Yoshua 2:9 - ŊMALƐ KRƆŊKRƆŊ LƐ

⁹ ni eyakɛɛ amɛ akɛ, “Mile akɛ Yehowa kɛ shikpɔŋ nɛɛ ehã nyɛ, ni nyɛhe ŋmiŋmi emɔmɔ wɔmaŋbii fɛɛ, ni shikpɔŋ lɛ nɔ bii fɛɛ ejijaa yɛ nyɛhewɔ;

Ṅmãle̱ Kroṅkroṅ Le̱

⁹ ni ekē̱ hĩĩ le̱ ake̱: Mile ake̱ Iehowa eṅõ šikpoṅ le̱ ehãnye, ni *nyehe ṅmiṅmi emõmo̱wo̱, ni šikpoṅ le̱ no̱ bii fẽ tšui mĩfã nyeno̱. *2 Mose 23,27.

Yoshua 2:9 ပူးပေါင်းရင်းမြစ်များ

1 Mose 35:5

Kɛkɛ ni amɛŋɔ shwie nɔ. Nyɔŋmɔ he ŋmiŋmi mɔmɔ maji fɛɛ ni bɔle amɛ lɛ, no hewɔ lɛ, amɛtiuuu Yakob webii lɛ.

2 Samuel 17:10

Kɛ eba lɛ nakai lɛ mɔ po ni eji kãkãlɔ, ni etsui wa tamɔ jata tsui lɛ, etsui baafã, ni ehe baajɔ, ejaakɛ Israel fɛɛ le akɛ otsɛ lɛ nuu kakabãa ji lɛ, ni hii ni fata ehe lɛ hu kãkãlɔi ni.

2 Maŋtsɛmɛi 5:15

Kɛkɛ ni Naaman ku esɛɛ eba Nyɔŋmɔ gbɔmɔ lɛ ŋɔɔ ekoŋŋ, lɛ kɛ emɛi ni nyiɛ esɛɛ lɛ fɛɛ. Eba ni ebadamɔ shi yɛ Elisha hiɛ, ni ekɛɛ lɛ akɛ, “Naa, kpaako mina mile akɛ shikpɔŋ lɛ nɔ fɛɛ lɛ, nyɔŋmɔ ko nyɔŋmɔ ko bɛ ni tamɔ Israel Nyɔŋmɔ lɛ; no hewɔ lɛ, ofainɛ ni ohe otsulɔ dɛŋ nikeenii ko.”

2 Maŋtsɛmɛi 7:6

Ejaakɛ Nuŋtsɔ lɛ hã Siriabii lɛ nu shwiilii kɛ okpɔŋɔi anane shi gbɛɛmɔi kɛ ta babaoo he; ni amɛkɛɛkɛɛ amɛhe akɛ, “Israel maŋtsɛ lɛ eyabɔ Hitbii kɛ Ijiptbii amaŋtsɛmɛi lɛ apaa koni amɛkɛ wɔ abawu.”

Nehemia 6:16

Be ni wɔhenyɛlɔi lɛ fɛɛ nu lɛ, jeŋmaji ni bɔle wɔ lɛ fɛɛ she gbeyei, ni amɛhiɛ gboi wo amɛyitseiaŋ, ejaakɛ amɛyoo akɛ, nitsumɔ lɛ, Nyɔŋmɔ yelikɛbuamɔ naa ni anyɛ atsu.

Ester 8:17

Anɔkwa shikpɔŋ fɛɛ shikpɔŋ kɛ maŋ fɛɛ maŋ nɔ ni Maŋtsɛ Ahashwerosh shɛɛ kɛ akpɔ lɛ yashɛ lɛ, jɛi Yudafoi lɛ na miishɛɛ, ni amɛnya, ni amɛŋmɛŋmɛɛ okplɔ̃, ni amɛyeyee gbii juji. Shikpɔji anɔ bii lɛ ateŋ mɛi babaoo tsɔ̃mɔ amɛhe Yudafoi tete, ejaakɛ Yudafoi lɛ ahe ŋmiŋmi emɔmɔ amɛ.

