Yoshua 15:7 - ŊMALƐ KRƆŊKRƆŊ LƐ

⁷ Husu lɛ wo ehe nɔ kɛjɛ Akor Jɔɔ lɛ mli kɛtee Debir, ni edɔ eyi kɛtsɔ̃ kooyigbɛ kɛtee Gilgal ni kwɛɔ Adumim gɔji ateŋ gbɛ lɛ ni yɔɔ jɔɔ lɛ wuoyigbɛ lɛ hiɛ lɛ. Kɛkɛ lɛ husu lɛ sharã Enshemesh nuhiŋmɛii lɛ ahe, ni ekɛ enaa yawo Rogel Nubu lɛ mli.

Ṅmãle̱ Kroṅkroṅ Le̱

⁷ Ni hũsũ le̱ dše̱ Akor dšō̱ le̱ṅ ewó enā no̱ ke̱-ba Debir, ni edo̱ eyi ke̱-tšṍ kōyigbe̱ ke̱-te Gilgal ye̱ Adumim ṅmeṅme le̱ ní yo̱ fā le̱ wuoyigbe̱ le̱ ṅe̱le̱no̱; ni hũsũ le̱ šrã En-Šemeš nui le̱, ni eke̱ enā yawó *Rogel nubu le̱ mli; *2 Sam. 17,17.

Yoshua 15:7 ပူးပေါင်းရင်းမြစ်များ

2 Samuel 17:17

Nɛkɛ be mli lɛ Osɔfo Abiatar bi Yonatan kɛ Osɔfo Zadok bi Ahimaaz etee amɛhe yɛ Rogel nubu lɛ he, yɛ Yerusalɛm klotia, ni kɛfee lɛ atsuɔ oblayoo ko kɛjɛɔ maŋ lɛ mli, ni ekɛ wiemɔ yahãa amɛ, ni amɛkɛyahãa Maŋtsɛ David. Bɔ ni afee ni akana amɛ hewɔ lɛ, Yonatan kɛ Ahimaaz eyaaa maŋ lɛ mli.

1 Maŋtsɛmɛi 1:9

Gbi ko lɛ Adonia yagbegbee toi kɛ tsinai kɛ kooloi ni ewo fɔ yɛ Onufu Tɛsaa lɛ ni bɛŋkɛ Rogel Nubu lɛ he. Ekpee enyɛmimɛi maŋtsɛbii lɛ fɛɛ kɛ Yuda hii kãkãlɔi ni ji Maŋtsɛ David tsuji lɛ fɛɛ kɛtee jɛi.

Yesaia 65:10

Amɛaaja mi, ni amɛaakpala amɛtoi kɛ tsinai kɛya Sharon ŋa ni yɔɔ anaigbɛ lɛ nɔ, ni amɛkɛ amɛkooloi aaaya Akor Jɔɔ ni yɔɔ bokãgbɛ lɛ hu mli koni amɛyaye nii.

Hosea 2:5

Ejaakɛ amɛnyɛ bɔ ajwamãŋ; efee hiɛgbejianii kɛna amɛ musu. Ekɛɛ ehe akɛ, ‘Hã maya mayatiu mishieŋtsɛmɛi lɛ; amɛ amɛhãa mi niyenii kɛ nu kɛ mikuntu kɛ klala lɛ kɛ mimu kɛ dãa.’

Yoshua 10:43

Enɛ sɛɛ lɛ Yoshua kɛ Israelbii lɛ fɛɛ ku amɛsɛɛ kɛba amɛshitoohe lɛ mli yɛ Gilgal.

Yoshua 15:15

Kɛkɛ ni Kaleb fã kɛjɛ Hebron, ni etee ekɛ Debirbii lɛ yawu. Sa lɛ Debir gbɛi ji Kiriat Sefer.

Yoshua 15:6

Kɛjɛ biɛ lɛ husu lɛ tee Bet Hogla; kɛkɛ ni etsɔ̃ Bet Araba Kooyigbɛ kɛtee Ruben bi Bohan tɛ lɛ he.

Yoshua 18:17

Egba kɛyi kooyigbɛ kɛjɛ biɛ kɛyamɔ En-Shemesh; ni etse mli kɛtee Gelilot ni yɔɔ Adumim Gɔŋ kɛ Gɔŋ teŋ gbɛ lɛ ŋlɛnɔ lɛ; kɛkɛ ni ekpeleke shi kɛtee Ruben bi Bohan Tɛ lɛ he.

Yoshua 4:19

Israelbii lɛ fo Yordan lɛ yɛ klɛŋklɛŋ nyɔŋ lɛ nɔ gbi ni ji nyɔŋma lɛ nɔ, ni amɛyato shi yɛ Gilgal yɛ Yeriko bokãgbɛ husu lɛ nɔ.

Yoshua 7:24

Kɛkɛ ni Yoshua kɛ Israelbii lɛ fɛɛ mɔ Akan, Zeranyo lɛ, ni akɛ jwiɛtɛi lɛ kɛ mama lɛ kɛ shika antɛle lɛ kɛ ebihii kɛ ebiyei kɛ agbɛnɛ etoi kɛ etsinai kɛ etejii kɛ ebuu lɛ, no ji nɔ fɛɛ nɔ ni eyɔɔ, fɛɛ fata ehe ni akpala amɛ kɛtee Akor Jɔɔ lɛŋ.

Yoshua 7:26

Asafo lɛ loo tɛ amɛkɛbua Akan nɔ, ni tɛi lɛ tsɔ̃ gɔŋ ni ma shi kɛbashi ŋmɛnɛ. Kɛkɛ ni Yehowa mlifu ni naa wa lɛ sɛɛ fo. No hewɔ lɛ, kɛbashi ŋmɛnɛ lɛ atsɛɔ jɛi akɛ Amanehulu Jɔɔ.