Yoshua 20:9 - ŊMALƐ KRƆŊKRƆŊ LƐ

⁹ Ahala maji nɛɛ ato ahã Israelbii fɛɛ kɛ gbɔi hu ni ebato amɛ lɛ akɛ abobaa maji koni mɔ fɛɛ mɔ ni aaagbe mɔ ko ni jeee gbɛ eje lɛ, ajo foi kɛya eko mli eyaba abo, koni mɔ ni taoɔ lá he owele atɔ lɛ nine akashɛ mɔ ni egbe gbɔmɔ lɛ nɔ; asaŋ koni gbɔmɔgbelɔ nɛɛ ahi abobaahe lɛ kɛyashi beyinɔ ni aaatsɛ lɛ onukpai lɛ ahiɛ ni aaabote esane lɛ mli.

Ṅmãle̱ Kroṅkroṅ Le̱

⁹ Ene̱mei dši mãdši ni ahala ahã Israelbii le̱ fẽ ke̱ gbo̱ ní aabatoame̱ le̱, koni mofẽmo ní nine aakpa ye̱ moko no̱ le̱ adšo foi ke̱-ya dše̱i, ní lá he oweleto̱lo̱ le̱ akagbele̱ ke̱-yaši beyino̱ ni eeyadamo̱ asafo le̱ hĩe.

Yoshua 20:9 ပူးပေါင်းရင်းမြစ်များ

4 Mose 35:13

Maji ni nyɛbaahala nyɛkɛfee abobaa maji lɛ ayikulɛ afee ekpaa.

4 Mose 35:15

Nɛkɛ maji ekpaa nɛɛ atsɔ̃ abobaa maji ahã nyɛ Israelbii lɛ kɛ gbɔi ni ebato nyɛ kɛ mɛi ni ebadɔmɔ nyɛ kwraa hu fɛɛ, koni mɔ fɛɛ mɔ ni aaagbe mɔ ko be mli ni jeee gbɛ eje lɛ ajo foi kɛya jɛi eyaba abo.

Yoshua 20:4

Mɔ ni aaajo foi kɛaatee nɛkɛ maji nɛɛ eko mli lɛ, eyajaje esane lɛ etsɔ̃ɔ nakai maŋ lɛŋ onukpai lɛ yɛ maŋ agbo lɛ naa kojomɔhe lɛ. Maŋ lɛ mli onukpai lɛ amɔ emli kɛba maŋ lɛ mli, ni ahã lɛ shihilɛhe koni ekɛ amɛ ahi shi.

Yoshua 20:6

Abobalɔ lɛ ahi shi yɛ nakai abobaa maŋ lɛ mli kɛyashi beyinɔ ni aaatsɛ lɛ maŋ onukpai lɛ ahiɛ, ni aaaye esane lɛ, asaŋ kɛyashi beyinɔ hu ni osɔfonukpa ni yɔɔ be mli ni ebaba abo lɛ aaagbo. No sɛɛ dani gbɔmɔgbelɔ lɛ aaanyɛ aku esɛɛ aya ewe kɛ lɛ diɛŋtsɛ emaŋ he ni ejo foi kɛjɛ lɛ.”

Yoshua 20:8

Yɛ Yordan lɛ bokãgbɛ lɛ amɛkɔ Bezer ni kã Yeriko bokãgbɛ shiaŋa trɛnɛɛ lɛ nɔ lɛ yɛ Rubenbii lɛ akutso lɛ gbɛfaŋ nɔ lɛ mli. Amɛkɔ Ramot ni yɔɔ Gilead lɛ yɛ Gadbii anɔ mli; amɛkɔ Golan ni yɔɔ Bashan yɛ Manasebii anɔ mli.