Yoshua 14:12 - ŊMALƐ KRƆŊKRƆŊ LƐ

¹² No hewɔ lɛ, agbɛnɛ okɛ nɛkɛ gɔŋ nɛɛ nɔ shikpɔŋ lɛ ahã mi, nɔ ni Yehowa wo shi yɛ he nakai gbi lɛ. Nakai bo diɛŋtsɛ onu kɛ otoi akɛ Anakbii lɛ ji mɛi ni yɔɔ jɛi yɛ maji wuji ni atswa gbogbo awo amɛhe akɛwaje amɛ lɛ mli. Eko lɛ Yehowa aaaye abua mi koni mashwie amɛ yɛ jɛi tamɔ bɔ ni Yehowa ekɛɛ lɛ.”

Ṅmãle̱ Kroṅkroṅ Le̱

¹² Nohewo̱ le̱ agbe̱ne̱, ṅõ ne̱ke̱ goṅ ne̱ ní Iehowa wie he ye̱ nakai gbĩ le̱ no̱ le̱ ohãmi; edšake̱ nakai gbĩ le̱ bodientše̱ onu; edšake̱ Anakbii ye̱ dše̱i ke̱ mãdši wudši ní atſa gbogboi awo he; ekole̱ Iehowa aafata mihe, ní maſieame̱, take̱ bo̱ni Iehowa wie le̱. 11,21.

Yoshua 14:12 ပူးပေါင်းရင်းမြစ်များ

2 Maŋtsɛmɛi 19:4

Eko lɛ Yehowa oNyɔŋmɔ lɛ enu Rabshake wiemɔi fɛɛ ni enuŋtsɔ Asiria Maŋtsɛ lɛ kɛtsu lɛ koni ekɛbabɔ Nyɔŋmɔ hiɛkãalɔ lɛ ahora lɛ, ni Yehowa baakã ehiɛ yɛ wiemɔi ni Yehowa oNyɔŋmɔ lɛ enu lɛ hewɔ. No hewɔ lɛ, sɔlemɔ okpa fai ohã wɔmaŋbii ni eshwɛ ni yɔɔ lɛ.”

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

Lalai 44:3

Ejaakɛ jeee amɛ diɛŋtsɛ amɛklante nɔ amɛtsɔ̃ amɛŋɔ shikpɔŋ lɛ; asaŋ jeee amɛnineshiwalɛ hã amɛye kunim; shi moŋ ohewalɛ kɛ onyɛmɔ naa, kɛ ohiɛ ni kã amɛhe lɛ hã amɛye kunim; ejaakɛ oyɛ amɛhe tsuijurɔ.

Lalai 60:12

Akɛni Nyɔŋmɔ kɛ wɔ yɔɔ nɛɛ lɛ wɔɔye kunim kɛ̃. Lɛ ji mɔ ni aaanaanaa wɔhenyɛlɔi lɛ anɔ kɛmɔ shi.

4 Mose 13:28

Shi moŋ mɛi ni yɔɔ shikpɔŋ lɛ nɔ lɛ, amɛhe wa; ni amɛmaji lɛ atswatswaa gbogboi awo amɛhe akɛwaje amɛ, ni maji lɛ dara naakpa hu; asaŋ wɔna Anakbii oblaŋi lɛ hu yɛ jɛi.

4 Mose 13:33

ni wɔna Anakbii ashwiei, gbɔmɛi oblaŋi gojogojoo lɛ ateŋ ekomɛi hu yɛ jɛi. Kɛji wɔkɛ wɔhe to amɛhe lɛ, wɔtamɔ agãi; ni nakai pɛpɛɛpɛ amɛ hu amɛnaa wɔ.”

4 Mose 21:34

Ni Yehowa kɛɛ Mose akɛ, “Kaashe lɛ gbeyei, ejaakɛ mijɔɔ lɛ kɛ emaŋbii lɛ kɛ eshikpɔŋ lɛ fɛɛ nɔ miwo odɛ̃ŋ. Obaaye enɔ kunim, koni ofee lɛ bɔ ni ofee Amorbii amaŋtsɛ Sihon ni ye lumɔ yɛ Heshbon lɛ.”

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

5 Mose 1:28

Nɛgbɛ wɔɔtsɔ̃ kɛya?’ Wɔnyɛmimɛi lɛ ehã wɔtsui efã, ejaakɛ amɛkɛɛ, ‘Gbɔmɛi lɛ dara ni amɛkwɔlɔ fe wɔ; amɛmaji lɛ hu dara, ni atswa gbogboi ni kwɔlɔ kɛyashi ŋwɛi awowoo amɛhe; ni wɔna Anakbii tete yɛ jɛi.’

5 Mose 9:1

“Nyɛboa toi, Israelbii! Nyɛbaafo Yordan Faa lɛ ŋmɛnɛ gbi nɛɛ koni nyɛya nyɛyaŋɔ shikpɔji yɛ maji ni dara, ni asaŋ amɛhe wa hu fe nyɛ adɛŋ, shikpɔji kɛ amɛnɔ maji wuji kɛ amɛhe gbogboi ni atswa kɛtee ŋwɛi shɔŋŋ akɛwaje amɛ.

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

Hebribii 11:33

mɛi ni tsɔ̃ hemɔkɛyeli nɔ amɛye maŋtsɛyelii anɔ kunim, amɛtsu jalɛnii, amɛnine shɛ shiwoi anɔ, amɛtsimɔ jatai anaa,

Yoshua 15:14

Kaleb shwie Anak shwiei etɛ̃ lɛ, ni ji Sheshai kɛ Ahiman kɛ Talmai, kɛje Hebron.

Kojolɔi 1:20

Akɛ Hebron hã Kaleb tamɔ bɔ ni Mose ekɛɛ lɛ, ni Kaleb shwie Anakbii etɛ̃ lɛ kɛje jɛi.

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”