Yoshua 18:16 - ŊMALƐ KRƆŊKRƆŊ LƐ

¹⁶ Husu lɛ kpeleke shi kɛtee gɔŋ lɛ ni kwɛɔ Hinom Jɔɔ lɛ mli lɛ shishi, yɛ ekooyigbɛ he ni Refaim Jɔɔ lɛ naa yatãa yɛ lɛ. Husu lɛ nyɔ Hinom Jɔɔ lɛ mli agbɛnɛ, ni etsɔ̃ Yebusbii lɛ awuoyigbɛ kɛtee En-Rogel Nubu lɛ naa.

Ṅmãle̱ Kroṅkroṅ Le̱

¹⁶ Ni hũsũ le̱ kpleke ši ke̱-te goṅ ni kã Hinombi le̱ dšō̱ le̱ hīe le̱ nāgbē, ye̱ Refaim dšō̱ le̱ kōyigbe̱, ni ekpleke Hinom dšō̱ le̱ ke̱-te Iebusbii le̱ awuoyigbe̱, ni ekpleke ši ke̱-ba Rogel nubu le̱ nā;

Yoshua 18:16 ပူးပေါင်းရင်းမြစ်များ

2 Samuel 17:17

Nɛkɛ be mli lɛ Osɔfo Abiatar bi Yonatan kɛ Osɔfo Zadok bi Ahimaaz etee amɛhe yɛ Rogel nubu lɛ he, yɛ Yerusalɛm klotia, ni kɛfee lɛ atsuɔ oblayoo ko kɛjɛɔ maŋ lɛ mli, ni ekɛ wiemɔ yahãa amɛ, ni amɛkɛyahãa Maŋtsɛ David. Bɔ ni afee ni akana amɛ hewɔ lɛ, Yonatan kɛ Ahimaaz eyaaa maŋ lɛ mli.

2 Samuel 5:18

Filistibii lɛ ba, ni amɛbagba ta yɛ Refaim Jɔɔ lɛ mli, ni amɛha jɛi fɛɛ.

1 Maŋtsɛmɛi 1:9

Gbi ko lɛ Adonia yagbegbee toi kɛ tsinai kɛ kooloi ni ewo fɔ yɛ Onufu Tɛsaa lɛ ni bɛŋkɛ Rogel Nubu lɛ he. Ekpee enyɛmimɛi maŋtsɛbii lɛ fɛɛ kɛ Yuda hii kãkãlɔi ni ji Maŋtsɛ David tsuji lɛ fɛɛ kɛtee jɛi.

2 Maŋtsɛmɛi 23:10

Maŋtsɛ Yosia bule Tofet, wɔŋjamɔhe ni yɔɔ Hinombii aJɔɔ lɛ mli lɛ, bɔ ni afee ni mɔ ko mɔ ko akagbe ebinuu loo ebiyoo ekɛshã afɔle ekɛhã wɔŋ Molek lɛ dɔŋŋ.

1 Kronika 14:9

Filistibii lɛ baye ofɔ̃ yɛ Refaim Jɔɔ lɛ mli.

2 Kronika 28:3

ni eshã tsofakɛŋma yɛ Hinom Jɔɔ lɛ mli ekɛja jemawɔji lɛ. Etee nɔ po esha lɛ diɛŋtsɛ emusuŋbii akɛ afɔle ekɛhã jemawɔji lɛ. Gbɔmɛi ni yɔɔ shikpɔŋ lɛ nɔ sa, shi Yehowa shwie amɛ yɛ Israelbii lɛ agbɛ nɔ be ni Israelbii lɛ jɛ Ijipt amɛbaa lɛ akusum ni ehiɔ ji enɛ.

2 Kronika 33:6

Asaŋ Manase shã ebihii akɛ afɔle yɛ Hinom Jɔɔ lɛ mli, ni eyeɔ ŋkunyaa, ni ekalaa, ni efeɔ ashwãi, ni eto sisatsɛlɔi kɛ ayɛi fɛɛ. Etɔ̃ Nyɔŋmɔ nɔ babaoo diɛŋtsɛ, ni ekɛwo Nyɔŋmɔ mli la.

