Yoshua 18:28 - ŊMALƐ KRƆŊKRƆŊ LƐ

²⁸ kɛ Zela kɛ Elef kɛ Yebus, ni ji Yerusalɛm, kɛ Gibea kɛ Kiriat-Yearim. Maji fɛɛ ni Benyaminbii lɛ na ji maji nyɔŋma kɛ ejwɛ kɛ amɛhe akrowai. Enɛ ji Benyaminbii lɛ agbɛfaŋnɔ ni ahã amɛ yɛ amɛwekui lɛ anaa lɛ.

Ṅmãle̱ Kroṅkroṅ Le̱

²⁸ ke̱ Zela ke̱ Elef ke̱ *Iebus ni dši Ierusalem le̱, Gibeat, Kiriat: mãdši nyoṅma ke̱ edſe̱ ke̱ ame̱he akrowai. Ene̱ dši Benyaminbii le̱ agbe̱fãṅnõ ye̱ ame̱wekui le̱ anā. 15,63. Kods. 1,21.

Yoshua 18:28 ပူးပေါင်းရင်းမြစ်များ

2 Samuel 21:14

Akɛ Saul kɛ Yonatan wui lɛ tee, ni ayafu yɛ Saul tsɛ Kish fuuhe lɛ, yɛ Zela yɛ Benyamin shikpɔŋ lɛ nɔ. Afee nɔ fɛɛ nɔ pɛpɛɛpɛ bɔ ni maŋtsɛ lɛ efã lɛ. No sɛɛ dani Nyɔŋmɔ bo shikpɔŋ lɛ nɔ bii lɛ afai ni amɛkpa amɛhã shikpɔŋ lɛ toi.

2 Samuel 23:29

kɛ Heleb, Baana ni jɛ Netofa lɛ bi lɛ, kɛ Itai, Rabai ni jɛ Gibea yɛ Benyamin lɛ;

2 Samuel 5:6

Maŋtsɛ David kɛ ewebii lɛ fã ta kɛyanina Yebusbii ni ji shikpɔŋ lɛ nɔ shikwɛ̃ɛbii lɛ yɛ Yerusalɛm. Yebusbii nɛɛ asusumɔ ji akɛ David nyɛŋ maŋ lɛ eshɔ̃, ni no hewɔ lɛ, amɛtswa David mpoa akɛ, “Onyɛŋ biɛ oba; shwilafoi kɛ akpakei sɔŋŋ baashwie bo.”

2 Samuel 5:8

David kɛɛ yɛ nakai gbi lɛ nɔ akɛ, “Namɔ yɔɔ biɛ ni etaooo Yebusbii lɛ asane tamɔ bɔ ni mi, David, minyɛɔ amɛ, ni no hewɔ lɛ, ena ni etswia amɛ nii? Mɔ lɛ atsɔ̃ nujɔɔ lɛ mli koni eyatswia shwilafoi lɛ kɛ akpakei lɛ anii ni egbe amɛ.” Sane nɛɛ hewɔ akɛɔ akɛ, “Shwilafoi kɛ akpakei baaa Yehowa we lɛ mli lɛ.”

1 Kronika 8:28

Mɛnɛɛmɛi ji wekui amli onukpai kɛ amɛshwiei ni hi Yerusalɛm lɛ.

Yesaia 10:29

Amɛtsɔ̃ gɔji ateŋ tsɔ̃mɔhe lɛ, ni amɛwɔ yɛ Geba. Rama miikpokpo, ni Maŋtsɛ Saul maŋ Gebea ejo foi.

Yeremia 6:1

Ao! Nyɛ Benyaminbii, nyɛjoa foi kɛjea Yerusalɛm ni nyɛhere nyɛyiwala. Akpã tɛtɛrɛmantɛrɛ yɛ Tekoa, nyɛkɛ lasu pukɔŋŋ atoa okadi yɛ Bet-Hakerem, ejaakɛ sane fɔŋ ni ji hiɛkpãtãmɔ kpeteŋkple miibu tamɔ oblɔtu kɛmiijɛ kooyigbɛ kɛmiiba.

