Yoshua 2:6 - ŊMALƐ KRƆŊKRƆŊ LƐ

⁶ Shi no mli lɛ Rahab eŋɔ̃ egbɔi lɛ eyatee yɛ gblɔ́ ni akɛ feɔ kpãa ni eka yɛ etsu lɛ yiteŋ lɛ shishi.

Ṅmãle̱ Kroṅkroṅ Le̱

⁶ Ši eṅõame̱ ke̱-te tšũ le̱ yiteṅ, ni eke̱ame̱ eyatē ye̱ gblo̱ ni eka ye̱ tšũ le̱ yiteṅ le̱ šiši.

Yoshua 2:6 ပူးပေါင်းရင်းမြစ်များ

2 Samuel 11:2

Gbi ko gbɛkɛnaashi blɛoo mli lɛ, David ete shi kɛjɛ wɔ mli, ni eeshara shi yɛ maŋtsɛ we lɛ tsu lɛ yiteŋ, ni ejɛ jɛi ni ena yoo ko ni miiju ehe. Kɛji okwɛ yoo nɛɛ lɛ ehe yɛ fɛo jogbaŋŋ naakpa.

2 Samuel 17:19

Nuu lɛ ŋa kɔ mama, ni ekɛha bu lɛ naa, kɛkɛ ni egbɛ ŋmaa mli eka mama lɛ nɔ, ni no hewɔ lɛ, akɔɔɔ sɛɛ.

1 Maŋtsɛmɛi 18:13

Ani agbako minuŋtsɔ nɔ ni mifee be ni Yezebel gbe Yehowa gbalɔi lɛ, bɔ ni miŋɔ gbalɔi oha mitee tɛkploi amli, nyɔŋmai enumɔenumɔ, ni milɛ amɛ kɛ aboloo kɛ nu lɛ?

1 Maŋtsɛmɛi 18:4

ejaakɛ be ni Yezebel kpãtãa gbalɔi lɛ ahiɛ lɛ, Obadia ŋɔ gbalɔi oha, ni ekɛ amɛ tee tɛkploi enyɔ amli, mɛi nyɔŋmai enumɔenumɔ, ni ekɛ aboloo kɛ nu lɛ amɛ.

2 Maŋtsɛmɛi 11:2

Shi Ahazia bi Yoash pɛ ji mɔ ni he je mli. Kulɛ abaagbe lɛ hu kɛ mɛi krokomɛi lɛ, shi moŋ enyɛkwɛ̃ ni ji Yehosheba, ni ji maŋtsɛ Yehoram biyoo kɛ Ahazia nyɛmiyoo lɛ, here eyiwala. Yehosheba ju shi, ni emɔ Yoash kɛ efufɔhãlɔ lɛ, ni ekɛ amɛ yatee sɛɛtsu ko mli yɛ Sɔlemɔ we lɛ koni Atalia akana lɛ ni egbe lɛ.

2 Mose 2:2

Yoo lɛ na musu, ni efɔ binuu. Ena akɛ abifao lɛ he yɛ fɛo, hewɔ lɛ ekɛ lɛ tee nyɔji etɛ̃.

Yeremia 36:26

Shi moŋ maŋtsɛ lɛ fã Yerameel, maŋtsɛ binuu lɛ, kɛ Seraia, Azriel bi lɛ, kɛ Shelemia, Abdeel bi lɛ, akɛ amɛyamɔ Gbalɔ Yeremia kɛ woloŋmalɔ Baruk kɛba; shi Yehowa kɛ amɛ to.

Mateo 24:17

mɔ ni yɔɔ tsu yiteŋ lɛ, ekakpeleke shi eyakɔ nɔ ko kɛjɛ eshĩa;

5 Mose 22:8

“Kɛji oma tsu hee lɛ, foo afabaŋ okɛbɔle tsu lɛ yiteŋ naabu fɔfɔoo lɛ, koni mɔ ko akaje tsu lɛ yiteŋ ebagbee shi ni obaye elá yi sɔ̃.

Kolosebii 3:3

Ejaakɛ nyɛgboi, ni akɛ nyɛwala lɛ kɛ Kristo etee yɛ Nyɔŋmɔ mli.

Hebribii 11:23

Hemɔkɛyeli Mose fɔlɔi lɛ kɛŋɔ lɛ tee nyɔji etɛ̃ be ni afɔ lɛ lɛ, ejaakɛ amɛna akɛ gbekɛ lɛ he yɛ fɛo, ni amɛsheee maŋtsɛ lɛ akpɔ lɛ gbeyei.

Yakobo 2:25

Nakai nɔŋŋ Rahab, ajwamãŋ lɛ hu, ani jeee nitsumɔi amli ajɛ abu lɛ bem be ni ehere bɔfoi lɛ atuu ni ejie amɛ gbɛ kɛtsɔ gbɛ kroko nɔ lɛ?

Yoshua 2:5

Be ni je na ni abaaŋã maŋ agbo lɛ, kɛkɛ ni hii lɛ je kpo; shi moŋ mileee he ni amɛtee; nyɛtiua amɛ mramra, ni nyɛbaanina amɛ.”

Yoshua 2:7

No hewɔ lɛ, maŋtsɛ lɛ tsuji lɛ tiu hii lɛ kɛtsɔ̃ Yordan Faa lɛ naagbɛ kɛtee faafoohe lɛ tɔ̃ɔ. Amrɔ ni maŋtsɛ lɛ tsuji lɛ je kpo pɛ, ni aŋã maŋ lɛ agbo lɛ.

Yoshua 2:8

Rahab gbɔi enyɔ lɛ nako amɛkamɔ shi, ni etee amɛŋɔ̃ɔ yɛ tsu lɛ yiteŋ,

Yoshua 6:25

Yoshua here Rahab, yoo ajwamãŋ lɛ, kɛ etsɛ we lɛ kɛ emɛi fɛɛ ayiwala, ni Rahab yahi Israelbii ateŋ kɛbashi ŋmɛnɛ; ejaakɛ lɛ ji mɔ ni kɛ bɔfoi ni Yoshua tsu, ni amɛyasara Yeriko lɛ tee.