Yoshua 18:6 - ŊMALƐ KRƆŊKRƆŊ LƐ

⁶ Nyɛjaraa shikpɔŋ tso muu lɛ mli kpawo koni nyɛŋma bɔ ni husui lɛ ashikamɔ yɔɔ hãa nyɛkɛbahãa mi yɛ biɛ, koni mafɔ̃ oshiki mabi Yehowa nii mahã nyɛ bɔ ni sa akɛ akɔlɔ shikpɔji lɛ ahã.

Ṅmãle̱ Kroṅkroṅ Le̱

⁶ Ši nye le̱ nyeṅmãa šikpoṅ le̱ he sane ke̱ emlidšāi kpawo, ni nyeke̱-baä miṅõ ye̱ bie̱, koni mafõ ošiki mahãnye ye̱ bie̱ ye̱ Iehowa, wo̱-Nyoṅmo̱ le̱, hĩe.

Yoshua 18:6 ပူးပေါင်းရင်းမြစ်များ

Lalai 105:11

Ekɛɛ akɛ, “Bo maŋɔ Kanaan shikpɔŋ lɛ mahã akɛ nyɛgbɛfaŋnɔ kɛ gboshinii.”

Abe̱i 16:33

Afɔ̃ɔ oshiki kɛtaoɔ nii anaa; shi bɔ ni eeetamɔ lɛ, Yehowa ji mɔ ni tsɔ̃ɔ.

Abe̱i 18:18

Oshikifɔ̃ɔ hãa bei sɛɛ foɔ, ni ebuɔ atɛŋ ehãa kãkãlɔi ni peleɔ nɔ ko he.

4 Mose 33:54

Nyɛfɔa oshiki koni nyɛkɛja shikpɔŋ lɛ nyɛhã nyɛkutsei lɛ. Akutso ni yi fa lɛ, ena shikpɔŋ agbo; ni akutso ni yi faaa lɛ ena shikpɔŋ fioo. Bɔ ni oshiki lɛ baagbee shi ehã lɛ, nakai naa aja shikpɔŋ lɛ ahã akutso fɛɛ akutso.

4 Mose 34:13

Kɛkɛ ni Mose kɛɛ Israelbii lɛ akɛ, “Shikpɔŋ ni nyɛbaafɔ̃ oshiki kɛja nyɛhã nyɛhe lɛ nɛ, ni ji shikpɔŋ ni Yehowa wo he shi akɛ ekɛbaahã akutsei nɛɛhu kɛ fã lɛ.

Bɔfoi 13:19

ni ekpãtã jeŋmaji kpawo ahiɛ yɛ Kanaan shikpɔŋ lɛ nɔ, ni eja amɛshikpɔŋ lɛ ehã amɛ akɛ amɛnɔ.

Yoshua 14:2

Oshiki ji nɔ ni afɔ̃ akɛja akutsei nɛɛhu kɛ fã lɛ agbɛfaŋnii lɛ ahã amɛ tamɔ bɔ ni Yehowa tsɔ̃ Mose nɔ ewo amɛ ehe kitã lɛ.

Yoshua 18:10

ni Yoshua fɔ̃ oshiki ni ekɛja shikpɔŋ lɛ eha amɛ, akutso fɛɛ akutso na egbɛfaŋnɔ.

Yoshua 18:7

Shi Levibii ni yɔɔ nyɛteŋ lɛ, amɛ lɛ amɛnaŋ shikpɔŋ lɛ eko, ejaakɛ amɛ lɛ amɛgbɛfaŋnɔ ji osɔfoyeli kɛhã Yehowa. Gad akutso lɛ kɛ Ruben akutso lɛ kɛ Manasebii ni yɔɔ bokãgbɛ lɛ, amɛna amɛgbɛfaŋnɔ momo yɛ Yordan lɛ sɛɛ, yɛ bokãgbɛ, he ni Yehowa tsulɔ Mose kɛhã amɛ lɛ.”

Yoshua 18:8

Dani hii ni afamɔ koni amɛyaŋma shikpɔŋ lɛ he sane kɛba lɛ yi mli amɛtee lɛ, Yoshua kɛɛ amɛ akɛ, “Nyɛyaa koni nyɛyakpaa shikpɔŋ lɛ nɔ koni nyɛŋma ehe sane, ni nyɛkɛku nyɛsɛɛ kɛba miŋɔ̃ɔ, ni no sɛɛ lɛ mafɔ̃ oshiki mabi Yehowa nii yɛ nyɛhewɔ yɛ Shilo nɛɛ.”