Yoshua 12:7 - ŊMALƐ KRƆŊKRƆŊ LƐ

⁷ Yoshua kɛ Israelbii lɛ ye shikpɔŋ lɛ nɔ maŋtsɛmɛi fɛɛ anɔ kunim; no ji maŋtsɛmɛi ni yɔɔ Yordan anaigbɛ kɛjɛ Baal-Gad, yɛ Lebanon Jɔɔ lɛ mli, kɛyanina Halak Gɔŋ lɛ, yɛ wuoyigbɛ yɛ Edom masɛi. Yoshua jara maŋtsɛmɛi nɛɛ ashikpɔji lɛ eha Israel akutsei lɛ akɛ amɛnɔ.

Ṅmãle̱ Kroṅkroṅ Le̱

⁷ Ni mene̱mei dši šikpoṅ le̱ no̱ maṅtše̱mei ní Iošua ke̱ Israelbii le̱ gbe ye̱ Iordan anaigbe̱ ke̱-dše̱ Baal-Gad ni kã Lebanon dšō̱ le̱ṅ le̱ ke̱-yaši goṅ ke̱ eno̱ kpatā ní wó enā no̱ ke̱-te Seir le̱ he; ni Iošua ṅõ ame̱šikpodši le̱ ehã Israel akutšei le̱ ake̱ ame̱nõ ye̱ ame̱mlidšāi le̱ anā;

Yoshua 12:7 ပူးပေါင်းရင်းမြစ်များ

1 Mose 14:6

Amɛye Horbii hu anɔ yɛ amɛgɔŋ Edom lɛ nɔ, ni amɛnyiɛ amɛsɛɛ kɛyashi El-Paran ni kã shiaŋa kplanaa lɛ naa lɛ.

1 Mose 32:3

Kɛkɛ ni Yakob tsu mɛi kɛtsɔ ehiɛ kɛtee enyɛmi Esau ŋɔɔ yɛ Seir yɛ Edom shikpɔŋ lɛ nɔ.

1 Mose 36:20

Seir ni ji Hornyo lɛ shĩa lɛ mli bii ni yɔɔ shikpɔŋ lɛ nɔ lɛ nɛ: Lotan we kɛ Shobal we kɛ Zibeon we kɛ Ana we,

1 Mose 36:30

kɛ Dishon we kɛ Ezer we kɛ Dishan we. Mɛnɛɛmɛi ji Horbii lɛ awei ni ye lumɔ yɛ amɛkutsei lɛ anaa yɛ Seir shikpɔŋ lɛ nɔ lɛ.

1 Mose 36:8

Esau yahi Edom gɔji lɛ anɔ.

Lalai 135:11

Egbe Sihon, Amorbii lɛ amaŋtsɛ, kɛ Og, Bashan maŋtsɛ lɛ hu, kɛ Kanaan maŋtsɛmɛi lɛ fɛɛ.

5 Mose 2:1

“Kɛkɛ ni wɔdɔ wɔyi kɛtsɔ̃ Akaba Bele lɛ he gbɛ lɛ nɔ kɛyabote shiaŋa lɛ mli bɔ ni Yehowa kɛɛ mi akɛ afee lɛ. Wɔye gbii babaoo ni wɔmiilɔgɔ shi kɛmiibɔle Edom Gɔŋ lɛ.

5 Mose 2:4

Ni obɔ maŋ lɛ kɔkɔ ni okɛɛ amɛ akɛ nyɛyaatsɔ̃ nyɛnyɛmimɛi, Esau shwiei, ni yɔɔ Edom lɛ akpokpai lɛ anɔ. Amɛbaashe nyɛ gbeyei;

Yoshua 11:17

Shikpɔŋ ni Yoshua shɔ̃ lɛ kã shi kɛjɛ Halak Gɔŋ lɛ ni woɔ ehe nɔ kɛyaa Seir kpokpai anɔ lɛ he kɛyashi Baal-Gad, yɛ Lebanon Jɔɔ lɛ mli, yɛ Hermon Gɔŋ lɛ shishi. Yoshua mɔ̃mɔ shikpɔji nɛɛ anɔ maŋtsɛmɛi lɛ fɛɛ, ni etswia amɛ nii, ni egbe amɛ.

Yoshua 11:23

Yoshua ŋɔ̃ shikpɔŋ tso muu lɛ fɛɛ tswɛm tamɔ bɔ ni Yehowa ekɛɛ Mose eto lɛ pɛpɛɛpɛ; ni Yoshua ja shikpɔŋ lɛ ehã Israel akutsei lɛ akɛ amɛnɔ koni amɛhi nɔ. Agbɛnɛ taitai lɛ asɛɛ fo, ni shikpɔŋ lɛ nɔ jɔ.

Yoshua 3:17

Be ni Israelbii lɛ fɛɛ nyiɛ shikpɔŋ gbiŋ nɔ kɛfoɔ faa lɛ, osɔfoi lɛ ni tere Yehowa Kpãŋmɔ Adeka lɛ wa damɔ shikpɔŋ gbiŋ nɔ yɛ Yordan teŋ tuuŋtu kɛyashi beyinɔ ni maŋ muu lɛ fɛɛ fo faa lɛ tã.

Yoshua 9:1

Majiatsɛmɛi ni yɔɔ Yordan lɛ anaigbɛ lɛ nu Israelbii akunimyeli sane lɛ. Amɛ ji mɛi ni yɔɔ gɔji lɛ anɔ kɛ gɔji lɛ ajɔi lɛ amli kɛ Mediterenia Ŋshɔ lɛ naa maji ni yɔɔ aahu kɛyashi Lebanon lɛ. Majiatsɛmɛi nɛɛ ji Hitbii kɛ Amorbii kɛ Kanaanbii kɛ Perizbii kɛ Hivbii kɛ Yebusbii amajiatsɛmɛi lɛ.