Yoshua 17:11 - ŊMALƐ KRƆŊKRƆŊ LƐ

¹¹ Akɛ Isakarbii lɛ kɛ Asherbii lɛ ashikpɔji lɛ anɔ maji komɛi hã Manasebii lɛ. Maji nɛɛ ji Bet-Sham kɛ ehe akrowai lɛ kɛ Ibleam kɛ ehe akrowai lɛ kɛ Dorbii akrowai lɛ kɛ En-Dorbii kɛ amɛ akrowai lɛ kɛ Taanak kɛ ehe akrowai lɛ kɛ Megidobii kɛ amɛ akrowai lɛ (nɔ ni ji etɛ̃ lɛ ji Nafat).

Ṅmãle̱ Kroṅkroṅ Le̱

¹¹ Ni mãdši ni *Manase ná ye̱ Isakar ke̱ Ašer teṅ le̱ ne̱: Bet-Šean ke̱ ehe mã-dši le̱, Ibleam ke̱ ehe mãdši le̱, Dorbii ke̱ ame̱mãdši le̱, †En-Dorbii ke̱ ame̱-mãdši le̱, Taanakbii ke̱ ame̱mãdši le̱ ke̱ Megidobii ke̱ ame̱mãdši le̱; šikpõdši sro̱toi etẽ. *Kodš. 1,27. †1 Sam. 28,7.

Yoshua 17:11 ပူးပေါင်းရင်းမြစ်များ

2 Samuel 21:12

etee ni eyaŋɔ Saul wui lɛ kɛ Yonatan hu wui lɛ yɛ Yabesh Gileadbii lɛ adɛŋ kɛba. Ejaakɛ gbi ni Filistibii lɛ gbe Saul yɛ Gilboa lɛ, amɛkɛ Saul kɛ Yonatan gbohii lɛ ba, ni amɛkɛbatsotsro shi yɛ Bet-Shan blohu lɛ mli; ni Yabesh-Gileadbii lɛ baju gbohii lɛ kɛtee.

1 Maŋtsɛmɛi 9:15

Bɔ ni Maŋtsɛ Solomon nyɛ maŋbii lɛ anɔ kɛmã Yehowa we lɛ kɛ maŋtsɛ we lɛ, nakai nɔŋŋ ekɛ nɔnyɛɛ saa shikpɔŋ ni kã Yerusalɛm bokãgbɛ lɛ hiɛ, ni etswa jɛi gbogbo lɛ kɛ Hazor kɛ Megido kɛ Gezer maji wuji lɛ hu.

2 Maŋtsɛmɛi 9:27

Be ni Yuda Maŋtsɛ Ahazia na nɔ ni eba lɛ, ejo foi kɛtsɔ̃ Bet-Hagan gbɛ. Kɛkɛ ni Yehu tiu lɛ ni ekɛɛ, “Lɛ hu nyɛtsɛ̃a lɛ gãi.” Ni atsɛ̃ lɛ gãi yɛ eshwiili lɛ mli yɛ Gur ŋmeŋme lɛ ni yɔɔ Ibleam masɛi lɛ he. Kɛkɛ ni ejo foi kɛtee Megido, ni eyagbo yɛ jɛi, ni

1 Kronika 6:70

Ni akɛ Anaigbɛ Manasebii hu amaji ni ji Aner kɛ Bileam kɛ amɛhe jwɛifɔ shikpɔji shi nɔ hã Kohatbii lɛ.

1 Kronika 7:29

Manase shwiei lɛ adɛŋ maji wuji ejwɛ nɛɛ kɛ amɛhe maji lɛ baje: Bet-Shan kɛ Taanak kɛ Megido kɛ Dor. Nɛkɛ maji nɛɛ amli Yakob bi Yosef shwiei lɛ hi.

2 Kronika 35:22

Shi Yosia ekpɛlɛɛɛ, shi moŋ efi nɔ akɛ ekɛ Neko baawu ta lɛ. Ebooo wiemɔ ni Nyɔŋmɔ tsɔ̃ Neko nɔ ekɛ lɛ wie lɛ toi; no hewɔ lɛ, etee ni ekɛ Ijipt Maŋtsɛ Neko yawu yɛ Megido ŋa lɛ nɔ.

Lalai 83:10

mɛi ni akpãtã amɛhiɛ yɛ En-Dor ni amɛtsɔ̃ tumo amɛhã shikpɔŋ.

