Yoshua 21:27 - ŊMALƐ KRƆŊKRƆŊ LƐ

²⁷ Levibii lɛ ateŋ mɛi ni ji Gershon shwiei awekui lɛ aŋɔ̃ maji enyɔ kɛ amɛhe shikpɔji yɛ Bokãgbɛ Manasebii lɛ ashikpɔŋ lɛ mli, ni akɛhã amɛ. Maji nɛɛ ji Golan, gbɔmɔgbelɔ abobaa maŋ lɛ, ni yɔɔ Bashan lɛ, kɛ Beeshtera.

Ṅmãle̱ Kroṅkroṅ Le̱

²⁷ Ni Geršonbii ní dše̱ Levibii le̱ awekui le̱ amli le̱ ná gbomogbelo̱i obobā-maṅ *Golan ni yo̱ Bašan le̱ ke̱ ehe šikpõdši le̱, ke̱ Beeštera ke̱ ehe šikpõdši le̱, ye̱ Manase akutšo fã le̱ mli: mãdši enyo̱. *20,8.

Yoshua 21:27 ပူးပေါင်းရင်းမြစ်များ

1 Kronika 6:47

Shemer tsɛ ji Mali; Mali tsɛ ji Mushi; Mushi tsɛ ji Merari, ni Merari tsɛ ji Levi.

1 Kronika 6:71

Naa maji kɛ amɛhe jwɛifɔ shikpɔji ni akɛha Gershonbii awekui lɛ: Yɛ Bokãgbɛ Manasebii ashikpɔŋ lɛ nɔ lɛ akɛ Golan yɛ Bashan kɛ Ashtarot hã amɛ.

5 Mose 1:4

No mli lɛ Mose egbe Amorbii amaŋtsɛ Sihon, mɔ ni ye lumɔ yɛ Heshbon lɛ, kɛ Bashan maŋtsɛ Og, mɔ ni ye lumɔ yɛ Ashtarot kɛ Edrei lɛ momo.

5 Mose 4:43

Eŋɔ Bezor maŋ ni yɔɔ ŋa lɛ nɔ shikpɔŋ trɛnɛɛ lɛ nɔ lɛ, ni ekɛhã Rubenbii lɛ; ni eŋɔ Ramot yɛ Gilead ekɛhã Gadbii lɛ, ni eŋɔ Golan yɛ Bashan ekɛhã Manasebii lɛ.

Yoshua 20:8

Yɛ Yordan lɛ bokãgbɛ lɛ amɛkɔ Bezer ni kã Yeriko bokãgbɛ shiaŋa trɛnɛɛ lɛ nɔ lɛ yɛ Rubenbii lɛ akutso lɛ gbɛfaŋ nɔ lɛ mli. Amɛkɔ Ramot ni yɔɔ Gilead lɛ yɛ Gadbii anɔ mli; amɛkɔ Golan ni yɔɔ Bashan yɛ Manasebii anɔ mli.

Yoshua 21:26

No hewɔ lɛ, maji fɛɛ ni akɛhã Kohatbii lɛ awekui ni shwɛ lɛ fee nyɔŋma kɛ amɛhe shikpɔji.

Yoshua 21:28

Aŋɔ̃ maji ejwɛ hu kɛ amɛhe shikpɔji yɛ Isakarbii lɛ ashikpɔŋ lɛ mli, ni akɛhã Gershonbii lɛ. Maji nɛɛ ji Kishon kɛ Daberat,

Yoshua 21:6

Gershonbii lɛ na maji nyɔŋma kɛ etɛ̃ yɛ Isakarbii akutso lɛ kɛ Naftalibii akutso lɛ kɛ Bokãgbɛ Manasebii akutso lɛ ni yɔɔ Bashan lɛ agbɛfaŋ shikpɔji lɛ amli yɛ oshiki ni afɔ̃ naa.