Yoshua 15:11 - ŊMALƐ KRƆŊKRƆŊ LƐ

¹¹ Husu lɛ tse mli, ni enyiɛ gɔŋ lɛ ni yɔɔ Ekron kooyigbɛ lɛ masɛi kɛtee Shikeron. No sɛɛ lɛ, etsɔ̃ Baala Gɔŋ lɛ nɔ kɛyaje Yamnia, ni enaa yamɔ Mediterenia Ŋshɔ lɛ.

Ṅmãle̱ Kroṅkroṅ Le̱

¹¹ Ni hũsũ le̱ nyie Ekron mase̱i ye̱ kōyigbe̱ le̱, ni agba ke̱-yaši Šikeron, ni etšṍ Baala goṅ le̱ no̱ ke̱-yadše Iabneel, ni enā yamõ ṅšo̱ le̱.

Yoshua 15:11 ပူးပေါင်းရင်းမြစ်များ

2 Maŋtsɛmɛi 1:16

“Bɔ ni Yehowa kɛɛ nɛ, ‘Akɛ nɔ kɛ̃ ni otsu bɔfoi kɛtee koni amɛyabi nii yɛ Baal-Zebub, Ekron nyɔŋmɔ lɛ ŋɔɔ, tamɔ nɔ ni Nyɔŋmɔ ko bɛ Israel ni aaabi edaaŋ gbee, hewɔ lɛ oteŋ shi yɛ hela saa ni okã nɔ nɛɛ nɔ dɔŋŋ, shi moŋ, gbo kɛ̃ obaagbo.’ ”

2 Maŋtsɛmɛi 1:6

Amɛhã lɛ hetoo akɛ, “Nuu ko kɛ wɔ bakpe, ni ekɛɛ wɔ akɛ, ‘Nyɛkua nyɛsɛɛ kɛyaa maŋtsɛ ni tsu nyɛ lɛ ŋɔɔ, ni nyɛyakɛa lɛ akɛ, Bɔ ni Yehowa kɛɛ nɛ, aso Nyɔŋmɔ ko ni bɛ Israel hewɔ ni otsuɔ koni ayabi nii yɛ Baal-Zebub, Ekron nyɔŋmɔ lɛ, ŋɔɔ nɛɛ? No hewɔ lɛ, oteŋ shi yɛ hela saa ni okã nɔ nɛɛ nɔ dɔŋŋ, shi moŋ gbo kɛ̃ obaagbo.’ ”

2 Kronika 26:6

Maŋtsɛ Uzia fã ta ni ekɛ Filistibii lɛ yawu, ni ekumɔ amɛmaji ni ji Gat kɛ Yabine kɛ Ashdod ahe gbogboi lɛ eshwie shi. No sɛɛ lɛ, etotoo maji wuji kɛ amɛhe gbogboi yɛ Ashdod kpokpai anɔ, kɛ agbɛnɛ yɛ Filistibii ashikpɔŋ lɛ nɔ hei krokomɛi hu.

4 Mose 34:6

Nyɛnaigbɛ husu lɛ ji Mediterenia Ŋshɔ lɛ kɛ enaa shikpɔŋ lɛ.

Yoshua 15:10

Elɔgɔ kɛjɛ Baala kɛtsɔ̃ anaigbɛ yɛ Edom gɔji ashikpɔŋ lɛ he kɛtee Yearim Gɔŋ lɛ, ni atsɛɔ lɛ Kesalon hu lɛ, kooyigbɛ. Ekpeleke shi kɛtee Bet Shemesh, ni esharã Timna he kɛho.

Yoshua 15:12

Ŋshɔ nɛɛ nɔŋŋ ji Yudabii lɛ anaigbɛ husu lɛ. Enɛ ji Yudabii lɛ awekui lɛ ashikpɔŋ lɛ husu.

Yoshua 15:45

Maji krokomɛi hu ni jwere ŋa nɔ shikpɔŋ lɛ nɔ ji Ekron kɛ ehe maji kɛ ehe akrowai lɛ; ejwere shi kɛjɛ Ekron diɛŋtsɛ aahu kɛyanina Mediterenia Ŋshɔ lɛ, maji wuji kɛ maji bibii fɛɛ,

Yoshua 15:9

Agbɛnɛ husu lɛ kã shi kɛjɛ gɔŋ lɛ yiteŋ kɛtee Neftoa Nuhiŋmɛii lɛ ahe. Kɛjɛ jɛi lɛ etse mli kɛtsɔ̃ Efrom Gɔŋ lɛ nɔ maji lɛ ahe, ni edɔ eyi kɛtee Baala, ni ji Kiriat-Yearim.

Kojolɔi 1:18

Asaŋ Yuda yaŋɔ Gaza kɛ ehe shikpɔji lɛ kɛ Ashkelon kɛ ehe shikpɔji lɛ kɛ Ekron kɛ ehe shikpɔji lɛ.

1 Samuel 17:52

Kɛkɛ ni Israel kɛ Yuda hii lɛ bɔ oshe, ni amɛtiu Filistibii lɛ kɛ foi. Amɛnyiɛ Filistibii lɛ asɛɛ kɛyashi Gat kɛ Ekron agboi lɛ anaa. Gbi lɛ Filistibii pilafoi jwere shi kɛjɛ Shaaraim aahu kɛyashi Gat kɛ Ekron fɛɛ.

1 Samuel 5:10

No hewɔ lɛ, amɛhã awo Nyɔŋmɔ Kpãŋmɔ Adeka lɛ kɛtee Ekron. Shi be ni akɛ Nyɔŋmɔ Kpãŋmɔ Adeka lɛ yashɛ jɛi lɛ, Ekronbii lɛ bolɔ amɛkɛɛ, “Naa, akɛ Israel Nyɔŋmɔ lɛ Kpãŋmɔ Adeka lɛ eba wɔŋɔɔ koni ebagbe wɔ kɛ wɔbii.”

1 Samuel 5:8

No hewɔ lɛ, amɛtsu ni ayakpee Filistibii lɛ alumɛi lɛ fɛɛ kɛba, ni amɛbi amɛ akɛ, “Te wɔfee Israel Nyɔŋmɔ lɛ Kpãŋmɔ Adeka lɛ tɛŋŋ?” Lumɛi lɛ kɛɛ amɛ akɛ, “Awo Israel Nyɔŋmɔ lɛ Kpãŋmɔ Adeka lɛ kɛba Gat.” No hewɔ lɛ, awo Israel Nyɔŋmɔ lɛ Kpãŋmɔ Adeka lɛ kɛtee Gat.

1 Samuel 7:14

Maji fɛɛ ni Filistibii lɛ eshɔ̃ yɛ Israelbii lɛ adeŋ lɛ, amɛkpale fɛɛ amɛhã Israel ekoŋŋ, kɛjɛ Ekron aahu kɛyashwie Gat. Israel nine shɛ eshikpɔji fɛɛ hu ni yaje Filistibii lɛ adɛŋ lɛ anɔ. Kɛkɛ ni toiŋjɔlɛ ba Israelbii lɛ kɛ Amorbii lɛ hu ateŋ.