Yoshua 12:1 - ŊMALƐ KRƆŊKRƆŊ LƐ

¹ Israelbii lɛ ye maŋtsɛmɛi nɛɛ anɔ kunim, ni amɛŋɔ̃ amɛshikpɔŋ ni yɔɔ Yordan Jɔɔ lɛ mli kɛtee kooyigbɛ aahu kɛyanina Hermon Gɔŋ lɛ. Maŋtsɛmɛi nɛɛ ateŋ mɔ kome ji

Ṅmãle̱ Kroṅkroṅ Le̱

¹ Ni mene̱mei dši šikpoṅ le̱ no̱ maṅtše̱mei ní Israelbii le̱ gbe ní ame̱ṅõ ame̱šikpõdši le̱, ye̱ Iordan se̱ ye̱ bokãgbe̱ le̱, ke̱-dše̱ Arnon fā le̱ nā ke̱-yaši Hermon goṅ le̱ he ke̱ ṅã kplanä le̱ fẽ ye̱ bokãgbe̱ le̱:

Yoshua 12:1 ပူးပေါင်းရင်းမြစ်များ

1 Maŋtsɛmɛi 4:19

Ur bi Geber kwɛɔ Gilead he ni Amorbii amaŋtsɛ Sihon kɛ Bashanbii amaŋtsɛ Og hi lɛ. Mɛnɛɛmɛi fɛɛ asɛɛ lɛ mɔ kome ko yɛ ni kwɛɔ shikpɔŋ muu lɛ fɛɛ nɔ.

Lalai 133:3

Etamɔ Hermon bɔ ni nyɔɔ Zion gɔji lɛ anɔ lɛ. Ejaakɛ Yehowa ewo Zion jɔɔmɔ kɛ wala he shi kɛyaashi naanɔ.

Lalai 136:21

Ni eŋɔ amɛshikpɔŋ lɛ ehã ewebii akɛ gboshinii lɛ ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 89:12

Bo obɔ kooyi kɛ wuoyi fɛɛ. Tabor Gɔŋ lɛ kɛ Hermon Gɔŋ lɛ fɛɛ kɛ miishɛɛ jieɔ ogbɛi lɛ yi.

Yesaia 16:2

Moabbii lɛ tsɔ̃ tamɔ loofɔji ni miitsomlo kɛmiiya kɛmiiba, amɛtamɔ loofɔji abii ni agbɛ amɛ ashwã yɛ Arnon Faa lɛ faafoohe lɛ.

4 Mose 21:13

ni kɛjɛ jɛi lɛ, Israelbii lɛ yato shi yɛ Arnon Faa lɛ kooyigbɛ ŋa kplanaa ni kã shi aahu kɛyaboteɔ Amorbii lɛ ashikpɔŋ lɛ mli lɛ nɔ. Arnon Faa nɛɛ ji Moabbii kɛ Amorbii lɛ ahusu.

4 Mose 21:21

Kɛkɛ ni Israelbii lɛ tsu bɔfoi kɛtee Amorbii amaŋtsɛ Sihon ŋɔ̃ɔ ayakɛɛ lɛ akɛ,

4 Mose 21:24

Shi Israelbii lɛ anine tsɔ̃ Amorbii lɛ anɔ, ni amɛgbe amɛ, ni amɛŋɔ Amorbii ashikpɔŋ lɛ kɛjɛ Arnon Faa lɛ naa aahu kɛyashwie Yabok Faa lɛ naa, ni ji Amonbii ashikpɔŋ lɛ naa lɛ, ejaakɛ Amonbii lɛ etswa gbogboi yɛ amɛhusu lɛ naa.

4 Mose 32:19

Wɔkɛ amɛ epeleŋ shikpɔŋ ko he yɛ Yordan lɛ sɛɛgbɛ kɛyaa fɛɛ, ejaakɛ wɔ wɔgbɛfaŋnɔ lɛ ebaje Yordan lɛ biɛgbɛ yɛ bokãgbɛ nɛɛ.”

4 Mose 32:32

Wɔbaamia kɛfo Yordan lɛ yɛ Yehowa hiɛ kɛya Kanaan shikpɔŋ lɛ nɔ bɔ ni afee ni wɔgbɛfaŋ shikpɔŋ ni wɔna yɛ biɛ nɛɛ, yɛ Yordan lɛ bokãgbɛ lɛ, ahi shi ahã wɔ.”

4 Mose 32:33

No hewɔ lɛ, Mose kɛ shikpɔji kɛ maji ni yɔɔ Amorbii amaŋtsɛ Sihon kɛ Bashan maŋtsɛ Og hu shishi lɛ fɛɛ hã Gadbii lɛ kɛ Rubenbii lɛ kɛ Yosef bi Manase shwiei akutso lɛ fã lɛ akɛ amɛgbɛfaŋnɔ.

5 Mose 2:24

“Nyɛtea shi ni nyɛyia mli, ni nyɛyafoa Arnon Faa lɛ. Naa, mijɔɔ Heshbon maŋtsɛ Sihon, Amornyo lɛ, kɛ eshikpɔŋ lɛ hu fɛɛ nɔ mihã nyɛ. Nyɛyatuaa lɛ koni nyɛbɔi shikpɔŋ lɛ shɔ̃mɔ.

