Yoshua 18:4 - ŊMALƐ KRƆŊKRƆŊ LƐ

⁴ Akutso fɛɛ akutso afamɔ hii etɛ̃ koni matsu amɛ koni amɛyakpa shikpɔŋ tso muu lɛ fɛɛ nɔ koni amɛmɔmɔ shikpɔji ni amɛaasumɔ akɛ akɛhã amɛkutsei lɛ, ni amɛŋma bɔ ni shikpɔji lɛ yɔɔ amɛkɛbahã mi.

Ṅmãle̱ Kroṅkroṅ Le̱

⁴ Nyefãmo̱a mei etẽ nyehãa nyehe ye̱ akutšo-fẽ-akutšo mli, koni matšūame̱, ní ame̱te ši ní ame̱yakpa šikpoṅ le̱ no̱, ni ame̱ṅmã bo̱ni eyo̱ ke̱ bo̱ni aaše̱ame̱, ni ame̱kũ ame̱se̱ ke̱-ba miṅõ.

Yoshua 18:4 ပူးပေါင်းရင်းမြစ်များ

Mika 2:5

No hewɔ lɛ, kɛ be shɛ, ni akɛ shikpɔŋ lɛ miiku sɛɛ ahã Yehowa bii lɛ, kɛji afɔ̃ oshiki lɛ, nyɛteŋ mɔ ko naŋ eko.

4 Mose 1:4

Akutso fɛɛ akutso mli nuu kome ni ji onukpa yɛ etsɛmɛi awe afata nyɛhe.”

4 Mose 13:2

“Tsu hii koni amɛyasara Kanaan shikpɔŋ lɛ nigii, shikpɔŋ ni mikɛbaahã Israelbii lɛ. Akutso fɛɛ akutso mli lɛ tsu mɔ kome ni eji onukpa yɛ amɛteŋ.”

Yoshua 18:3

Kɛkɛ ni Yoshua kɛɛ Israelbii lɛ akɛ, “Mɛɛ beyinɔ nɔŋŋ nyɛaashashao shi kɛyashi dani nyɛ nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhã nyɛ lɛ?

Yoshua 18:5

Abaagbala shikpɔŋ tso muu lɛ mli kpawo. Yudabii lɛ baaya nɔ koni amɛhi shikpɔŋ ni ahã amɛ momo sa lɛ nɔ yɛ wuoyigbɛ lɛ; ni Yosef shwiei lɛ hu baaya nɔ amɛhi amɛnɔ lɛ nɔ yɛ kooyigbɛ lɛ.

Yoshua 18:6

Nyɛjaraa shikpɔŋ tso muu lɛ mli kpawo koni nyɛŋma bɔ ni husui lɛ ashikamɔ yɔɔ hãa nyɛkɛbahãa mi yɛ biɛ, koni mafɔ̃ oshiki mabi Yehowa nii mahã nyɛ bɔ ni sa akɛ akɔlɔ shikpɔji lɛ ahã.

Yoshua 18:9

Kɛkɛ ni hii lɛ yi mli amɛtee, ni amɛyakpa shikpɔŋ tso muu lɛ fɛɛ nɔ, ni amɛŋma amɛwo wolo mli bɔ ni amɛjara shikpɔŋ lɛ mli kpawo lɛ amɛhã yɛ maji ni jwere shikpɔŋ lɛ nɔ lɛ anaa, ni amɛku amɛsɛɛ kɛba Yoshua ŋɔɔ yɛ Israelbii lɛ ashitoohe lɛ yɛ Shilo,

Yoshua 3:12

No hewɔ lɛ, nyɛhalaa hii nyɔŋma kɛ enyɔ kɛjɛa Israel akutsei lɛ amli, no ji akutso fɛɛ akutso ahã nuu kome.

Yoshua 4:2

“Halamɔ hii nyɔŋma kɛ enyɔ kɛjɛ maŋbii lɛ ateŋ, akutso fɛɛ akutso lɛ nuu kome,