Yoshua 16:7 - ŊMALƐ KRƆŊKRƆŊ LƐ

⁷ Kɛjɛ Yanoha lɛ, husu lɛ kpeleke shi kɛba Atarot kɛ Naara, ni esharã Yeriko kɛyamɔ Yordan lɛ.

Ṅmãle̱ Kroṅkroṅ Le̱

⁷ ni edše̱ Ianoha ekpleke ši ke̱-te Atarot ke̱ Naarat, ni ešrã Ieriko he ke̱-yamõ Iordan nā.

Yoshua 16:7 ပူးပေါင်းရင်းမြစ်များ

1 Kronika 7:28

Amɛgbɛfaŋ shikpɔŋ ni ahã amɛ koni amɛhi nɔ lɛ, no nɔ Betel maŋ wulu lɛ kɛ ehe maji lɛ kɛjɛ bokãgbɛ aahu kɛyashi Naaran yɔɔ. Yɛ anaigbɛ lɛ amɛshikpɔŋ lɛ tee aahu kɛyashɛ Gezer maŋ wulu lɛ kɛ ehe maji lɛ ahe. Shikpɔŋ nɛɛ nɔ nɔŋŋ Shekem maŋ wulu lɛ kɛ ehe maji lɛ kɛ Aya maŋ wulu kɛ ehe maji lɛ yɔɔ.

4 Mose 33:48

Kɛkɛ ni amɛfã yɛ Abarim Gɔŋ lɛ he ni amɛyato shi yɛ Moab ŋa kplenee lɛ nɔ yɛ Yordan Faa lɛ bokãgbɛ yɛ Yeriko ŋlɛnɔ.

Yoshua 16:6

Kɛjɛ jɛi lɛ husu lɛ yamɔ Mediterenia Ŋshɔ lɛ. Yɛ kooyigbɛ lɛ husu lɛ yawa Mikmetat, ni edɔ eyi kɛtsɔ̃ bokãgbɛ kɛtee Taanat-Shilo; kɛkɛ ni etse mli kɛtee Yanoha yɛ bokãgbɛ.

Yoshua 3:16

kɛkɛ ni nu ni jɛ yiteŋgbɛ baa lɛ wa, ni ekwɔ kɛtee ŋwɛi shɔŋŋ, yɛ Adam ni ji maŋ ko ni bɛŋkɛ Zaretan lɛ he. Kɛkɛ ni nu ni kpelekeɔ shi kɛyaboteɔ Araba ŋshɔ, ni ji Ŋoo Ŋshɔ, lɛ mli lɛ tã, ni esɛɛ fo kwraa. Kɛkɛ ni Israelbii lɛ fo faa lɛ yɛ Yeriko ŋlɛnɔ tuuŋtu.

Yoshua 6:1

Be nɛɛ mli lɛ aŋã Yeriko maŋ lɛ agbo lɛ naa kpɛŋŋ yɛ Israelbii lɛ ahewɔ: mɔ ko mɔ ko ejɛɛɛ mli ejeee kpo lɛ, mɔ ko mɔ ko hu eyaaa mli.

Yoshua 6:26

Ni Yoshua kã amɛ kitã yɛ nakai be lɛ mli akɛ, “Mɔ ni aaate shi akɛ ebaasaa Yeriko maŋ nɛɛ ema lɛ, alomɔ lɛ yɛ Yehowa hiɛ. Ekɛ ekromɔbi wala baatse nitsumɔ lɛ shishitoo, ni ekɛ ebi sɛɛkpelɔ wala baatse maŋ lɛ agboi lɛ taramɔ.”