Yoshua 13:5 - ŊMALƐ KRƆŊKRƆŊ LƐ

⁵ Ekomɛi hu ji Giblibii ashikpɔŋ lɛ kɛ Lebanon muu fɛɛ kɛtee bokãgbɛ, kɛjɛ Balgad yɛ Hermon Gɔŋ lɛ wuoyigbɛ kɛyashi he ni atsɔ̃ɔ kɛyaa Hamat lɛ.

Ṅmãle̱ Kroṅkroṅ Le̱

⁵ ke̱ Giblibii ašikpoṅ le̱, ke̱ Lebanon mū le̱ fẽ ye̱ bokãgbe̱ le̱, ke̱-dše̱ Baal-Gad ni yo̱ Hermon goṅ le̱ Siši le̱ ke̱-yaši heni atšṍo̱ ke̱-yaā Hamat le̱.

Yoshua 13:5 ပူးပေါင်းရင်းမြစ်များ

1 Maŋtsɛmɛi 5:18

Ni Solomon nitsulɔi lɛ kɛ Hiram nitsulɔi lɛ kɛ Giblibii lɛ ko tɛi lɛ, ni amɛsaa tsei kɛ tɛi lɛ koni akɛma tsu lɛ.

1 Maŋtsɛmɛi 8:65

Solomon kɛ Israel maŋ muu fɛɛ ye Asesei Agbijurɔ lɛ gbii kpawo. Asafo yuu diɛŋtsɛ ba kɛjɛ Hamat niiaŋ yɛ kooyigbɛ kɛ Ijipt niiaŋ yɛ wuoyigbɛ fɛɛ.

Lalai 83:7

kɛ Gebalbii lɛ kɛ Amonbii lɛ kɛ Amalekbii lɛ kɛ Filistiabii lɛ kɛ Tirobii lɛ hu.

Yesaia 10:9

Ani Kalno tamɔɔɔ Karkemish, ni Hamat tamɔɔɔ Arpad, ni Samaria tamɔɔɔ Damasko hã mi?

Yeremia 52:9

Amɔ maŋtsɛ lɛ, ni akɛ lɛ bahã Babilon Maŋtsɛ Nebukadnezar yɛ Ribla, yɛ Hamat shikpɔŋ lɛ nɔ, ni ekojo Zedekia.

Ezekiel 27:9

Gebal onukpai kɛ ŋaalɔi ni yɔɔ omli lɛ ji srɛŋkifoi ni tsimɔɔ omli fɔ̃ji lɛ. Ŋshɔ hiɛ lɛji kɛ amɛsraafoi fɛɛ baa omli amɛbayeɔ bo jara.

Amos 6:2

Nyɛhoa kɛyaa Kalne maŋ lɛ mli nyɛyakwɛa jɛi; ni nyɛjɛa jɛi nyɛyaa Hamat maŋ wulu lɛ mli; nyɛtsaa nɔ kɛkpelekea shi kɛyaa Filistibii amaŋ ni ji Gat lɛ mli hu. Ani amɛhi fe maŋtsɛyelihei nɛɛ lo; aloo amɛshikpɔŋ lɛ da fe nyɛshikpɔŋ lɛ,

4 Mose 13:21

Bɔfoi lɛ yiŋ amɛtee, ni amɛyasara Kanaan shikpɔŋ lɛ nigii kɛjɛ Zin ŋa lɛ nɔ, yɛ wuoyigbɛ, aahu kɛyashi Rehob, he ni atsɔ̃ɔ kɛyaa Hamat lɛ, yɛ kooyigbɛ.

4 Mose 34:8

ni ebaajɛ jɛi hu kɛyamɔ Hamat, koni etsa nɔ kɛya Zedad,

5 Mose 1:7

Nyɛdɔa nyɛyi koni nyɛfãa kɛyaa Amorbii agɔji ashikpɔŋ lɛ kɛ hei fɛɛ ni bɛŋkɛ jɛi lɛ nɔ. Hei nɛɛ ji Yordan Jɔɔ shikpɔŋ lɛ, ni yɔɔ wuoyigbɛ lɛ kɛyamɔ Mediterenia Ŋshɔ lɛ naa, kɛ Kanaanbii ashikpɔŋ lɛ kɛ Lebanon aahu kɛyamɔ faa wulu ni ji Eufrate lɛ naa.

5 Mose 3:25

Ofainɛ, hã mi hu mafo mli kɛya mayana shikpɔŋ kpakpa ni baa nii ni yɔɔ Yordan anaigbɛ lɛ, nakai gɔji ashikpɔŋ kpakpa lɛ kɛ Lebanon hu.’

Yoshua 11:17

Shikpɔŋ ni Yoshua shɔ̃ lɛ kã shi kɛjɛ Halak Gɔŋ lɛ ni woɔ ehe nɔ kɛyaa Seir kpokpai anɔ lɛ he kɛyashi Baal-Gad, yɛ Lebanon Jɔɔ lɛ mli, yɛ Hermon Gɔŋ lɛ shishi. Yoshua mɔ̃mɔ shikpɔji nɛɛ anɔ maŋtsɛmɛi lɛ fɛɛ, ni etswia amɛ nii, ni egbe amɛ.

Yoshua 11:3

Etsu Kanaanbii ni yɔɔ Yordan Faa lɛ bokãgbɛ kɛ anaigbɛ hu lɛ fɛɛ kɛ Amorbii lɛ kɛ Hitbii lɛ kɛ Perizbii lɛ kɛ Yebusbii ni yɔɔ gɔji lɛ anɔ lɛ, kɛ Hivbii ni yɔɔ Hermon Gɔŋ lɛ shishi yɛ Mizpa shikpɔŋ lɛ nɔ lɛ hu aŋɔ̃ɔ.

Yoshua 12:7

Yoshua kɛ Israelbii lɛ ye shikpɔŋ lɛ nɔ maŋtsɛmɛi fɛɛ anɔ kunim; no ji maŋtsɛmɛi ni yɔɔ Yordan anaigbɛ kɛjɛ Baal-Gad, yɛ Lebanon Jɔɔ lɛ mli, kɛyanina Halak Gɔŋ lɛ, yɛ wuoyigbɛ yɛ Edom masɛi. Yoshua jara maŋtsɛmɛi nɛɛ ashikpɔji lɛ eha Israel akutsei lɛ akɛ amɛnɔ.