Yoshua 18:10 - ŊMALƐ KRƆŊKRƆŊ LƐ

¹⁰ ni Yoshua fɔ̃ oshiki ni ekɛja shikpɔŋ lɛ eha amɛ, akutso fɛɛ akutso na egbɛfaŋnɔ.

Ṅmãle̱ Kroṅkroṅ Le̱

¹⁰ Ni Iošua fõ ošiki ehãame̱ ye̱ Iehowa hĩe ye̱ Šilo; ni Iošua dša šikpoṅ le̱ mli ye̱ dše̱i ehã Israelbii le̱ ye̱ ame̱mlidšäi le̱ anā.

Yoshua 18:10 ပူးပေါင်းရင်းမြစ်များ

1 Kronika 24:5

Akɛni Sɔlemɔ we lɛ mli lumɛi kɛ mumɔŋ lumɛi fɛɛ yɛ Eleazarbii lɛ kɛ Itamarbii lɛ ateŋ biɛ kɛ biɛ hewɔ lɛ, afɔ̃ oshiki ni akɛja nitsumɔi lɛ ahã amɛ.

Nehemia 11:1

Maŋbii lɛ kɛ onukpai lɛ hi Yerusalɛm, ni maŋbii ni eshwɛ lɛ fɔ̃fɔ̃ɔ oshikii koni akɛtao mɔ kome yɛ mɛi nyɔŋma fɛɛ mɛi nyɔŋma ateŋ koni ebahi Yerusalɛm, maŋ krɔŋkrɔŋ lɛ mli, koni mɛi nɛɛhu ni eshwɛ lɛ ayahi maji krokomɛi lɛ amli.

Lalai 47:4

Eŋɔ wɔgbɛfaŋ shikpɔŋ lɛ ehã wɔ, Yakob, mɔ ni Nyɔŋmɔ sumɔɔ lɛ, shwãanii lɛ.

Lalai 61:5

Oo Naa Nyɔŋmɔ, ejaakɛ onu mishiwoi lɛ. Okɛ mɛi ni sheɔ bo gbeyei lɛ agbɛnaanii ehã mi.

Abe̱i 18:18

Oshikifɔ̃ɔ hãa bei sɛɛ foɔ, ni ebuɔ atɛŋ ehãa kãkãlɔi ni peleɔ nɔ ko he.

Yeremia 7:12

Naa, mi diɛŋtsɛ mina nɔ ni nyɛfeɔ lɛ momo. Nyɛyaa miwe lɛ ni yɔɔ Shilo lɛ, he ni aja mi yɛ tsuutsu lɛ, nyɛyakwɛa nɔ ni mifee yɛ jɛi yɛ mimaŋ Israelbii lɛ anifɔ̃ɔjianii lɛ hewɔ.

Ezekiel 47:22

Nyɛfɔ̃a oshiki kɛjaa shikpɔŋ lɛ nyɛhãa nyɛhe, ni etsɔ̃ gboshinii eha nyɛ kɛ mɛi ni ebato gbɔ yɛ nyɛteŋ, ni amɛfɔɔ bii yɛ nyɛteŋ lɛ. Amɛtsɔmɔ tamɔ Israel fɔmɔbii nɔŋŋ yɛ nyɛteŋ koni amɛ kɛ nyɛ aja shikpɔŋ lɛ pɛpɛɛpɛ akɛ gboshinii hã nyɛ yɛ Israel akutsei lɛ anaa.

Ezekiel 48:29

Enɛ ji shikpɔŋ lɛ ni nyɛbaaja nyɛha Israel akutsei lɛ; amɛgboshinii kɛ amɛgbɛfaŋnii ji enɛ. Nuŋtsɔ Yehowa kɛɛ.”

Mika 2:5

No hewɔ lɛ, kɛ be shɛ, ni akɛ shikpɔŋ lɛ miiku sɛɛ ahã Yehowa bii lɛ, kɛji afɔ̃ oshiki lɛ, nyɛteŋ mɔ ko naŋ eko.

4 Mose 34:16

Yehowa kɛɛ Mose akɛ,

Mateo 27:35

Be ni amɛsɛŋ lɛ lɛ, amɛfɔ̃ oshiki amɛkɛja etadei lɛ.

