Yoshua 12:2 - ŊMALƐ KRƆŊKRƆŊ LƐ

² Sihon, Amorbii amaŋtsɛ lɛ ni hi shi yɛ Heshbon lɛ. Emaŋtsɛyeli shikpɔji lɛ ateŋ eko ji kɛjɛ Aroer (ni kã Yordan Jɔɔ shikpɔŋ lɛ naa lɛ) kɛmɔ Arnon Jɔɔ lɛ teŋ maŋ lɛ kɛyanina Yabok Faa lɛ ni ji Amonbii lɛ ahusu lɛ tɔ̃ɔ. Shikpɔŋ nɛɛ feɔ Gilead shikpɔŋ tso muu lɛ fã.

Ṅmãle̱ Kroṅkroṅ Le̱

² Amorbii amaṅtše̱ *Sihon ní hĩ Hešbon ní ye no̱ ke̱-dše̱ Aroer ní kã Arnon fā le̱ nä ke̱ dšō̱ le̱ teṅ le̱ he, ke̱ Gilead fã ke̱-yaši Iabok fā le̱ ni dši Amonbii le̱ ahũsũ le̱ nā, *4 Mose 21,24.

Yoshua 12:2 ပူးပေါင်းရင်းမြစ်များ

1 Mose 32:22

Yakob te shi nyɔɔŋ lɛ mli, ni ekɛ eŋãmɛi enyɔ lɛ kɛ eweyei enyɔ lɛ kɛ ebihii nyɔŋma kɛ ekome lɛ yafo faa lɛ yɛ Yabok faafoohe lɛ.

1 Kronika 5:8

kɛ Bela, ni ji Yoel bi Shema bi Azaz bi lɛ. Amɛkutso lɛ hi shi kɛjɛ Aroer maŋ lɛ kɛ shikpɔŋ ni kã shi kɛjɛ jɛi kɛtee kooyigbɛ aahu kɛyashɛ Nebo kɛ Baal-Meon he.

Nehemia 9:22

“Ohã amɛye maji kɛ maŋtsɛyelii anɔ kunim. Amɛye shikpɔji ni bɛŋkɛ amɛ lɛ anɔ, kɛyashi amɛŋɔ Heshbon ni ji Maŋtsɛ Sihon shikpɔŋ lɛ, kɛ Bashan ni ji Maŋtsɛ Og shikpɔŋ lɛ.

Lalai 135:11

Egbe Sihon, Amorbii lɛ amaŋtsɛ, kɛ Og, Bashan maŋtsɛ lɛ hu, kɛ Kanaan maŋtsɛmɛi lɛ fɛɛ.

Yeremia 48:19

Nyɛ mɛi ni nyɛyɔɔ Aroer, nyɛdamɔa gbɛ lɛ he nyɛsaraa koni nyɛbia mɔ ni ena foijee he gbɛ nuu ni jio, yoo ni jio, akɛ ‘Mɛni eba?’

5 Mose 1:4

No mli lɛ Mose egbe Amorbii amaŋtsɛ Sihon, mɔ ni ye lumɔ yɛ Heshbon lɛ, kɛ Bashan maŋtsɛ Og, mɔ ni ye lumɔ yɛ Ashtarot kɛ Edrei lɛ momo.

Kojolɔi 11:13

Amonbii amaŋtsɛ lɛ hã bɔfoi ni atsu lɛ hetoo akɛ, “Ejaakɛ be ni Israel jɛ Ijipt baa lɛ, ekɔ mishikpɔŋ lɛ kɛjɛ Arnon Faa lɛ he kɛyashi Yabok Faa lɛ kɛ Yordan Faa lɛ he; no hewɔ lɛ, agbɛnɛ kɛ minii aku sɛɛ ahã mi kpoo!”

Kojolɔi 11:22

Amɛŋɔ Amorbii lɛ ashikpɔŋ lɛ fɛɛ kɛjɛ Arnon Faa lɛ he kɛyashi Yabok Faa lɛ he; amɛŋɔ kɛjɛ ŋã lɛ nɔ kɛyashi Yordan naa tɔ̃ɔ.