Hosea 10:9

Yehowa kɛɛ akɛ, “Israel, ofee esha kɛjɛ Gibea esha lɛ nɔ beebe, ni ohiɛ esha lɛ mli oofee lolo. Mɛni hewɔ esaaa akɛ ta ni afã ashi nɔshafeelɔi lɛ ninaa bo yɛ Gibea?

4 Mose 26:38

Benyamin shwiei lɛ akutso lɛ mli shĩai lɛ ji Belawe kɛ Ashbelwe kɛ Ahiramwe,

4 Mose 26:54

Mɛi ni yi fa lɛ, ohã amɛ shikpɔŋ agbo; ni mɛi ni yi faaa lɛ ana shikpɔŋ bibioo. Akutso fɛɛ akutso ana shikpɔŋ yɛ emlibii lɛ ayikulɛ naa.

4 Mose 33:54

Nyɛfɔa oshiki koni nyɛkɛja shikpɔŋ lɛ nyɛhã nyɛkutsei lɛ. Akutso ni yi fa lɛ, ena shikpɔŋ agbo; ni akutso ni yi faaa lɛ ena shikpɔŋ fioo. Bɔ ni oshiki lɛ baagbee shi ehã lɛ, nakai naa aja shikpɔŋ lɛ ahã akutso fɛɛ akutso.

Yoshua 15:63

Shi Yudabii lɛ eyanyɛɛɛ Yebusbii, ni ji mɛi ni yɔɔ Yerusalɛm lɛ amɛshwie. No hewɔ lɛ, Yebusbii lɛ futu Yudabii lɛ kɛhi Yerusalɛm kɛbashi ŋmɛnɛ.

Yoshua 15:8

Husu lɛ tsa nɔ ekoŋŋ kɛtsɔ̃ Hinom Jɔɔ lɛ mli, yɛ gɔŋ ni Yebusbii amaŋ ni ji Yerusalɛm lɛ mã nɔ lɛ wuoyigbɛ, ni ewo ehe nɔ kɛtee gɔŋ ni ye Hinom Jɔɔ lɛ hiɛ lɛ yiteŋ anaigbɛ, yɛ he ni Refaim Jɔɔ lɛ naa yatãa yɛ, yɛ kooyigbɛ lɛ.

Yoshua 18:16

Husu lɛ kpeleke shi kɛtee gɔŋ lɛ ni kwɛɔ Hinom Jɔɔ lɛ mli lɛ shishi, yɛ ekooyigbɛ he ni Refaim Jɔɔ lɛ naa yatãa yɛ lɛ. Husu lɛ nyɔ Hinom Jɔɔ lɛ mli agbɛnɛ, ni etsɔ̃ Yebusbii lɛ awuoyigbɛ kɛtee En-Rogel Nubu lɛ naa.

Yoshua 18:27

Maji lɛ ekrokomɛi hu ji Rekem kɛ Irpeel kɛ Tarala,

Yoshua 19:1

Oshiki ni ji enyɔ ni afɔ̃ lɛ gbee Simeonbii akutso lɛ wekui lɛ anɔ. Shikpɔŋ ni akɛhã amɛ lɛ bote shikpɔŋ ni akɛhã Yudabii lɛ mli.

Kojolɔi 1:21

Shi Benyaminbii lɛ eshwieee Yebusbii ni yɔɔ Yerusalɛm lɛ. No hewɔ lɛ, Yebusbii lɛ kɛ Benyaminbii lɛ hi Yerusalɛm kɛbashi ŋmɛnɛ.

Kojolɔi 19:10

Shi nuu lɛ ekpɛlɛ̃ɛɛ ni ewɔ jɛi nakai gbi lɛ; no hewɔ lɛ, ete shi ni eyi mli. Ebɛŋkɛ Yebus ni ji Yerusalɛm ŋlɛnɔ. Ekɛ ehemɔ lɛ nyiɛ kɛ tejii enyɔ ni awo amɛnɔ nii.

1 Samuel 10:26

Saul hu tee ewe lɛ yɛ Gibea, ni hii kakabãŋi ni Nyɔŋmɔ etsake amɛtsuii fata ehe kɛtee.