Yohane 17:2

tamɔ bɔ ni ohã lɛ hegbɛ yɛ gbɔmɛi fɛɛ anɔ, koni mɛi fɛɛ ni okɛhã lɛ lɛ, ehã amɛ naanɔ wala lɛ.

Bɔfoi 13:19

ni ekpãtã jeŋmaji kpawo ahiɛ yɛ Kanaan shikpɔŋ lɛ nɔ, ni eja amɛshikpɔŋ lɛ ehã amɛ akɛ amɛnɔ.

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Kolosebii 1:12

Ni nyɛdaa Tsɛ lɛ shi, mɔ ni hã wɔfee mɛi ni sa krɔŋkrɔŋbii ni yɔɔ la lɛ mli lɛ agboshinii lɛ eko yeli.

Yoshua 14:2

Oshiki ji nɔ ni afɔ̃ akɛja akutsei nɛɛhu kɛ fã lɛ agbɛfaŋnii lɛ ahã amɛ tamɔ bɔ ni Yehowa tsɔ̃ Mose nɔ ewo amɛ ehe kitã lɛ.

Yoshua 14:5

Bɔ ni Yehowa wo Mose kitã lɛ, nakai pɛpɛɛpɛ Israelbii lɛ fee kɛja shikpɔŋ lɛ amɛhã amɛhe.

Yoshua 18:11

Klɛŋklɛŋ oshiki ni afɔ̃ lɛ gbee Benyaminbii akutso lɛ mli wekui lɛ anɔ. Shikpɔŋ ni akɛhã amɛ lɛ kã Yudabii lɛ ashikpɔŋ lɛ kɛ Yosefbii lɛ ashikpɔŋ lɛ teŋ.

Yoshua 18:6

Nyɛjaraa shikpɔŋ tso muu lɛ mli kpawo koni nyɛŋma bɔ ni husui lɛ ashikamɔ yɔɔ hãa nyɛkɛbahãa mi yɛ biɛ, koni mafɔ̃ oshiki mabi Yehowa nii mahã nyɛ bɔ ni sa akɛ akɔlɔ shikpɔji lɛ ahã.

Yoshua 18:8

Dani hii ni afamɔ koni amɛyaŋma shikpɔŋ lɛ he sane kɛba lɛ yi mli amɛtee lɛ, Yoshua kɛɛ amɛ akɛ, “Nyɛyaa koni nyɛyakpaa shikpɔŋ lɛ nɔ koni nyɛŋma ehe sane, ni nyɛkɛku nyɛsɛɛ kɛba miŋɔ̃ɔ, ni no sɛɛ lɛ mafɔ̃ oshiki mabi Yehowa nii yɛ nyɛhewɔ yɛ Shilo nɛɛ.”

Yoshua 18:9

Kɛkɛ ni hii lɛ yi mli amɛtee, ni amɛyakpa shikpɔŋ tso muu lɛ fɛɛ nɔ, ni amɛŋma amɛwo wolo mli bɔ ni amɛjara shikpɔŋ lɛ mli kpawo lɛ amɛhã yɛ maji ni jwere shikpɔŋ lɛ nɔ lɛ anaa, ni amɛku amɛsɛɛ kɛba Yoshua ŋɔɔ yɛ Israelbii lɛ ashitoohe lɛ yɛ Shilo,

Yoshua 19:51

Nɛkɛ ji bɔ ni Osɔfo Eleazar kɛ Nun bi Yoshua kɛ Israel akutsei lɛ amli onukpai lɛ damɔ oshiki ni amɛfɔ̃, yɛ Yehowa hiɛ yɛ Kpee Buu lɛ shinaa lɛ naa, yɛ Shilo, lɛ nɔ kɛja shikpɔŋ lɛ amɛhã Israelbii lɛ awekui lɛ.

Yoshua 23:4

Maji ni eshwɛ lɛ mija momo mihã nyɛkutsei lɛ akɛ amɛgbɛfaŋnii koni akɛshi maji ni miye amɛnɔ kɛjɛ Yordan lɛ naa kɛyashi Mediterenia Ŋshɔ lɛ naa yɛ anaigbɛ lɛ anɔ.