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yeremia 19:11

ni okɛɛ amɛ akɛ, bɔ ni Yehowa, Taiatsɛ lɛ, kɛɛ nɛ. ‘Nɛkɛ nɔŋŋ majwa maŋ nɛɛ, ni mibakpãtã emli bii ahiɛ tamɔ bɔ ni ajwaa gbɛshɔ̃lɔ kpulu ni ehiii tsaramɔ dɔŋŋ lɛ. Tofet nɛɛ baatsɔ̃ he ni mɛi baafu amɛgbohii yɛ, ejaakɛ anaŋ he ko he ko ni abaafu gbohii yɛ dɔŋŋ.

Yeremia 19:2

ni okɛ amɛ atsɔ̃ Gbɛshɔ̃lɔ Agbo lɛ mli kɛya Hinom bi lɛ Jɔɔ lɛ mli, koni oshiɛ wiemɔi ni makɛɛ bo lɛ yɛ jɛi.

Yeremia 19:6

Enɛ hewɔ lɛ, naa, be miiba, ni atsɛŋ he ni wɔyɔɔ nɛɛ Tofet loo Hinom Jɔɔ dɔŋŋ; shi moŋ abaatsɛ biɛ akɛ Gbɔmɔgbee Jɔɔ.

Yeremia 32:35

Amɛmamɔ Baal jamɔhei grɔŋgrɔŋŋ ni yɔɔ Hinom Jɔɔ lɛ mli lɛ koni amɛgbe amɛbihii kɛ amɛbiyei yɛ jɛi amɛkɛshã afɔle amɛkɛhã jemawɔŋ Molek lɛ. Tsɛbelɛ mifãko amɛ, ni asaŋ ebako miyiŋ tete akɛ amɛfee nɛkɛ musubɔɔnii nɛɛ ni amɛkɛhã Yuda fɛɛ agbee esha mli.”

Yoshua 15:63

Shi Yudabii lɛ eyanyɛɛɛ Yebusbii, ni ji mɛi ni yɔɔ Yerusalɛm lɛ amɛshwie. No hewɔ lɛ, Yebusbii lɛ futu Yudabii lɛ kɛhi Yerusalɛm kɛbashi ŋmɛnɛ.

Yoshua 18:28

kɛ Zela kɛ Elef kɛ Yebus, ni ji Yerusalɛm, kɛ Gibea kɛ Kiriat-Yearim. Maji fɛɛ ni Benyaminbii lɛ na ji maji nyɔŋma kɛ ejwɛ kɛ amɛhe akrowai. Enɛ ji Benyaminbii lɛ agbɛfaŋnɔ ni ahã amɛ yɛ amɛwekui lɛ anaa lɛ.

Kojolɔi 1:21

Shi Benyaminbii lɛ eshwieee Yebusbii ni yɔɔ Yerusalɛm lɛ. No hewɔ lɛ, Yebusbii lɛ kɛ Benyaminbii lɛ hi Yerusalɛm kɛbashi ŋmɛnɛ.

Kojolɔi 1:8

Yuda akutso lɛ kɛ Yerusalɛm maŋ lɛ bawu. Amɛŋɔ maŋ lɛ. Amɛkɛ klante gbe emli bii lɛ, ni amɛma maŋ lɛ naa la.

Kojolɔi 19:10

Shi nuu lɛ ekpɛlɛ̃ɛɛ ni ewɔ jɛi nakai gbi lɛ; no hewɔ lɛ, ete shi ni eyi mli. Ebɛŋkɛ Yebus ni ji Yerusalɛm ŋlɛnɔ. Ekɛ ehemɔ lɛ nyiɛ kɛ tejii enyɔ ni awo amɛnɔ nii.