Yoshua 15:10 - ŊMALƐ KRƆŊKRƆŊ LƐ

¹⁰ Elɔgɔ kɛjɛ Baala kɛtsɔ̃ anaigbɛ yɛ Edom gɔji ashikpɔŋ lɛ he kɛtee Yearim Gɔŋ lɛ, ni atsɛɔ lɛ Kesalon hu lɛ, kooyigbɛ. Ekpeleke shi kɛtee Bet Shemesh, ni esharã Timna he kɛho.

Ṅmãle̱ Kroṅkroṅ Le̱

¹⁰ Ni hũsũ le̱ lo̱go̱ ši ke̱-dše̱ Baala ke̱-te anaigbe̱ ye̱ Seir goṅ le̱ he, ni etšṍ Iearim goṅ le̱ mase̱i ye̱ kōyigbe̱ le̱, no dši Kesalon, ni ekpleke ši ke̱-ba Bet-Šemeš ni ešrã Timna he.

Yoshua 15:10 ပူးပေါင်းရင်းမြစ်များ

2 Samuel 6:2

Kɛkɛ ni David kɛ gbɔmɛi nɛɛ yiŋ kɛtee Baala maŋ lɛ mli yɛ Yuda shikpɔŋ lɛ nɔ, koni amɛyawo Nyɔŋmɔ Kpãŋmɔ Adeka lɛ. Akɛ Yehowa Ofe ni elumɔyeli sɛi lɛ ma kerubim lɛ anɔ lɛ gbɛi ewo adeka lɛ.

2 Maŋtsɛmɛi 14:11

Shi Amazia booo toi. No hewɔ lɛ, Israel Maŋtsɛ Yehoash fã kɛtee, ni ekɛ Yuda Maŋtsɛ Amazia yakpe hiɛ kɛ hiɛ yɛ ta mli yɛ Bet-Shemesh ni yɔɔ Yuda nɔ mli lɛ.

2 Kronika 28:18

Nakai be lɛ mli nɔŋŋ lɛ Filistibii lɛ ebatua Yuda maji ni yɔɔ Yuda anaigbɛ gɔji lɛ ahiɛshi lɛ kɛ agbɛnɛ ewuoyigbɛ maji lɛ hu. Amɛshɔ̃shɔ̃ɔ̃ maji nɛɛ, Bet-Shemesh kɛ Ayalon kɛ Gederot kɛ Soko kɛ ehe akrowai lɛ, kɛ Timna kɛ ehe akrowai lɛ, kɛ Gimzo hu kɛ ehe akrowai lɛ, ni amɛbahi maji nɛɛ amli kwraa.

Yoshua 15:11

Husu lɛ tse mli, ni enyiɛ gɔŋ lɛ ni yɔɔ Ekron kooyigbɛ lɛ masɛi kɛtee Shikeron. No sɛɛ lɛ, etsɔ̃ Baala Gɔŋ lɛ nɔ kɛyaje Yamnia, ni enaa yamɔ Mediterenia Ŋshɔ lɛ.

Yoshua 15:57

kɛ Kain kɛ Gibea kɛ Timna: maji nyɔŋma kɛ amɛhe akrowai.

Yoshua 19:38

Maji lɛ ekomɛi hu ji Yiron kɛ Migdal-El kɛ Horem kɛ Bet-Anat kɛ Bet-Shemesh. Fɛɛ fee maji nyɔŋma kɛ nɛɛhu kɛ amɛhe akrowai.

Yoshua 21:16

kɛ Ain kɛ Yuta kɛ Bet-Shemesh. Aŋɔ̃ maji nɛɛhu nɛɛ yɛ Yudabii lɛ kɛ Simeonbii lɛ akutsei enyɔ lɛ agbɛfaŋ shikpɔji lɛ amli.

Kojolɔi 14:1

Samson yiŋ etee Timna ni eyana yoo ko yɛ jɛi ni eji Filistibii lɛ eko.

Kojolɔi 14:5

Kɛkɛ ni Samson kɛ etsɛ kɛ enyɛ yiŋ kɛtee Timna. Amɛshɛ Timna waintromi lɛ ahe; kɛkɛ ni jata oblanyo ko bɔ̃i huumɔ kɛ Samson woo.

1 Samuel 6:9

Nyɛkwɛa eyisɛɛ. Kɛji adeka lɛ wo ehiɛ ema lɛ diɛŋtsɛ eshikpɔŋ lɛ nɔ gbɛ kɛtee Bet-Shemesh lɛ, no tsɔ̃ɔ akɛ Israel Nyɔŋmɔ lɛ ji mɔ ni ye wɔ awui kpeteŋkple nɛɛ lɛ; shi kɛji shwiili lɛ eyaaa jɛi lɛ belɛ wɔna wɔle akɛ jeee Yehowa piŋ wɔ lɛ, shi osharã ko kɛkɛ ni basharã wɔ.”