Yoshua 15:8 - ŊMALƐ KRƆŊKRƆŊ LƐ

⁸ Husu lɛ tsa nɔ ekoŋŋ kɛtsɔ̃ Hinom Jɔɔ lɛ mli, yɛ gɔŋ ni Yebusbii amaŋ ni ji Yerusalɛm lɛ mã nɔ lɛ wuoyigbɛ, ni ewo ehe nɔ kɛtee gɔŋ ni ye Hinom Jɔɔ lɛ hiɛ lɛ yiteŋ anaigbɛ, yɛ he ni Refaim Jɔɔ lɛ naa yatãa yɛ, yɛ kooyigbɛ lɛ.

Ṅmãle̱ Kroṅkroṅ Le̱

⁸ ni hũsũ le̱ tšṍ *Hinombi le̱ dšō̱ le̱ṅ ye̱ Iebusbii le̱ amase̱i ye̱ wuoyigbe̱ le̱, no dši Ierusalem; ni hũsũ le̱ wó enā no̱ ke̱-te goṅ ní yo̱ Hinom dšō̱ le̱ hĩe le̱ yiteṅ ye̱ anaigbe̱, ye̱ Refaim dšō̱ ní kã kōyigbe̱ le̱ nãgbēhe le̱. *2 Kron. 28,8.

Yoshua 15:8 ပူးပေါင်းရင်းမြစ်များ

2 Samuel 5:18

Filistibii lɛ ba, ni amɛbagba ta yɛ Refaim Jɔɔ lɛ mli, ni amɛha jɛi fɛɛ.

2 Samuel 5:22

Shi Filistibii lɛ fã ta kɛba ekoŋŋ, ni amɛbagba ta yɛ Efraim Jɔɔ lɛ mli.

2 Maŋtsɛmɛi 23:10

Maŋtsɛ Yosia bule Tofet, wɔŋjamɔhe ni yɔɔ Hinombii aJɔɔ lɛ mli lɛ, bɔ ni afee ni mɔ ko mɔ ko akagbe ebinuu loo ebiyoo ekɛshã afɔle ekɛhã wɔŋ Molek lɛ dɔŋŋ.

1 Kronika 11:4

Kɛkɛ ni David kɛ Israel muu fɛɛ fã ta kɛtee kɛyanina Yerusalɛm. Nakai be mli lɛ atsɛɔ Yerusalɛm akɛ Yebus. Shikpɔŋ lɛ nɔ shikwɛ̃ɛbii lɛ ni yɔɔ jɛi lɛ atsɛɔ amɛ Yebusbii.

2 Kronika 28:3

ni eshã tsofakɛŋma yɛ Hinom Jɔɔ lɛ mli ekɛja jemawɔji lɛ. Etee nɔ po esha lɛ diɛŋtsɛ emusuŋbii akɛ afɔle ekɛhã jemawɔji lɛ. Gbɔmɛi ni yɔɔ shikpɔŋ lɛ nɔ sa, shi Yehowa shwie amɛ yɛ Israelbii lɛ agbɛ nɔ be ni Israelbii lɛ jɛ Ijipt amɛbaa lɛ akusum ni ehiɔ ji enɛ.

Nehemia 11:30

kɛ Zanoa kɛ Adullam kɛ amɛhe akrowai lɛ amli. Amɛhi Lakish kɛ ehumɔhei lɛ kɛ Azeka kɛ ehe akrowai lɛ amli.

Yesaia 17:5

Israel baatsɔ̃ tamɔ ŋmɔ ni ŋmãakulɔ efolɔ emli abeletsei lɛ eshwie shi, ni eku amɛyi abele lɛ; ebaatsɔ̃ tamɔ Refaim Jɔɔ lɛ mli ŋmɔ ni aye emli ŋmãa kpɛkpɛo butuu.

Yeremia 19:14

Kɛkɛ ni Yeremia jɛ Tofet, he ni Yehowa tsu lɛ akɛ eyagba yɛ lɛ eba, ni ebadamɔ Yehowa Sɔlemɔ we lɛ kpo lɛ nɔ, ni ekɛɛ maŋbii lɛ fɛɛ akɛ,

Yeremia 19:2

ni okɛ amɛ atsɔ̃ Gbɛshɔ̃lɔ Agbo lɛ mli kɛya Hinom bi lɛ Jɔɔ lɛ mli, koni oshiɛ wiemɔi ni makɛɛ bo lɛ yɛ jɛi.

Yeremia 19:6

Enɛ hewɔ lɛ, naa, be miiba, ni atsɛŋ he ni wɔyɔɔ nɛɛ Tofet loo Hinom Jɔɔ dɔŋŋ; shi moŋ abaatsɛ biɛ akɛ Gbɔmɔgbee Jɔɔ.

Yoshua 15:63

Shi Yudabii lɛ eyanyɛɛɛ Yebusbii, ni ji mɛi ni yɔɔ Yerusalɛm lɛ amɛshwie. No hewɔ lɛ, Yebusbii lɛ futu Yudabii lɛ kɛhi Yerusalɛm kɛbashi ŋmɛnɛ.

Yoshua 18:16

Husu lɛ kpeleke shi kɛtee gɔŋ lɛ ni kwɛɔ Hinom Jɔɔ lɛ mli lɛ shishi, yɛ ekooyigbɛ he ni Refaim Jɔɔ lɛ naa yatãa yɛ lɛ. Husu lɛ nyɔ Hinom Jɔɔ lɛ mli agbɛnɛ, ni etsɔ̃ Yebusbii lɛ awuoyigbɛ kɛtee En-Rogel Nubu lɛ naa.

Yoshua 18:28

kɛ Zela kɛ Elef kɛ Yebus, ni ji Yerusalɛm, kɛ Gibea kɛ Kiriat-Yearim. Maji fɛɛ ni Benyaminbii lɛ na ji maji nyɔŋma kɛ ejwɛ kɛ amɛhe akrowai. Enɛ ji Benyaminbii lɛ agbɛfaŋnɔ ni ahã amɛ yɛ amɛwekui lɛ anaa lɛ.

Kojolɔi 1:21

Shi Benyaminbii lɛ eshwieee Yebusbii ni yɔɔ Yerusalɛm lɛ. No hewɔ lɛ, Yebusbii lɛ kɛ Benyaminbii lɛ hi Yerusalɛm kɛbashi ŋmɛnɛ.

Kojolɔi 1:8

Yuda akutso lɛ kɛ Yerusalɛm maŋ lɛ bawu. Amɛŋɔ maŋ lɛ. Amɛkɛ klante gbe emli bii lɛ, ni amɛma maŋ lɛ naa la.

Kojolɔi 19:10

Shi nuu lɛ ekpɛlɛ̃ɛɛ ni ewɔ jɛi nakai gbi lɛ; no hewɔ lɛ, ete shi ni eyi mli. Ebɛŋkɛ Yebus ni ji Yerusalɛm ŋlɛnɔ. Ekɛ ehemɔ lɛ nyiɛ kɛ tejii enyɔ ni awo amɛnɔ nii.