Yoshua 17:16 - ŊMALƐ KRƆŊKRƆŊ LƐ

¹⁶ Yosef shwiei lɛ jie naa akɛ, “gɔji lɛ anɔ shikpɔŋ lɛ edaaa hãaa wɔ moŋ nɛ, shi Kanaanbii ni yɔɔ jɔɔ lɛ mli lɛ fɛɛ yɛ dade tayaa shwiilii; mɛi ni yɔɔ Bet-Shean kɛ ehe akrowai lɛ amli lɛ kɛ mɛi hu ni yɔɔ Yezreel Jɔɔ lɛ mli lɛ hu fɛɛ yɛ eko.”

Ṅmãle̱ Kroṅkroṅ Le̱

¹⁶ Ni Iosefbii le̱ kē̱ ake̱: Gõdši le̱ ano̱ šikpoṅ le̱ fáá hããwo̱, ni asaṅ Kanaanbii ní yo̱ dšō̱ le̱ṅ šikpoṅ le̱ no̱ le̱ fẽ ye̱ dade ſīlii, mei ni yo̱ Bet-Šean ke̱ ehe mãdši le amli le ke̱ mei ní yo̱ Iezreel dšō̱ le̱ṅ le̱ fẽ.

Yoshua 17:16 ပူးပေါင်းရင်းမြစ်များ

1 Maŋtsɛmɛi 18:45

Yeee be ko nɔŋŋ kɛkɛ ni ŋwɛi dĩ tũu kɛ atatui; kɔɔyɔɔ fã; nu nɛ tsoo diɛŋtsɛ. Ahab fã kɛ tayaa shwiili kɛtee Yezreel.

1 Maŋtsɛmɛi 18:46

Shi Yehowa hewalɛ lɛ bayi Elia nɔ; kɛkɛ ni emĩa, ni ewo foi kɛyi Ahab hiɛ kɛtee Yezreel tɔ̃ɔ.

1 Maŋtsɛmɛi 21:1

Saji nɛɛ asɛɛ lɛ sane ko hu ni ba nɛ. Nuu ko ni egbɛi ji Nabot, Yezreelnyo lɛ, yɛ waintrom yɛ Yezreel. Waintrom nɛɛ yɛ Samaria Maŋtsɛ Ahab mɔɔ lɛ masɛi kpaakpa.

1 Maŋtsɛmɛi 21:23

Ni yɛ Yezebel hu gbɛfaŋ lɛ, Yehowa kɛɛ ‘Gbei baaye eloo yɛ Yezreel maŋ lɛ nɔŋŋ mli.’

1 Maŋtsɛmɛi 4:12

Ahilud bi Baana kwɛɔ Taanak kɛ Megido kɛ Bet-Shean yɛ Zaretan masɛi yɛ Yezreel ŋshɔnaa gbɛ, kɛjɛ Bet-Shean kɛyashwie Abel-Mehola kɛ Yokmeam sɛɛ.

2 Maŋtsɛmɛi 9:10

Ni gbei baaye Yezebel loo yɛ Yezreel shikpɔŋ lɛ nɔ, ni mɔ ko mɔ ko efuŋ lɛ.’ ” Kɛkɛ ni gbalɔ lɛ gbele shinaa lɛ, ni ejo foi.

2 Maŋtsɛmɛi 9:37

ni Yezebel gbonyo baatsɔ̃ tamɔ tumo nɔ wamɔ yɛ ŋa lɛ nɔ yɛ Yezreel shikpɔŋ lɛ nɔ; bɔ ni mɔ ko mɔ ko yooo lɛ ni eeekɛɛ akɛ Yezebel nɛ.’ ”

Yeremia 49:2

Naa, mi Yehowa, miikɛɛ akɛ be miiba, be ni mahã mɛi ni yɔɔ Amonbii amaŋ wulu Raba lɛ mli anu ta oshebɔɔ he. Ebaatsɔ̃ koikoi, ni abaashã ekrowai lɛ wɛɛ kɛmɔ shi, ni Israel baaye mɛi ni baye enɔ lɛ anɔ. Mi, Yehowa, mikɛɛ.

