Yoshua 20:8 - ŊMALƐ KRƆŊKRƆŊ LƐ

⁸ Yɛ Yordan lɛ bokãgbɛ lɛ amɛkɔ Bezer ni kã Yeriko bokãgbɛ shiaŋa trɛnɛɛ lɛ nɔ lɛ yɛ Rubenbii lɛ akutso lɛ gbɛfaŋ nɔ lɛ mli. Amɛkɔ Ramot ni yɔɔ Gilead lɛ yɛ Gadbii anɔ mli; amɛkɔ Golan ni yɔɔ Bashan yɛ Manasebii anɔ mli.

Ṅmãle̱ Kroṅkroṅ Le̱

⁸ Ni Iordan se̱ ye̱ Ieriko ṅe̱le̱no̱ ke̱-yaä bokãgbe̱ le̱ ame̱hala Bezer ye̱ šikpoṅ tre̱nē̱ le̱ no̱ ṅã le̱ no̱ ke̱-dše̱ Ruben akutšo le̱ mli, ke̱ Ramot ní yo̱ Gilead le̱ ke̱-dše̱ Gad akutšo le̱ mli, ke̱ Golan ni yo̱ Bašan le̱ ke̱-dše̱ Manase akutšo le̱ mli. 5 Mose 4,43.

Yoshua 20:8 ပူးပေါင်းရင်းမြစ်များ

1 Maŋtsɛmɛi 22:6

No hewɔ lɛ, Israel Maŋtsɛ Ahab bua gbalɔi lɛ anaa kɛkpe, amɛyi aaafee ohai ejwɛ, ni ebi amɛ akɛ, “Miya miyatua Ramot-Gilead lo, aloo mikaya?” Gbalɔi lɛ to he akɛ, “Yaa, ni Yehowa baatu maŋ lɛ ewo odɛ̃ŋ.”

2 Maŋtsɛmɛi 8:28

Maŋtsɛ Ahazia yafata Ahab bi Yoram he, ni amɛkɛ Siria Maŋtsɛ Hazael yawu yɛ Ramot-Gilead; ni Siriabii lɛ pila Yoram.

1 Kronika 6:78

Yɛ Rubenbii lɛ ashikpɔŋ lɛ nɔ yɛ Yordan Faa lɛ bokãgbɛ, asaŋ yɛ Yeriko sɛɛ lɛ, ahã amɛ Bezer, ni kã gɔji lɛ anɔ lɛ, kɛ Yaza,

1 Kronika 6:80

Ni yɛ Gadbii ashikpɔŋ lɛ nɔ lɛ ahã amɛ Ramot, ni yɔɔ Gilead lɛ, kɛ Mahanaim,

5 Mose 3:10

Wɔshɔ̃ Bashan Maŋtsɛ Og nɔyelihei lɛ fɛɛ: maji fɛɛ ni jwere gɔji ayiteŋ shikpɔŋ kplanaa lɛ nɔ lɛ, kɛ nii ni yɔɔ Gilead shikpɔŋ lɛ fɛɛ nɔ, kɛ Bashan shikpɔŋ lɛ kɛtee bokãgbɛ aahu kɛyanina maji ni ji Salka kɛ Edrei lɛ.”

5 Mose 4:43

Eŋɔ Bezor maŋ ni yɔɔ ŋa lɛ nɔ shikpɔŋ trɛnɛɛ lɛ nɔ lɛ, ni ekɛhã Rubenbii lɛ; ni eŋɔ Ramot yɛ Gilead ekɛhã Gadbii lɛ, ni eŋɔ Golan yɛ Bashan ekɛhã Manasebii lɛ.

Yoshua 20:7

No hewɔ lɛ, Israelbii lɛ hala maji ni agbɛii baa nɛɛ to akɛ abobaa maji: Kadesh yɛ Galilea yɛ Naftali gɔji lɛ anɔ, kɛ Shekem yɛ Efraim gɔji lɛ anɔ, kɛ Kiriat-Arba, ni ji Hebron, ni yɔɔ Yuda gɔji lɛ anɔ lɛ.

Yoshua 20:9

Ahala maji nɛɛ ato ahã Israelbii fɛɛ kɛ gbɔi hu ni ebato amɛ lɛ akɛ abobaa maji koni mɔ fɛɛ mɔ ni aaagbe mɔ ko ni jeee gbɛ eje lɛ, ajo foi kɛya eko mli eyaba abo, koni mɔ ni taoɔ lá he owele atɔ lɛ nine akashɛ mɔ ni egbe gbɔmɔ lɛ nɔ; asaŋ koni gbɔmɔgbelɔ nɛɛ ahi abobaahe lɛ kɛyashi beyinɔ ni aaatsɛ lɛ onukpai lɛ ahiɛ ni aaabote esane lɛ mli.

Yoshua 21:27

Levibii lɛ ateŋ mɛi ni ji Gershon shwiei awekui lɛ aŋɔ̃ maji enyɔ kɛ amɛhe shikpɔji yɛ Bokãgbɛ Manasebii lɛ ashikpɔŋ lɛ mli, ni akɛhã amɛ. Maji nɛɛ ji Golan, gbɔmɔgbelɔ abobaa maŋ lɛ, ni yɔɔ Bashan lɛ, kɛ Beeshtera.

Yoshua 21:36

Aŋɔ̃ Rubenbii akutso lɛ gbɛfaŋ shikpɔŋ lɛ nɔ maji ejwɛ hu kɛ amɛhe shikpɔji, ni akɛhã Meraribii lɛ. Maji lɛ ji Bezer kɛ Yahaz,

Yoshua 21:38

Ni kɛjɛ Gadbii akutso lɛ gbɛfaŋ shikpɔŋ lɛ nɔ lɛ ahã Meraribii lɛ maji ejwɛ ni agbɛii baa nɛɛ kɛ amɛhe shikpɔji: Ramot ni ji gbɔmɔgbelɔ abobaa maŋ ni yɔɔ Gilead lɛ kɛ Mahanaim,