Yoshua 12:6 - ŊMALƐ KRƆŊKRƆŊ LƐ

⁶ Yehowa tsulɔ Mose kɛ Israelbii lɛ ye maŋtsɛmɛi enyɔ nɛɛ anɔ kunim, ni Mose kɛ maŋtsɛmɛi nɛɛ ashikpɔji lɛ hã Rubenbii lɛ kɛ Gadbii lɛ kɛ Manase akutso lɛ fã akɛ amɛnɔ.

Ṅmãle̱ Kroṅkroṅ Le̱

⁶ Iehowa tšũlo̱ Mose ke̱ Israelbii le̱ gbeame̱; ni Iehowa tšũlo̱ Mose ṅõ *šikpoṅ le̱ ehã Rubenbii le̱ ke̱ Gadbii le̱ ke̱ Manase akutšo le̱ fã le̱ ake̱ ame̱nõ. *4 Mose 32,33.

Yoshua 12:6 ပူးပေါင်းရင်းမြစ်များ

1 Maŋtsɛmɛi 4:19

Ur bi Geber kwɛɔ Gilead he ni Amorbii amaŋtsɛ Sihon kɛ Bashanbii amaŋtsɛ Og hi lɛ. Mɛnɛɛmɛi fɛɛ asɛɛ lɛ mɔ kome ko yɛ ni kwɛɔ shikpɔŋ muu lɛ fɛɛ nɔ.

4 Mose 32:29

“Kɛji Gad hii lɛ kɛ Ruben hii lɛ kɛ nyɛ aaafo Yordan lɛ, ni amɛteŋ hii fɛɛ aaawa nyɛ kɛwu ta lɛ yɛ Yehowa hiɛ, ni nyɛaaye shikpɔŋ lɛ nɔ lɛ, nyɛkɛ Gilead shikpɔŋ lɛ ahãa amɛ akɛ amɛgbɛfaŋnɔ.

4 Mose 32:32

Wɔbaamia kɛfo Yordan lɛ yɛ Yehowa hiɛ kɛya Kanaan shikpɔŋ lɛ nɔ bɔ ni afee ni wɔgbɛfaŋ shikpɔŋ ni wɔna yɛ biɛ nɛɛ, yɛ Yordan lɛ bokãgbɛ lɛ, ahi shi ahã wɔ.”

4 Mose 32:33

No hewɔ lɛ, Mose kɛ shikpɔji kɛ maji ni yɔɔ Amorbii amaŋtsɛ Sihon kɛ Bashan maŋtsɛ Og hu shishi lɛ fɛɛ hã Gadbii lɛ kɛ Rubenbii lɛ kɛ Yosef bi Manase shwiei akutso lɛ fã lɛ akɛ amɛgbɛfaŋnɔ.

Yoshua 14:3

Ejaakɛ Mose ehã akutsei enyɔ kɛ fã lɛ amɛgbɛfaŋnɔ momo yɛ Yordan lɛ sɛɛ. Shi Levibii lɛ, amɛ lɛ, ehãaa amɛ amɛ kɔkrɔɔ amɛgbɛfaŋ shikpɔŋ ko yɛ nii ni aja lɛ mli.

Yoshua 18:7

Shi Levibii ni yɔɔ nyɛteŋ lɛ, amɛ lɛ amɛnaŋ shikpɔŋ lɛ eko, ejaakɛ amɛ lɛ amɛgbɛfaŋnɔ ji osɔfoyeli kɛhã Yehowa. Gad akutso lɛ kɛ Ruben akutso lɛ kɛ Manasebii ni yɔɔ bokãgbɛ lɛ, amɛna amɛgbɛfaŋnɔ momo yɛ Yordan lɛ sɛɛ, yɛ bokãgbɛ, he ni Yehowa tsulɔ Mose kɛhã amɛ lɛ.”

Yoshua 22:4

Agbɛnɛ Yehowa, nyɛNyɔŋmɔ lɛ, ehã nyɛnyɛmimɛi lɛ ahe ejɔ amɛ tamɔ bɔ ni ewo amɛ shi lɛ. No hewɔ lɛ, agbɛnɛ nyɛkua nyɛsɛɛ ni nyɛyaa nyɛshikpɔŋ ni Yehowa tsulɔ Mose kɛhã nyɛ momo, yɛ Yordan lɛ bokãgbɛ, akɛ nyɛgbɛfaŋnɔ lɛ nɔ.