Yeremia 49:2

Naa, mi Yehowa, miikɛɛ akɛ be miiba, be ni mahã mɛi ni yɔɔ Amonbii amaŋ wulu Raba lɛ mli anu ta oshebɔɔ he. Ebaatsɔ̃ koikoi, ni abaashã ekrowai lɛ wɛɛ kɛmɔ shi, ni Israel baaye mɛi ni baye enɔ lɛ anɔ. Mi, Yehowa, mikɛɛ.

Zakaria 12:11

Nakai gbi lɛ nɔ lɛ yara ni abaawo yɛ Yerusalɛm lɛ baatamɔ yara ni awo kɛfo Hadad-Rimmon yɛ Megido ŋa lɛ nɔ lɛ.

Yoshua 11:2

kɛ maŋtsɛmɛi ni yɔɔ kooyigbɛ gɔji ashikpɔŋ lɛ nɔ lɛ kɛ maŋtsɛmɛi ni yɔɔ Yordan jɔɔ lɛ mli yɛ Galilea Kpaakpo lɛ wuoyigbɛ lɛ, kɛ maŋtsɛmɛi ni yɔɔ gɔji lɛ ashishi lɛ, kɛ maŋtsɛmɛi ni yɔɔ Dor ŋshɔnaa yɛ anaigbɛ lɛ.

Yoshua 12:21

agbɛnɛ kɛ Taanak maŋtsɛ kɛ Megido maŋtsɛ,

Yoshua 12:23

kɛ Dor maŋtsɛ ni hi Nafat Dor lɛ kɛ Goiim (ni yɔɔ Galilea lɛ) maŋtsɛ,

Yoshua 16:9

Ahã amɛ maji hu kɛ amɛhe akrowai hu afata he yɛ shikpɔŋ ni akɛhã Manasebii lɛ akɛ amɛgbɛfaŋnɔ lɛ nɔ.

Yoshua 17:10

Belɛ shikpɔŋ ni kã wuoyigbɛ lɛ Efraimbii anɔ ni; ni Mediterenia Ŋshɔ lɛ fee amɛhusu yɛ anaigbɛ. Manasebii lɛ kɛ Asherbii lɛ je husu yɛ kooyi anaigbɛ, ni amɛ nɔŋŋ lɛ amɛkɛ Isakarbii lɛ je husu yɛ kooyi anaigbɛ.

Yoshua 17:16

Yosef shwiei lɛ jie naa akɛ, “gɔji lɛ anɔ shikpɔŋ lɛ edaaa hãaa wɔ moŋ nɛ, shi Kanaanbii ni yɔɔ jɔɔ lɛ mli lɛ fɛɛ yɛ dade tayaa shwiilii; mɛi ni yɔɔ Bet-Shean kɛ ehe akrowai lɛ amli lɛ kɛ mɛi hu ni yɔɔ Yezreel Jɔɔ lɛ mli lɛ hu fɛɛ yɛ eko.”

Kojolɔi 1:27

Manase akutso lɛ eshwieee Bet-Shean kɛ ehe maji lɛ amli bii lɛ, kɛ Taanak kɛ ehe maji lɛ amli bii lɛ, kɛ Dor kɛ ehe maji lɛ amli bii lɛ kɛ Ibeam kɛ ehe maji lɛ amli bii lɛ, kɛ Megido kɛ ehe maji lɛ amli bii lɛ. Kanaanbii nɛɛ kã he hi shi yɛ shikpɔŋ lɛ nɔ.

Kojolɔi 5:19

“Maŋtsɛmɛi lɛ ba amɛbawu ta. Amɛkɛ Kanaan maŋtsɛmɛi lɛ bawu yɛ Taanak yɛ Megido fai lɛ anaa; shi amɛnaaa jwiɛtɛi ko amɛhã.

1 Samuel 28:7

Kɛkɛ ni Saul fã etsuji lɛ akɛ, “Nyɛyataoa yoo okɔmfo ko nyɛhãa mi koni maya eŋɔɔ mayabi nii.” Etsuji lɛ kɛɛ lɛ akɛ, “Yoo okɔmfo ko yɛ Endor.”

1 Samuel 31:10

Filistibii lɛ kɛ Saul tawuunii lɛ tee yato jemawɔŋ Astarte we lɛ, ni egbonyo lɛ amɛkɛyatsotsoro Bet-Shan maŋ lɛ gbogbo lɛ he.

1 Samuel 31:12

maŋ lɛ mli hii kãkãlɔi lɛ fɛɛ te shi, ni amɛnyiɛ nyɔɔŋnyɔɔŋ fɛɛ kɛtee, ni amɛyajie Saul gbonyo lɛ kɛ ebihii lɛ hu agbohii lɛ yɛ Bet-Shan gbogbo lɛ he, ni amɛkɛba Yebesh amɛbashã.