5 Mose 2:32

Maŋtsɛ Sihon kɛ etabilɔi fɛɛ fã kɛba koni amɛ kɛ wɔ abawu yɛ Yahaz maŋ lɛ masɛi.

5 Mose 3:1

“Agbɛnɛ wɔdɔ wɔyi, ni wɔyi Bashan shikpɔŋ lɛ nɔ gbɛ. Bashan Maŋtsɛ Og kɛ etabilɔi fɛɛ fã kɛba koni amɛ kɛ wɔ abawu yɛ Edrei maŋ lɛ masɛi.

5 Mose 4:44

Nyɔŋmɔ mlai ni Mose kɛshwie Israelbii lɛ ahiɛ lɛ nɛ:

5 Mose 4:46

ni amɛbashɛ jɔɔ ni kã Yordan Faa lɛ bokãgbɛ lɛ mli, yɛ Betpeor maŋ lɛ ŋlɛnɔ lɛ. Nɛkɛ be mli lɛ, Israelbii lɛ yɛ Amorbii amaŋtsɛ Sihon ni hi Heshbon, mɔ ni Mose kɛ Israelbii lɛ ye enɔ kunim, be ni amɛnyiɛ gbɛ kɛjɛ Ijipt amɛbaa lɛ, shikpɔŋ lɛ nɔ lɛ.

5 Mose 4:48

kɛjɛ Aroer maŋ lɛ ni kã Arnon Faa lɛ jɔɔ lɛ toi kɛtee kooyigbɛ aahu kɛyashi Sirion ni ji Hermon Gɔŋ lɛ he.

Yoshua 1:15

kɛyashi beyinɔ ni Yehowa aaahã nyɛnyɛmimɛi lɛ hu ana he ko ni amɛjɔɔ amɛhe yɛ, tamɔ bɔ ni ehã nyɛjɔɔ nyɛhe lɛ, be mli ni amɛ hu shikpɔŋ ni Yehowa, nyɛNyɔŋmɔ lɛ, kɛhãa amɛ lɛ aaashɛ amɛdɛŋ lɛ. No sɛɛ dani nyɛku nyɛsɛɛ kɛba nyɛshikpɔŋ ni Yehowa tsulɔ Mose kɛhã nyɛ yɛ Yordan Faa nɛɛ sɛɛ yɛ bokãgbɛ lɛ nɔ, ni nyɛbahi nɔ.”

Yoshua 11:17

Shikpɔŋ ni Yoshua shɔ̃ lɛ kã shi kɛjɛ Halak Gɔŋ lɛ ni woɔ ehe nɔ kɛyaa Seir kpokpai anɔ lɛ he kɛyashi Baal-Gad, yɛ Lebanon Jɔɔ lɛ mli, yɛ Hermon Gɔŋ lɛ shishi. Yoshua mɔ̃mɔ shikpɔji nɛɛ anɔ maŋtsɛmɛi lɛ fɛɛ, ni etswia amɛ nii, ni egbe amɛ.

Yoshua 11:3

Etsu Kanaanbii ni yɔɔ Yordan Faa lɛ bokãgbɛ kɛ anaigbɛ hu lɛ fɛɛ kɛ Amorbii lɛ kɛ Hitbii lɛ kɛ Perizbii lɛ kɛ Yebusbii ni yɔɔ gɔji lɛ anɔ lɛ, kɛ Hivbii ni yɔɔ Hermon Gɔŋ lɛ shishi yɛ Mizpa shikpɔŋ lɛ nɔ lɛ hu aŋɔ̃ɔ.

Yoshua 13:8

Manase akutso lɛ fã kome kɛ Rubenbii lɛ kɛ Gadbii lɛ ena amɛgbɛfaŋ shikpɔŋ momo yɛ Yordan lɛ bokãgbɛ tamɔ bɔ ni Yehowa tsulɔ Mose kɛhã amɛ lɛ.

Yoshua 22:4

Agbɛnɛ Yehowa, nyɛNyɔŋmɔ lɛ, ehã nyɛnyɛmimɛi lɛ ahe ejɔ amɛ tamɔ bɔ ni ewo amɛ shi lɛ. No hewɔ lɛ, agbɛnɛ nyɛkua nyɛsɛɛ ni nyɛyaa nyɛshikpɔŋ ni Yehowa tsulɔ Mose kɛhã nyɛ momo, yɛ Yordan lɛ bokãgbɛ, akɛ nyɛgbɛfaŋnɔ lɛ nɔ.

Kojolɔi 11:18

Kɛkɛ ni amɛtsɔ̃ ŋã lɛ nɔ, ni amɛyalɔgɔ Edom shikpɔŋ lɛ kɛ Moab shikpɔŋ lɛ kɛyashɛ Moab shikpɔŋ lɛ bokãgbɛ, ni amɛbato shi yɛ Arnon Faa lɛ sɛɛgbɛ. Shi amɛboteee Moab shikpɔŋ mli, ejaakɛ Arnon Faa lɛ ji Moab husu.