Yoshua 15:56

kɛ Yezreel kɛ Yokdeam kɛ Zanoa,

Yoshua 17:11

Akɛ Isakarbii lɛ kɛ Asherbii lɛ ashikpɔji lɛ anɔ maji komɛi hã Manasebii lɛ. Maji nɛɛ ji Bet-Sham kɛ ehe akrowai lɛ kɛ Ibleam kɛ ehe akrowai lɛ kɛ Dorbii akrowai lɛ kɛ En-Dorbii kɛ amɛ akrowai lɛ kɛ Taanak kɛ ehe akrowai lɛ kɛ Megidobii kɛ amɛ akrowai lɛ (nɔ ni ji etɛ̃ lɛ ji Nafat).

Yoshua 17:15

Yoshua to he akɛ, “Kɛji nyɛyi fa tsɔ̃, ni Efraim gɔji lɛ anɔ shikpɔŋ lɛ edaaa hãaa nyɛ lɛ, no lɛ nyɛyaa Perizbii lɛ kɛ Refaimbii lɛ ashikpɔŋ lɛ nɔ, ni nyɛyagbaa koo ni yɔɔ jɛi lɛ eko, ni nyɛtoa maŋ yɛ jɛi nyɛhia mli.”

Yoshua 17:17

Yoshua kɛɛ Yosef shwiei lɛ, ni ji Efraimbii kɛ Manasebii lɛ akɛ, “Nyɛyi fa babaoo, ni nyɛyɛ hewalɛ naakpa hu; no hewɔ lɛ, nyɛbaana fe shikpɔŋ kome lɛ,

Yoshua 17:18

ejaakɛ gɔŋ lɛ nɔ shikpɔŋ lɛ fɛɛ aaatsɔ̃ nyɛnɔ afata he. Nyɛ lɛ, nyɛgbaa koo ni yɔɔ gɔŋ lɛ nɔ lɛ kɛyashi he ni nyɛaanyɛ nyɛkɛ ehusu lɛ ayashi, koni nyɛkɔ. Eyɛ mli akɛ Kanaanbii lɛ yɛ dade tayaa shwiilii, ni amɛhe wa moŋ nɛ, shi amɛnyɛŋ nyɛhiɛ amɛdamɔ.”

Yoshua 19:18

Amɛgbɛfaŋ shikpɔŋ ni akɛhã amɛ lɛ nɔ maji ji Yezreel kɛ Kesulot kɛ Shunem,

Kojolɔi 1:19

Yehowa wa Yuda, ni Yuda shwie gɔji anɔ bii lɛ. Shi Yuda nyɛɛɛ eshwie jɔɔ lɛ mli bii lɛ, ejaakɛ amɛyɛ dade shwiilii.

Kojolɔi 4:13

Sisera bua edade tayaa shwiilii ohai nɛɛhu lɛ fɛɛ, kɛ etabilɔi lɛ fɛɛ anaa kɛjɛ jeŋbii amaŋ Haroshet kɛba Kishon Faa lɛ naa.

Kojolɔi 4:3

Israelbii lɛ bolɔ amɛtsɛ Yehowa koni eye ebua amɛ, ejaakɛ Yabin yɛ dade tayaa shwiilii ohai nɛɛhu, ni ewa Israelbii lɛ ayi waa naakpa afii nyɔŋmai enyɔ sɔŋŋ.

Kojolɔi 6:33

Kɛkɛ ni Midianbii kɛ Amalekbii kɛ bokãgbɛbii lɛ fɛɛ bua amɛhe naa. Amɛfo Yordan Faa lɛ, ni amɛyato shi yɛ Yezreel jɔɔ lɛ mli.

1 Samuel 29:1

Filistibii lɛ bua amɛtai lɛ anaa yɛ Afek. Nakai be mli nɔŋŋ lɛ Israelbii lɛ hu ebabua amɛhe naa yɛ nubu ko ni yɔɔ Yezreel lɛ masɛi.