ he fɛɛ he tamɔ bɔ ni ewo amɛtsɛmɛi lɛ shi lɛ pɛpɛɛpɛ. Amɛhenyɛlɔi lɛ ateŋ mɔ ko mɔ ko kwraa nyɛɛɛ amɛhiɛ adamɔ, ejaakɛ Yehowa hã amɛye amɛhenyɛlɔi lɛ fɛɛ anɔ kunim.

Ṅmãle̱ Kroṅkroṅ Le̱

⁴⁴ Ni Iehowa hãame̱ hedšē̱mo̱ ke̱-kpe, take̱ bo̱ni ekã ame̱tše̱mei le̱ akitã le̱ pe̱pē̱pe̱; ni ame̱henye̱lo̱i le̱ ateṅ mokomoko nyẽẽ ame̱hĩe adamo̱; ame̱henye̱lo̱i le̱ fẽ le̱, Iehowa tuame̱ ewo ame̱deṅ.

Yoshua 21:44 ပူးပေါင်းရင်းမြစ်များ

2 Kronika 13:16

Israel tabilɔi lɛ jo foi yɛ Yudabii lɛ ahiɛ, ni Nyɔŋmɔ hã Yudabii lɛ anine tsɔ̃ Israelbii lɛ anɔ.

2 Mose 23:31

Mafo husu mahã nyɛ kɛjɛ Ŋshɔ Tsuru lɛ naa kɛyashi Filistibii lɛ aŋshɔ lɛ naa, agbɛnɛ kɛjɛ shiaŋa lɛ nɔ kɛyashi Eufrate Faa lɛ naa, ejaakɛ mahã nyɛye shikpɔŋ lɛ nɔ bii lɛ anɔ kunim koni nyɛshwie amɛ.

2 Mose 33:14

Yehowa kɛɛ Mose akɛ, “Mikɛ nyɛ aaatee ni mahã oye kunim.”

Yesaia 63:14

Yehowa mumɔ lɛ ha amɛna hejɔlɛ tamɔ tsinai ni kpelekeɔ shi kɛyaa jɔɔ mli jwɛfɔ he. Nakai pɛpɛɛpɛ Yehowa kpala emaŋ lɛ, ni ekɛna anunyam gbɛi ehã ehe.

5 Mose 2:36

Kɛjɛ Aroer maŋ lɛ ni kã Arnon Faa lɛ jɔɔ lɛ toi, kɛ maŋ lɛ ni yɔɔ jɔɔ lɛ teŋ kɛyashi Gilead maŋ lɛ mli tɔ̃ɔ lɛ, maŋ ko maŋ ko bɛ ni wɔyeee enɔ kunim. Yehowa, wɔNyɔŋmɔ lɛ, jɔɔ eko fɛɛ eko nɔ ehã wɔ.

5 Mose 21:10

“Kɛji otee ta, ni Yehowa, oNyɔŋmɔ lɛ, hã oye ohenyɛlɔi lɛ anɔ kunim, ni omɔ nomi,

Hebribii 4:9

No hewɔ lɛ, hejɔɔmɔ gbiyeli ko kã shi kɛhã Nyɔŋmɔ maŋ lɛ.

Yoshua 1:13

“Nyɛkaia wiemɔ ni Yehowa tsulɔ Mose kɛ nyɛ wie akɛ Yehowa, nyɛNyɔŋmɔ lɛ, baahã nyɛ he ko ni nyɛaajɔɔ nyɛhe yɛ; ni ekɛ nɛkɛ shikpɔŋ nɛɛ baake nyɛ.

Yoshua 1:15

kɛyashi beyinɔ ni Yehowa aaahã nyɛnyɛmimɛi lɛ hu ana he ko ni amɛjɔɔ amɛhe yɛ, tamɔ bɔ ni ehã nyɛjɔɔ nyɛhe lɛ, be mli ni amɛ hu shikpɔŋ ni Yehowa, nyɛNyɔŋmɔ lɛ, kɛhãa amɛ lɛ aaashɛ amɛdɛŋ lɛ. No sɛɛ dani nyɛku nyɛsɛɛ kɛba nyɛshikpɔŋ ni Yehowa tsulɔ Mose kɛhã nyɛ yɛ Yordan Faa nɛɛ sɛɛ yɛ bokãgbɛ lɛ nɔ, ni nyɛbahi nɔ.”