Hiob 19:25

Ejaakɛ mile akɛ, mikpɔlɔ lɛ hiɛ kã, ni naagbee mli lɛ eeedamɔ misɛɛ;

Lalai 112:10

Mɛi fɔ̃ji naa enɛ, ni amɛmli woɔ la, amɛkpeɔ amɛnyanyɔji ashishi, ni amɛlaajeɔ; mɛi fɔ̃ji ataomɔnii fɛɛ feɔ yaka.

Lalai 115:16

Ŋwɛi lɛ, Yehowa ŋwɛi ni; shi shikpɔŋ lɛ, eŋɔ ehã gbɔmɛi abii.

2 Mose 18:11

Kpaako mina mile akɛ Yehowa fe nyɔŋmɔi fɛɛ ejaakɛ eto Ijiptbii lɛ kpa, akɛni amɛwo amɛhe amɛhã Israelbii lɛ, ni Yehowa ba amɛ shi.”

2 Mose 23:27

“Mahã miheŋmiŋmi atsɔ̃ nyɛhiɛ amɔmɔ maji lɛ fɛɛ dani nyɛaayanina amɛ, ni maŋ fɛɛ maŋ nɔ ni nyɛaashɛ lɛ aaajija yɛ nyɛhiɛ.

Jajelɔ 8:12

Yɛ mli akɛ eshafeelɔ feɔ esha shii oha, ni ewala sɛɛ tsɛɔ moŋ nɛ, kɛ̃lɛ mile akɛ mɛi fɛɛ ni sheɔ Nyɔŋmɔ gbeyei lɛ ebaahi ehã amɛ, ejaakɛ amɛsheɔ Nyɔŋmɔ gbeyei;

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Yesaia 23:5

Kɛji sane lɛ yashɛ Ijipt lɛ, jɛibii baahao yɛ Tiro sane ni abagba lɛ hewɔ.

Yeremia 27:5

“Mi, Yehowa, mi mibɔ je lɛ kɛ gbɔmɛi kɛ kooloi bluublu ni yɔɔ shikpɔŋ lɛ nɔ yɛ mihewalɛ kpeteŋkple kɛ minineshiwalɛ naa; ni mikɛhãa mɔ ni misumɔɔ.

Nahum 2:10

Akpãtã Nineve hiɛ, afee lɛ butuu etsɔ̃ amaŋfɔ̃! Gbeyei emɔmɔ tsuii, nakutsei miikpokpo hewalɛ etã yɛ mɛi amli, ni hiɛiaŋ fɛɛ eshale.

4 Mose 20:14

Ni Mose tsu bɔfoi kɛjɛ Kadesh kɛtee Edom maŋtsɛ lɛ ŋɔɔ ni ayakɛɛ lɛ akɛ, “Bɔ ni onyɛmimɛi Israelbii kɛɛ nɛ: Bo diɛŋtsɛ ole, amanehului fɛɛ ni wɔna:

4 Mose 20:24

“Aaron naji enyɔ yiŋ shikpɔŋ lɛ ni mikɛhã Israelbii lɛ nɔ; ebaagbo ejaakɛ nyɛbooo mi toi be ni nyɛyɔɔ Meriba lɛ.

Mateo 20:15

Aloo mibɛ hegbɛ akɛ mikɛ mi diɛŋtsɛ minii feɔ nɔ ni misumɔɔ? Ani mimlihilɛ lɛ hewɔ ohiŋmɛi etsu nɛɛ?’

5 Mose 11:25

Yehowa, nyɛNyɔŋmɔ lɛ, baahã nyɛhe ŋmiŋmi kɛ nyɛhe gbeyei amɔmɔ shikpɔŋ fɛɛ shikpɔŋ ni nyɛaayashɛ nɔ lɛ nɔ bii, ni mɔ ko mɔ ko nyɛŋ nyɛhiɛ adamɔ tamɔ bɔ ni ewo nyɛ shi lɛ.

5 Mose 2:25

Kɛjɛ ŋmɛnɛ gbi nɛɛ nɔ lɛ, mahã nyɛhe ŋmiŋmi kɛ gbeyei amɔmɔ mɛi fɛɛ ni yɔɔ jeŋ fɛɛ; amɛaanu nyɛhe, amɛtsui aaafã, ni amɛhe aaakpokpo kɛji atsi nyɛtã.

