Yoshua 13:14 - ŊMALƐ KRƆŊKRƆŊ LƐ

¹⁴ Levibii akutso lɛ kɛkɛ ni Mose hãaa amɛ amɛ kɔkrɔɔ amɛshikpɔŋ akɛ amɛgbɛfaŋnɔ. Afɔlei ni akɛ la shãa akɛhãa Yehowa, Israel Nyɔŋmɔ lɛ, ji Levibii lɛ agbɛfaŋnɔ ni ahã amɛ tamɔ bɔ ni Mose ekɛɛ amɛ eto lɛ.

Ṅmãle̱ Kroṅkroṅ Le̱

¹⁴ *Levi akutšo le̱ ke̱ke̱ ni ehããle̱ gbe̱fãṅnõ ko; Iehowa, Israel Nyoṅmo̱ le̱, afo̱lei ní ake̱ la šãa le̱ dši egbe̱fãṅnõ, take̱ bo̱ni ewole̱ ši le̱. *K. 33.

Yoshua 13:14 ပူးပေါင်းရင်းမြစ်များ

Ezekiel 44:28

“Osɔfoi lɛ bɛ gboshinii ko; mi ji amɛgboshinii. Amɛkana gboshinii ko kwraa yɛ Israel. Mi ji amɛgbɛfaŋnɔ.

Ezekiel 44:29

Nii ni amɛye ji niyenii afɔle lɛ kɛ esha he afɔle lɛ kɛ sɔ̃ afɔle lɛ. Asaŋ nɔ fɛɛ nɔ ni ajɔɔ nɔ yɛ Israel atsɔ̃ amɛnɔ.

5 Mose 10:9

No hewɔ ni Levibii akutso lɛ naaa amɛ kɔkrɔɔ amɛshikpɔŋ tamɔ akutsei krokomɛi lɛ. Amɛ lɛ, amɛgbɛfaŋnɔ ji akɛ amɛ amɛsɔmɔ Yehowa tamɔ bɔ ni Yehowa, nyɛNyɔŋmɔ lɛ, ekɛɛ amɛ lɛ.)

5 Mose 12:12

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

5 Mose 12:19

Gbii abɔ ni nyɛyɔɔ nyɛshikpɔji lɛ anɔ lɛ, nyɛkwɛa ni ahĩa koni nyɛhiɛ akakpaa Levibii lɛ anɔ.

Yoshua 13:13

Shi Israelbii lɛ eshwieee Geshurbii lɛ kɛ Maakatbii lɛ; no hewɔ lɛ, Geshurbii lɛ kɛ Maakatbii lɛ futu Israelbii lɛ kɛhi shi kɛbashi ŋmɛnɛ.

Yoshua 13:15

Mose hã Rubenbii akutso lɛ amɛgbɛfaŋ shikpɔŋ yɛ amɛwekui lɛ anaa.

Yoshua 13:33

Shi Levibii lɛ Mose hãaa amɛ shikpɔŋ lɛ eko. Amɛ lɛ afɔlei ni akɛbahãa Yehowa, Israel Nyɔŋmɔ lɛ, ji amɛgbɛfaŋnɔ ni amɛyɔɔ. Nakai ji bɔ ni Mose hã amɛnu shishi.

Yoshua 18:7

Shi Levibii ni yɔɔ nyɛteŋ lɛ, amɛ lɛ amɛnaŋ shikpɔŋ lɛ eko, ejaakɛ amɛ lɛ amɛgbɛfaŋnɔ ji osɔfoyeli kɛhã Yehowa. Gad akutso lɛ kɛ Ruben akutso lɛ kɛ Manasebii ni yɔɔ bokãgbɛ lɛ, amɛna amɛgbɛfaŋnɔ momo yɛ Yordan lɛ sɛɛ, yɛ bokãgbɛ, he ni Yehowa tsulɔ Mose kɛhã amɛ lɛ.”