Yoshua 2:4 - ŊMALƐ KRƆŊKRƆŊ LƐ

⁴ Shi Rahab kɛ hii enyɔ lɛ tee, ni ekɛɛ bɔfoi ni atsu lɛ akɛ, “Eji anɔkwale akɛ hii komɛi ba miŋɔɔ; shi mileee he ni amɛjɛ.

Ṅmãle̱ Kroṅkroṅ Le̱

⁴ Ni yō le̱ ṅõ hĩĩ enyo̱ le̱ ni eke̱ame̱ yatē, ni ekē̱: Ye̱ṅ, hĩĩ le̱ ba miṅõ, ši mileo heni ame̱dše̱.

Yoshua 2:4 ပူးပေါင်းရင်းမြစ်များ

2 Maŋtsɛmɛi 6:19

Kɛkɛ ni Elisha tee amɛŋɔɔ ni ekɛɛ amɛ akɛ, “Jeee gbɛ lɛ nɛ, ni jeee maŋ ni nyɛtaoɔ lɛ hu nɛ. Nyɛnyiɛa misɛɛ, ni mikɛ nyɛ baaya nuu lɛ ni nyɛtaoɔ lɛ ŋɔɔ.” Ni ekɛ amɛ tee Samaria tɔ̃ɔ.

2 Mose 1:19

Yoofɔlɔi lɛ kɛɛ Farao akɛ, “Ejaakɛ Hebriyei lɛ tamɔɔɔ Ijipt yei lɛ; amɛ lɛ amɛyɛ kamkam bɔ ni be ni yoofɔlɔ lɛ kɛɛ eshɛɔ amɛŋɔɔ lɛ amɛfɔ momo.”

Yakobo 2:25

Nakai nɔŋŋ Rahab, ajwamãŋ lɛ hu, ani jeee nitsumɔi amli ajɛ abu lɛ bem be ni ehere bɔfoi lɛ atuu ni ejie amɛ gbɛ kɛtsɔ gbɛ kroko nɔ lɛ?

Yoshua 2:3

Kɛkɛ ni Yeriko maŋtsɛ lɛ tsu kɛtee Rahab ŋɔɔ ayakɛɛ lɛ akɛ, “Jiemɔ hii lɛ ni ba oŋɔɔ ni amɛbato owe lɛ kɛba, ejaakɛ amɛba koni amɛbasara shikpɔŋ lɛ fɛɛ.”

Yoshua 2:5

Be ni je na ni abaaŋã maŋ agbo lɛ, kɛkɛ ni hii lɛ je kpo; shi moŋ mileee he ni amɛtee; nyɛtiua amɛ mramra, ni nyɛbaanina amɛ.”

Yoshua 6:17

Maŋ lɛ kɛ nɔ fɛɛ nɔ ni yɔɔ mli lɛ, akpãtã hiɛ ahã Yehowa, ja Rahab, yoo ajwamãŋ lɛ, kɛ mɔ fɛɛ mɔ ni yɔɔ eŋɔ̃ɔ yɛ ewe lɛ; amɛ kɛkɛ yi abaa, ejaakɛ Rahab ji mɔ ni kɛ bɔfoi lɛ ni wɔtsu lɛ tee.

Yoshua 6:25

Yoshua here Rahab, yoo ajwamãŋ lɛ, kɛ etsɛ we lɛ kɛ emɛi fɛɛ ayiwala, ni Rahab yahi Israelbii ateŋ kɛbashi ŋmɛnɛ; ejaakɛ lɛ ji mɔ ni kɛ bɔfoi ni Yoshua tsu, ni amɛyasara Yeriko lɛ tee.