5 Mose 28:10

No lɛ shikpɔŋ lɛ nɔ maji lɛ fɛɛ aaana akɛ Yehowa kɛ egbɛi ewo bo akɛ lɛ diɛŋtsɛ emaŋ, ni amɛbaashe bo gbeyei.

5 Mose 32:8

Be ni Ŋwɛinyo lɛ ja shikpɔŋ lɛ ekɛhã jeŋ majimaji lɛ, ni egbala adesai abii amli lɛ, ejie maji lɛ ahusui eshwie shi faŋŋ, yɛ Nyɔŋmɔ webii lɛ ayibɔ naa.

Hebribii 11:31

Hemɔkɛyeli hewɔ Rahab, ajwamãŋ lɛ, pleneee efataaa mɛi ni heee yeee lɛ ahe lɛ, ejaakɛ ehere saralɔi lɛ kɛ hejɔlɛ.

Yoshua 2:11

Amrɔ nɔŋŋ ni wɔnu saji nɛɛ lɛ, wɔtsui fã, ni shi ofɔ̃ shi nuu fɛɛ nuu nɔ yɛ nyɛhewɔ, ejaakɛ Yehowa, nyɛNyɔŋmɔ lɛ, lɛ ji ŋwɛi ni yɔɔ shɔŋŋ lɛ kɛ shikpɔŋ ni yɔɔ ŋwɛi shishi lɛ nɔ Nyɔŋmɔ.

Yoshua 2:24

Amɛkɛɛ Yoshua akɛ, “Yehowa etu shikpɔŋ lɛ ewo wɔdɛŋ lɛɛlɛŋ. Shikpɔŋ lɛ nɔ bii lɛ ejijaa yɛ wɔhewɔ.”

Yoshua 2:8

Rahab gbɔi enyɔ lɛ nako amɛkamɔ shi, ni etee amɛŋɔ̃ɔ yɛ tsu lɛ yiteŋ,

Yoshua 5:1

Be ni Amorbii amaŋtsɛmɛi fɛɛ ni yɔɔ Yordan sɛɛ yɛ anaigbɛ lɛ kɛ Kanaanbii amaŋtsɛmɛi fɛɛ ni yɔɔ ŋshɔnaa lɛ nu akɛ Yehowa hã Yordan lɛ mli nu lɛ gbi kɛyashi Israelbii lɛ fo faa lɛ tã lɛ, amɛtsui fã, ni mɔ fɛɛ mɔ mli ekãa laaje yɛ Israelbii lɛ ahewɔ.

Yoshua 6:2

Kɛkɛ ni Yehowa kɛɛ Yoshua akɛ, “Naa, mibahã oye Yeriko kɛ emaŋtsɛ lɛ kɛ ehii kãkãlɔi lɛ anɔ kunim.

Yoshua 9:10

kɛ nɔ ni efee Amorbii amaŋtsɛmɛi enyɔ ni yɔɔ Yordan lɛ bokãgbɛ lɛ, ni ji Heshbon maŋtsɛ Sihon kɛ Bashan maŋtsɛ Og, ni hi Ashtarot lɛ.

Yoshua 9:24

Gibeonbii lɛ to he amɛhã Yoshua akɛ, “Agba otsuji bɔ ni Yehowa, oNyɔŋmɔ lɛ, wo etsulɔ Mose shi akɛ ekɛ shikpɔŋ muu lɛ fɛɛ baahã nyɛ, ni ebaakpãtã shikpɔŋ lɛ nɔ bii lɛ fɛɛ ahiɛ ehã nyɛ. Sane nɛɛ hã wɔshe gbeyei; ni no hã wɔye nɛkɛ sane nɛɛ.

Yoshua 9:9

Amɛ jie Yoshua naa akɛ, “Maŋsɛɛ shɔŋŋ otsuji jɛ baa nɛɛ yɛ Yehowa, nyɛNyɔŋmɔ lɛ, hewɔ. Wɔnu ehe sane, ni ji nibii fɛɛ ni efee yɛ Ijipt lɛ,

Kojolɔi 7:14

Enaanyo lɛ to he hã lɛ akɛ, “Enɛ lɛ jeee nɔ ko nɔ ko ni, Yoash, Israelnyo lɛ, bi Gideon lɛ klante lɛ ni. Nyɔŋmɔ eto akɛ Gideon aye Midian ta lɛ fɛɛ nɔ kunim.”