Yoshua 2:14 - ŊMALƐ KRƆŊKRƆŊ LƐ

¹⁴ Hii lɛ wo Rahab shi amɛkɛɛ, “Wɔwala lɛ owala ni. Kɛji nyɛjieee wɔ shi lɛ, no lɛ kɛji Yehowa kɛ shikpɔŋ lɛ hã wɔ lɛ, wɔkɛ bo aaaye yɛ mɔbɔnalɛ kɛ anɔkwale naa.”

Ṅmãle̱ Kroṅkroṅ Le̱

¹⁴ Ni hĩĩ le̱ kē̱ yō le̱ ake̱: Ke̱dši nyeyadšieewo̱ ši le̱, no le̱ wo̱ke̱ wo̱wala aatšake nyenõ; ni aaba mli ake̱, ké̱ Iehowa ṅõ šikpoṅ le̱ ehãwo̱ le̱, we̱ke̱o aaye ye̱ mo̱bo̱nale̱ ke̱ ano̱kwale nā!

Yoshua 2:14 ပူးပေါင်းရင်းမြစ်များ

1 Mose 24:49

Agbɛnɛ kɛji nyɛkɛ minuŋtsɔ aaaye yɛ mlihilɛ kɛ anɔkwayeli naa lɛ, no lɛ nyɛkɛa mi ni kɛjeee nakai hu, nyɛkɛa mi, koni male bɔ ni mafee.”

1 Mose 47:29

Be ni Yakob gbele be eshɛ etã lɛ, etsɛ ebi Yosef ni ekɛɛ lɛ akɛ, “Kɛ oyɛ mihe tsuijurɔ lɛ, okɛ onine abahɔ milagbaateŋ ni owo mi shi akɛ obaaye mi anɔkwa. Kaafu mi yɛ Ijipt.

2 Samuel 2:5

David tsu bɔfoi kɛtee Yabesh-Gileadbii lɛ aŋɔɔ, ni ayakɛɛ amɛ akɛ, “Yehowa ajɔɔ nyɛ akɛ nyɛfu nyɛnuŋtsɔ Saul nyɛkɛfee lɛ ejurɔ nɛkɛ.

2 Samuel 2:6

Yehowa asumɔ nyɛ kɛ suɔmɔ ni bɛ naagbee, ni eye nyɛ anɔkwa; ni mi hu mafee nyɛ ejurɔ mato najiaŋ yɛ nɔ ni nyɛfee nɛɛ hewɔ.

2 Samuel 9:1

Gbi ko lɛ David bi akɛ, “Ani Saul shwie ko kwraa yɛ jeŋ lolo lo? Masumɔ akɛ mafee mɔ lɛ ejurɔ yɛ Yonatan hewɔ.”

1 Maŋtsɛmɛi 20:39

Be ni Maŋtsɛ Ahab hoɔ lɛ, gbalɔ lɛ bo etsɛ lɛ, ni ekɛɛ lɛ akɛ, “Otsulɔ tee ta lɛ eko. Ta lɛ mli lɛ tabilɔ ko kɛ henyɛlɔ ko ni emɔ bahã mi shitoo, ni ekɛɛ mi akɛ, ‘Okɛ gbɔmɔ nɛɛ ato. Kɛji ejo foi lɛ, no lɛ okɛ owala baatse, aloo obaawo eyi nyɔmɔ jwiɛtɛi talenta kome.’

Abe̱i 14:22

Mɔ ni tsɔ̃ɔ ŋaa fɔŋ lɛ ani jeee tɔ̃ etɔ̃ɔ lɛ lo? Shi mɔ ni toɔ ŋaa kpakpa lɛ, afiɔ esɛɛ, ni ayeɔ lɛ anɔkwa.

Abe̱i 18:24

Nanemɛi komɛi yɛ ni amɛfeɔ amɛnii oookɛɛ nanemɛi ji amɛ; shi naanyo krɔŋŋ lɛ ekpɛtɛɔ mɔ gbãgbãlii fe nyɛmi tete.

Mateo 5:7

“Ajɔɔ mɛi ni naa mɔbɔ; shi aaana amɛ mɔbɔ.”

Bɔfoi 23:22

Kɛkɛ ni asafoiatsɛnukpa lɛ wo oblanyo lɛ gbɛ, ni ewo lɛ akpɔ akɛ, “Kaakɛɛ mɔ ko mɔ ko akɛ otsi sane nɛɛ tã otsɔ̃ɔ mi.”

Yoshua 2:13

ni nyɛbaahere mitsɛ kɛ minyɛ kɛ minyɛmimɛi hii kɛ minyɛmimɛi yei kɛ nii fɛɛ ni amɛyɔɔ lɛ ayiwala koni nyɛjie wɔ kɛje gbele mli.”

Yoshua 2:15

Kɛkɛ ni Rahab shiu hii lɛ kɛ taŋkpee kɛtsɔ̃ samflɛ mli kɛyimɔ shi, ejaakɛ Rahab shĩa lɛ ama akpɛtɛ maŋ lɛ gbogbo lɛ, ni jɛi Rahab yɔɔ.

Yoshua 6:17

Maŋ lɛ kɛ nɔ fɛɛ nɔ ni yɔɔ mli lɛ, akpãtã hiɛ ahã Yehowa, ja Rahab, yoo ajwamãŋ lɛ, kɛ mɔ fɛɛ mɔ ni yɔɔ eŋɔ̃ɔ yɛ ewe lɛ; amɛ kɛkɛ yi abaa, ejaakɛ Rahab ji mɔ ni kɛ bɔfoi lɛ ni wɔtsu lɛ tee.

Yoshua 6:22

Yoshua kɛɛ hii enyɔ lɛ ni etsu kɛtee amɛyasara shikpɔŋ lɛ nɔ lɛ akɛ, “Nyɛyaa yoo ajwamãŋ lɛ shĩa lɛ koni nyɛyaŋɔa lɛ kɛ ehe gbɔmɛi fɛɛ ni yɔɔ eŋɔ̃ɔ kɛjea kpo tamɔ bɔ ni nyɛkã lɛ kitã lɛ.”

Yoshua 6:25

Yoshua here Rahab, yoo ajwamãŋ lɛ, kɛ etsɛ we lɛ kɛ emɛi fɛɛ ayiwala, ni Rahab yahi Israelbii ateŋ kɛbashi ŋmɛnɛ; ejaakɛ lɛ ji mɔ ni kɛ bɔfoi ni Yoshua tsu, ni amɛyasara Yeriko lɛ tee.

1 Samuel 20:8

No hewɔ lɛ, feemɔ mi ejurɔ nɛɛ, yɛ kpãŋmɔ krɔŋkrɔŋ ni okɛ mi ekpãŋ lɛ hewɔ. Kɛji miyeɔ fɔ lɛ, bo diɛŋtsɛ gbee mi; ejaakɛ mɛɛ hewɔ ni okɛ mi aaayahã otsɛ?”