Yoshua 1:5

Mɔ ko mɔ ko nyɛŋ ohiɛ adamɔ owalagbii abɔ fɛɛ. Bɔ ni mikɛ Mose hi shi lɛ, nakai nɔŋŋ mikɛ bo aaahi shi; mishiŋ bo, ni mikwaŋ bo hu.

Yoshua 11:12

Yoshua ŋɔ̃ maŋtsɛmɛi lɛ amaji lɛ fɛɛ, ni emɔ̃mɔ amɛmli maŋtsɛmɛi lɛ hu, ni akɛ klante gbe amɛ tamɔ bɔ ni Yehowa tsulɔ, Mose fã lɛ.

Yoshua 11:23

Yoshua ŋɔ̃ shikpɔŋ tso muu lɛ fɛɛ tswɛm tamɔ bɔ ni Yehowa ekɛɛ Mose eto lɛ pɛpɛɛpɛ; ni Yoshua ja shikpɔŋ lɛ ehã Israel akutsei lɛ akɛ amɛnɔ koni amɛhi nɔ. Agbɛnɛ taitai lɛ asɛɛ fo, ni shikpɔŋ lɛ nɔ jɔ.

Yoshua 11:8

Yehowa jɔɔ henyɛlɔi lɛ anɔ ehã Israelbii lɛ, ni amɛye amɛnɔ kunim. Israelbii lɛ gbe amɛ, ni asaŋ amɛtiu amɛ kɛtee Sidon kɛ Misrefot Maim tɔ̃ɔ. Yɛ bokãgbɛ lɛ Israelbii lɛ tiu henyɛlɔi lɛ kɛyashɛ Mizpa Jɔɔ lɛ mli tɔ̃ɔ, ni amɛgbe amɛ kɛyashi eshwɛɛɛ gbɔmɔ hiɛkãalɔ kome nɛkɛ.

Yoshua 2:24

Amɛkɛɛ Yoshua akɛ, “Yehowa etu shikpɔŋ lɛ ewo wɔdɛŋ lɛɛlɛŋ. Shikpɔŋ lɛ nɔ bii lɛ ejijaa yɛ wɔhewɔ.”

Yoshua 22:4

Agbɛnɛ Yehowa, nyɛNyɔŋmɔ lɛ, ehã nyɛnyɛmimɛi lɛ ahe ejɔ amɛ tamɔ bɔ ni ewo amɛ shi lɛ. No hewɔ lɛ, agbɛnɛ nyɛkua nyɛsɛɛ ni nyɛyaa nyɛshikpɔŋ ni Yehowa tsulɔ Mose kɛhã nyɛ momo, yɛ Yordan lɛ bokãgbɛ, akɛ nyɛgbɛfaŋnɔ lɛ nɔ.

Yoshua 22:9

Kɛkɛ ni Rubenbii lɛ kɛ Gadbii lɛ kɛ Bokãgbɛ Manasebii lɛ akutsei lɛ ku amɛsɛɛ kɛtee amɛgbɛfaŋ shikpɔŋ ni ahã amɛ lɛ nɔ. Amɛkɛ amɛnyɛmimɛi Israelbii krokomɛi lɛ gbala mli yɛ Shilo, yɛ Kanaan shikpɔŋ lɛ nɔ, koni amɛya Gilead shikpɔŋ lɛ ni ji amɛgbɛfaŋ shikpɔŋ ni ahã amɛ yɛ Yehowa fãmɔ ni efã kɛtsɔ̃ Mose nɔ lɛ naa lɛ nɔ.

Yoshua 23:1

Be kplaŋŋ sɛɛ be ni Yoshua egbɔ kotokoto, ni Israelbii lɛ ahenyɛlɔi fɛɛ ni bɔle amɛ ekpa amɛnaagbamɔ lɛ,