Yoshua 13:25 - ŊMALƐ KRƆŊKRƆŊ LƐ

²⁵ Ehã amɛ kɛjɛ Yazer shikpɔŋ lɛ kɛ maji fɛɛ ni yɔɔ Gilead lɛ kɛmɔ Amonbii lɛ ashikpɔŋ lɛ fã kɛyashi Aroer ni kã Raba bokãgbɛ lɛ nɔ.

Ṅmãle̱ Kroṅkroṅ Le̱

²⁵ Ame̱hũsũ dši Iazer ke̱ Gilead mãdši le̱ fẽ, ke̱ Amonbii le̱ ašikpoṅ le̱ fã, ke̱-yaši Aroer ni kã Raba hĩe le̱;

Yoshua 13:25 ပူးပေါင်းရင်းမြစ်များ

2 Samuel 11:1

Afi ni nyiɛ sɛɛ lɛ, be ni maŋtsɛmɛi fãa ta lɛ, David wo Yoab kɛ esafoiatsɛmɛi kɛ Israel tabilɔi gbɛ, ni amɛyakpãtã Amonbii lɛ ahiɛ. Amɛyasa Raba maŋ lɛ yi; shi David diɛŋtsɛ lɛ ehi shi yɛ Yerusalɛm.

2 Samuel 12:26

Ni Yoab fã ta kɛyatua Amonbii amaŋ wulu ni atsɛɔ lɛ Raba lɛ, ni ekɛ amɛwu; ni eshwɛ fioo ni ebaaŋɔ maŋ lɛ.

2 Samuel 24:5

Amɛyafo Yordan Faa lɛ, ni amɛyato shi yɛ Aroer, ni ji maŋ ni kã Gad Faa lɛ jɔɔ lɛ teŋ lɛ wuoyigbɛ. Amɛjɛ jɛi amɛtee kooyigbɛ kɛyashɛ Yazer.

1 Kronika 26:31

Yeria ji Hebronbii lɛ atsɛmɛi awei srɔtoi lɛ fɛɛ amli onukpa. Maŋtsɛ David maŋtsɛyeli afi ni ji nyɔŋmai ejwɛ lɛ nɔ lɛ, atao Hebron shwiei lɛ amli ekãalɔi lɛ ayibɔ, kɛkɛ ni ayana Hebronbii kãkãlɔi yɛ Yazer ni yɔɔ Gilead lɛ.

1 Kronika 6:81

kɛ Heshbon kɛ Yazer kɛ amɛhe jwɛifɔ shikpɔji lɛ.

Yesaia 16:8

Ejaakɛ Heshbon ŋmɔji lɛ ahiɛ ekpãtã, ni Sibma waintsei lɛ hu ahiɛ ekpãtã. Waintso ni eyibii hã majimaji alumɔ tɔrɔ dãa lɛ niji eyashɛ Yazer tɔ̃ɔ, ni egba bokãgbɛ kɛtee shiaŋa lɛ nɔ, ni etee anaigbɛ kɛyashɛ Ŋoo Ŋshɔ lɛ sɛɛ.

Yesaia 17:2

Abaashi Siria maji lɛ ashwie shi kɛya naanɔ. Toi kɛ tsinai kɛ jɛi baafee amɛniyelihe, ni mɔ ko mɔ ko woŋ amɛhe gbeyei.

Yeremia 48:32

Ao Sibma, mafo bo fe bɔ ni mafo Yazer. Sibma, otamɔ waintso, ni ohe niji eteke Ŋoo Ŋshɔ lɛ kɛtee kɛyashɛ Yazer tɔ̃ɔ. Shi naa, otsei ayibii kɛ owainyibii lɛ fɛɛ hiɛ ekpãtã.

Ezekiel 21:20

Okadi lɛ ekome atsɔ̃ɔ maŋtsɛ lɛ gbɛ ni ekɛ eklante lɛ atsɔ̃ nɔ kɛba Raba, ni ji Amonbii lɛ amaŋ lɛ mli; okadi kroko lɛ atsɔ̃ɔ gbɛ kɛya Yuda shikpɔŋ lɛ nɔ kɛbote Yerusalɛm ni atswa gbogbo awo ehe lɛ mli tɔ̃ɔ.

Amos 1:14

No hewɔ lɛ, mibama Raba maŋ lɛ he gbogbo lɛ naa la, ni ebaashã emli mɔji lɛ. Gbi lɛ abaabɔ tawuu oshe, ni ta lɛ naa baawa tamɔ ahum ni efã.

4 Mose 21:32

Mose tsu mɛi ni amɛtee amɛyasara Yazer maŋ lɛ amɛba; ni fee sɛɛ lɛ Israelbii lɛ yatua maŋ lɛ, ni amɛŋɔ kɛ ehe akrowai lɛ fɛɛ, ni amɛshwie Amorbii ni yɔɔ jɛi momo sa lɛ.

4 Mose 32:35

kɛ Atrot-Shofan kɛ Yazer kɛ Yogbeha,

5 Mose 2:19

Kɛji nyɛyashɛ Amonbii lɛ ashikpɔŋ lɛ husu lɛ nɔ lɛ, nyɛkagbaa Amonbii lɛ anaa, ni nyɛkɛ amɛ akawua ta ko hu, ejaakɛ mikɛ Amonbii lɛ ashikpɔŋ lɛ he ko kwraa haŋ nyɛ, ejaakɛ mikɛhã Lot shwiei lɛ akɛ amɛgbɛfaŋnɔ.’ ”

5 Mose 3:11

(Bashan Maŋtsɛ Og nɛɛ, lɛ ji Refaimbii ashwiei lɛ ateŋ naagbeemɔ ni eshwɛ. Esaatso lɛ dade saatso ni, ni ekɛlɛ ji ninetalɔi nɛɛhu kɛ elɛɛmɔ hu ninetalɔi ejwɛ. Dade saatso nɛɛ yɛ Amonbii amaŋ ni ji Raba kɛbashi ŋmɛnɛ.)

Yoshua 13:11

Amɛ nɔŋŋ akɛ Gilead kɛ Geshurbii kɛ Maakatbii ashikpɔŋ lɛ kɛ Hermon Gɔŋ lɛ fɛɛ kɛ Bashan fɛɛ kɛyashi Salka hu hã.

Yoshua 13:24

Mose hã Gadbii lɛ hu shikpɔŋ lɛ eko akɛ amɛgbɛfaŋnɔ yɛ amɛwekui lɛ anaa.

Yoshua 13:26

Ekɛ kɛjɛ Heshbon kɛyashi Ramat Mizpa kɛ Betonim hu hã amɛ nɔŋŋ. Agbɛnɛ hu ehã amɛ kɛjɛ Mahanaim kɛyashi Debir husu lɛ nɔ,

Yoshua 21:39

kɛ Heshbon kɛ Yazer.

Kojolɔi 5:17

Gilead ta shi yɛ Yordan sɛɛ, Mɛɛba Dan mɛɔ yɛ lɛji lɛ amli? Asher esɛ̃ koniŋŋ kɛta ŋshɔ lɛ naa, eta ŋshɔ blei lɛ anaa.